ក្រចេះ រថយ័ន្តអ៊ីស៊ុយស៊ុយពណ៌ទឹកប្រាក់មួយគ្រឿងត្រូវបានអគ្គីភ័យលេបត្របាក់យ៉ាងសន្ធោសន្ធៅក្លាយជាផេះអស់មួយរំពេជឧបទ្ទវហេតុដ៏កម្រមាននេះបានកើតឡើងនៅវេលាម៉ោង១២និង២០នាទីថ្ងៃត្រង់ថ្ងៃ ទី ២៨ ខែ សីហា ឆ្នាំ ២០១៤នៅចំណុចទល់មុខនិងប្រលានយន្តហោះស្ថិតនៅភូមិសាស្ត្រ សង្កាត់ អូឬស្សី ក្រុងក្រចេះ។
បើតាមប្រភពព័ត៌មានពីប្រជាពលរដ្ឋនៅនិងកន្លែងកើតហេតុបានប្រាប់ឲ្យថា មុនពេលឧបទ្ទវហេតុនេះដ៏គួរឲ្យភ្ញាក់ផ្អើលនេះបានកើតឡើងគេបានឃើញអណ្ដាតភ្លើងឆាបឆេះចេញពីបំពុងស៊ីមាំងរថយ័ន្តក្នុងខណពេលកំពុងបើកបរក្រោយពីបានឃើញហេតុការណ៍នេះបានកើតឡើងហើយគេក៏បានជិះម៉ូតូយ៉ាងលឿនតាមពីក្រោយដើម្បីប្រាប់ម្ចាស់រថយ័ន្ត ក៏ប៉ុន្តែបើទោះជាអ្នកឃើញហេតុការណ៍ខំប្រឹងជិះម៉ូតូយ៉ាងលឿមដើម្បីផ្ដល់ដំណឹងជូនម្ចាស់រថយន្តយ៉ាងណាក៏ដោយចុះក៏មិនទាន់ហេតុការណ៍ដែលបានកើតឡើងនោះដែរ។ 
ក្រោយពីបានឃើញ អគ្គីភ័យឆាបឆេះយ៉ាងសន្ធោសន្ធៅលាយឡំជាមូយនិងផ្សេងខ្មៅ ខ្មួលខ្មាញ់នៅពីខាងក្រោយរថយន្តយ៉ាងដូច្នេះហើយ គាត់ក៏កាច់សោររថយន្តពន្លត់និងប្រញ៉ាប់ប្រញ៉ាល់ចុះចេញពីរថយន្ត ហើយក៏ប្រញ៉ាប់ប្រញ៉ាល់ទូរស័ព្ទខលទៅ អង្គភាពពន្លត់ អគ្គីភ័យ របស់ស្នងការដ្ឋាននគរបាលខេត្តក្រចេះ ឲ្យមកជួយអន្តរាគម៍ពន្លត់អគ្គីភ័យដែលកំពុងតែឆាបឆេះរថយន្តរបស់គាត់នៅលើកំណាត់ផ្លូវជាតិនៃចំណុចកើតហេតុដូចបានរៀបរាប់ជូនខាងលើ ។
ក៏ប៉ុន្តែវាហួសពេលបាត់ទៅហើយនៅពេលដែលរថយន្តពន្លត់អគ្គីភ័យ របស់ស្នងការដ្ឋាននគរបាលខេត្តក្រចេះបានមកដល់ រថយន្តរបស់ត្រូវបានអគ្គីភ័យលេបត្របាក់នៅសល់តែគ្រោងឆ្អឹងអស់បាត់ទៅហើយ ម្ចាស់រថយន្តរូបនោះបានបន្តទៀតថា ឧបទ្ទវហេតុដ៏ចៃដន្យបានកើតឡើងយ៉ាងដូច្នេះគឺបណ្ដាលកមពី រូបគាត់បានទិញប្រេងម៉ាស៊ូតមួយ មីដុងដាក់នៅខាងក្រោយរថយន្តរបស់គាត់ នៅក្នុងខណ:ពេលដែលគាត់ធ្វើដំណើរមកពីខេត្តរតន:គិរីឆ្ពោះទៅកាន់ ខេត្តព្រៃវែង តាម
កំណាត់ផ្លូវជាតិលេខ ៧ ក្រចេះ- ស្ទឹងត្រែង ប្រហែលជាផ្លូវនេះគ្រលិក គ្រលុក ខ្លាំងពេក ទើបបណ្ដាលឲ្យមីដុងដែលគាត់ដាក់ប្រេងម៉ាស៊ូតនោះបានលិចហូរចេញមកប៉ះនឹងបំពង់ស៊ីម៉ាំងរថយន្ត បណ្ដាលធ្វើឲ្យបែកផ្កាភ្លើងនិងឆាបឆេះជាបន្តបន្ទាប់ លុះមកដល់ចំណុចកើតហេតុនេះតែម្ដង ហើយរូបគាត់មិនអាចរកពាក្យពិជ្រណាមួយ មកថ្លាថ្លែងស្ដែងចេញជាវាចារបាននោះឡើយ ក្រៅពីពាក្យពីរម៉ាត់ថា គាត់មានការសោកស្ដាយ រថយន្ត ដ៏ថ្មីសន្លាងរបស់គាត់ខ្លាំងណាស់ដែលទើបតែនឹងទិញ ក្នុងតំលៃ ជាង បួនម៉ឺនដុល្លានោះ ៕
