ក្រុងប៉ោយប៉ែត ប្រជាពលរដ្ឋចំនួន៧០គ្រួសារ នៅតែបន្តមកធ្វើកាតវ៉ា រឿងឈ្មួញរំលោភយកដីរបស់ពួកគាត់ ដែលមានទំហំ២៧០ ×៩០ម នៅក្នុងតំបន់ផ្សាររ៉ាថ្មី ក្រុងប៉ោយប៉ែត ប៉ុន្តែការតវ៉ានោះ ត្រូវបានមន្ត្រីជំនាញ របស់សាលាខេត្តបន្ទាយមានជ័យ អះអាងថា និងធានាដោះស្រាយជូន ពួកគាត់ក្នុងរយះ១អាទិត្យ ដើម្បីរកយុតត្តិធម៏ជូនជនរងគ្រោះខាងលើនោះ។ 
ក្នុងហេតុការតវ៉ារឿងដីធ្លីនោះ គឺកើតមានក្នុងម៉ោង ០៩ ១០នាទីព្រឹក ថ្ងៃទី២៨ ខែសីហា ឆ្នាំ២០១៤ នៅចំណុចខាងមុខសាលាខេត្តបន្ទាយមានជ័យ តែម្តង ដែលពលរដ្ឋទាំងនោះ មានសរុបចំនួន៧០គ្រួសារ រស់នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដោយសាតែមានឈ្មួញជាថៅកែផ្សាររ៉ាថ្មី បានរំលោភបំពានយកដីរបស់ ពួកគាត់ដូចមានចំនួនខាងលើ ហើយក៏មានមួយផ្នែកទៀត គឺលោកឧញ្ញ៉ា ដែលជាជនមាន អំណាចបានយកដីរបស់ពួកគាត់ចំនួន១ហិកតាផងដែរ ។ 
តាមការលើកឡើងរបស់ជនរងគ្រោះខាងលើ គឺបានបញ្ជាក់ថា ការតវ៉ារបស់ពួកគាត់នោះ គឺមានច្រើនដងរួចមកហើយ រហូតឈានទៅដល់ការចាប់ខ្លួន តំណាងពួកគាត់ចំនួន៧នាក់ យកទៅញាត់គុកដោយអយុត្តិធម៏ទៀតផង ពលរដ្ឋក៏បានបន្តទៀតថា បើទួសជាកាតវ៉ារបស់ ពួកគាត់នោះ ត្រូវបានសម្តេចនាយករដ្ឋមន្ត្រីហ៊ុន សែន ជួយធ្វើអន្តរាគម៏ អោយអាជ្ញាធរ ដោះស្រាយជូនពួកគាត់ជាបន្ទាន់ ប៉ុន្តែពុំមានអស់លោកណាដោះស្រាយជូនពួកគាត់នោះទេ
បែជាគេឃុបឃិតគ្នា លួចស៊ីញេ ដីរបស់ពួកគាត់ទៅអោយឈ្មួញឈ្មោះ លីម៉ារី និងលោកទិត្យ លេខ ដែលត្រូវជាប្តីប្រពន្ធជាមួយគ្នា យកទៅធ្វើផ្សាររ៉ា ប្រកបដោយជោគជ័យរហូតមក ដល់ពេលនេះ ពលរដ្ឋបានបន្តទៀតថា ការតវ៉ានៅមុខសាលាខេត្តលើកនេះ គឺជាលើក ចុងក្រោយ ហើយបើគ្មានដំណោះស្រាយទេនោះ ពួកគាត់និងឡើងទៅដល់ផ្ទះសម្តេចនាយក រដ្ឋមន្ត្រីហ៊ុន សែន នាពេលដ៏ខ្លីខាងមុខនេះ ជាមិនខាងឡើយ។
លោកកែចវ ដារ៉ារស្មី មន្ត្រីជំនាញដោះស្រាយវិវាទដីធ្លីបានប្រាប់តំណាង ប្រជាពលរដ្ឋថា លោកនិងយករឿងនេះ រាយការណ៏ជូនអភិបាលខេត្តដើម្បីរកយុត្តិធម៏ជូនប្រជាពលរដ្ឋដោយ ខានមិនបាន លោកកែវដារ៉ារស្មី បានបន្តទៀតថា លោកធានាតែ១អាទិត្យប៉ុណ្ណោះ ដើម្បី ចុះស្រាវជ្រាវរឿងក្តីនេះ ជូនពលរដ្ឋអោយមានភាពយុត្តិធម៏ នាពេលដ៏ខ្លីខាងមុខនេះ៕
