កំពង់ឆ្នាំង៖ អ្នករត់តាក់ស៊ីគ្រប់ប្រភេទ និងរថយន្តដឹកទំនិញមួយចំនួន លើកំណាត់ផ្លូវជាតិលេខ៥ បាត់ដំបង ពោធិសាត់ ភ្នំពេញ ឆ្លងកាត់ទឹកដីខេត្តកំពង់ឆ្នាំង បានធ្វើការរិះគន់យ៉ាងខ្លាំងទៅលើ កម្លាំងនគរបាលចរាចរណ៍ជើងគោកនៃស្នងការដ្ឋាននគរបាលខេត្តកំពង់ឆ្នាំង ដែលឈរជើង នៅចំណុចដំរីស ស្ថិតក្នុងភូមិត្រពាំងចឹកសារ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ដឹកនាំកម្លាំងដោយលោក សេង ច័ន្ទថុន នាយផ្នែកចរាចរណ៍ផ្លូវគោគដែលក្រោមការគ្រប់គ្រងពីលោក អៀរ
ប៊ុនធឿន ប្រធានការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តកំពង់ឆ្នាំង ប្រព្រឹត្តអំពើពុករលួយដោយចំហរ ធ្វើការយាមកាមដើម្បីតែលាភសក្ការៈ ហើយពេលផាក ពិន័យម្តងៗសរសរតួលេខ លើវិក័យបត្រ័តិចជាងប្រាក់ដែលត្រូវដាក់ចូលហោប៉ៅផ្ទាល់ខ្លួន ។ លើសពីនេះទៅទៀតក្នុងករណីបើជួបរថយន្តនីសាន់ ឬរថយន្តធំដឹកសំពីងសំពោង គឺធ្វើការទារ ប្រាក់ស្រេចតែចិត្តនឹកឃើញ ហើយប្រាក់ដែលទាមទារបានគឺចូលហោប៉ៅឯកជន មិនបាន សសរវិក័យប័ត្រត្រឹមត្រូវ
ទេ ទោះជារថយន្តដែលខុសបច្ចេកទេសយ៉ាងណាក៍ដោយអោយតែមាន ប្រាក់តាមការទាមទារគឺជាការស្រេច និងអាចបន្តដំណើរទៅមុខយ៉ាងស្រួល ។ ជាក់ស្តែង កាលពីថ្ងៃទី២៧ ខែសីហា ឆ្នាំ២០១៤ អ្នករត់ឡានតាក់ស៊ី ប្រភេទតួរីស ពីខេត្ត ពោធិ៍សាត់ និងបាត់ដំបងដែលបានឆ្លងកាត់ខេត្តកំពង់ឆ្នាំង តាមបណ្តោយផ្លូវជាតិលេខ៥ នៅត្រង់ចំណុចដំរីសរ ឋិតក្នុងភូមិត្រពាំងចឺកសារ សង្កាត់កំពង់ឆ្នាំង ក្រុងកំពង់ឆ្នាំង បានខ្សឹបប្រាប់អ្នកសារព័ត៌មានឲ្យដឹងថា នៅល្ងាចថ្ងៃទី២៧ ខែសីហា ឆ្នាំ២០១៤វេលាម៉ោង៦និង៣0នាទីរថយន្តរបស់គាត់ធ្វើដំណើរមកដល់ចំណុចខាងលើ ត្រូវបាន ប៉ូលីសខេត្តបានធ្វើការហៅ
ឈប់ដើម្បីត្រួតពិនិត្យឆែកឆេររកអាវុធជាតិផ្ទុះ និងត្រួតពិនិត្យរថយន្តដែលខ្វះបច្ចេកទេស ដើម្បីធ្វើការផាកវិន័យ។ ពេលនោះប៉ូលីសចរាចរណ៍ផ្លូវគោគខេត្តបានធ្វើការផាក់វិន័យ គាត់ចំនួន២៤០០០រៀល(ពីម៉ឺនបួនពាន់រៀល)ប៉ុន្តែនៅពេលសសេរលើវិក័យប័ត្រផាកវិន័យមានចំនួនតែ៨០០០រៀល(ប្រាំបីពាន់រៀល) ពេលនោះគាត់មិនប្រកែកប្រណាំងជាមួយនិងមន្ត្រីប៉ូលីសទេ តែសូមពេលវិន័យយកលុយពីគាត់ សូមឲ្យសសេរក្នងវិក័យប័ត្រឲ្យបានត្រឹមត្រូវផង។
ប្រភពពត៌មានមួយផ្សេងទៀតបានអោយដឹងថា នៅត្រង់ចំណុច អនុវិទ្យារលាប្អៀរត្បូង កម្លាំងប៉ូលីសចរាចរណ៍ក៍សំបើមណាស់ដែរក្នុងការជិរិតទារប្រាក់ពីអ្នករកស៊ីរត់តាក់ស៊ី ដោយគ្រាន់តែដឹកឈើកាំជណ្តើរតែ៧កាំប៉ុណ្ណោះជំរិតទារពីម្ចាស់តាក់ស៊ីចំនួន៣រយដុល្លា ចុងបញ្ចប់ ម្ចាស់តាក់ស៊ីគ្មានប្រាក់អោយក៍ទៅសំរួលជាមួយតាខ្លឹងជាមន្ត្រីប៉ូលីសចរាចរណ៍ឈរជើងនៅទិនោះក្នុងតំលៃ២០ម៉ឺនរៀល ។
ពាក់ព័ន្ធនិងពត៌មានខាងលើនេះ លោក អៀរ ប៊ុនធឿន ប្រធានការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តកំពង់ឆ្នាំងបានបំភ្លឺប្រាប់អ្នកយកពត៌មានយើងថា ការបែបនេះមិនមែនជាម្លាំងការងាររបស់លោកនោះទេ កម្លាំងរបស់លោកដាក់យាមចាប់ពីម៉ោង៦ព្រឹក ដល់ម៉ោង៩ព្រឹកតែប៉ុណ្ណោះ លោកមិនដឹងទេ។ តែទោះយ៉ាងណាក៍ដោយ មន្ត្រីប៉ូលីសចរាចរណ៍ទាំងអស់ គ្រប់ស្រុកទូទាំងខេត្ត កំពង់ឆ្នាំង គួរណាស់តែ លោក អៀរ ប៊ុនធឿន បានដឹងបានលឺថាកំពុងធ្វើអ្វីខ្លះ ព្រោះស្ថិតក្រោមការគ្រប់គ្រងរបស់លោក បើគ្មានបទបញ្ជា ក៍មន្ត្រីប៉ូលីសចរាចរណ៍ទាំងនោះ មិនអាច ឬ ហ៊ានដាក់កម្លាំងចុះប្រតិបត្តិការពេលយប់យ៉ាងដូច្នេះដែរ ។
ប្រជាពលរដ្ឋសំណូមពរចំពោះ លោក ប្រាក់ វុឌ្ឃី ស្នងការនគរបាលខេត្តកំពង់ឆ្នាំង សូមមានវិធានការណ៍គ្រប់គ្រង អប់រំ ណែនាំចំពោះមន្ត្រីនគរបាលខេត្តផ្នែកចរាចរណ៍ដែលបាន ទាំងអស់អោយប្រព្រឹត្តអោយបានត្រឹមត្រូវ ដោយឈរលើគោលការច្បាប់ផង៕
