រដ្ឋាភិបាលទីក្រុងគៀវកាលពីថ្ងៃទី ២៧ ខែសីហា បានប្រកាសឱ្យដឹងថា ក្បួន រថក្រោះ រថពាសដែករុស្ស៊ី និងជើង ទម្របាញ់កាំជ្រួចមីស៊ីលរហូតដល់១០០ គ្រឿងបានឆ្លងចូលព្រំដែនមកទឹកដី ប្រទេសអ៊ុយក្រែន ។ ក្បួនរថក្រោះ រថពាសដែក និងរថ យន្ដដឹកកាំភ្លើងធុនធ្ងន់ត្រូវបានគេមើល ឃើញធ្វើដំណើរដំណើរនៅស្រុកម៉ារី ប៉ូល ជាទីកន្លែងមួយជិតនឹងទីតាំងឈរ ជើងរបស់ទាហានផ្ដាច់ទឹកដី ។
ក្បួនរថ ក្រោះទាំងនោះឆ្ពោះទៅកាន់ភាគខាង ត្បូងទីក្រុងដូណេត ។ ចំពោះសកម្មភាពខាងលើ រដ្ឋាភិ បាលទីក្រុងគៀវបានប្រមូលផ្ដុំកងកម្លាំង ដើម្បីទប់ទល់នឹងការវាយប្រហារមក លើកម្លាំងទាហានរដ្ឋាភិបាលអ៊ុយក្រែន ក្រោយពេលទាហានរដ្ឋាភិបាលបើកការ វាយប្រហារទៅលើកម្លាំងទាហានបះ បោរស្និទ្ធនឹងរុស្ស៊ី។ រដ្ឋាភិបាលអ៊ុយក្រែន បានអំពាវនាវដល់អង្គការណាតូជួយ អន្ដរាគមន៍ទប់ទល់នឹងការគំរាមកំហែង ពីភាគីរុស្ស៊ី ។
នាយករដ្ឋមន្ដ្រីអ៊ុយក្រែន លោក Arseny Yatseniuk បានឱ្យដឹងថា ទឹកដី របស់លោកត្រូវការជាចាំបាច់នូវជំនួយ ពីអង្គការណាតូដើម្បីទប់ទល់នឹងការ គំរាមកំហែងទាំងឡាយពីប្រទេសរុស្ស៊ី ។ ពាក់ព័ន្ធនឹងករណីនោះដែរ អធិការ បតីអាល្លឺម៉ង់ លោកស្រីអេងហ្គេឡា ម៉ាក់កែលបានស្នើដល់ប្រធានាធិបតី រុស្ស៊ីលោកវ្ល៉ាឌីមៀរ ពូទីនបកស្រាយឱ្យ បានច្បាស់លាស់ពីកម្លាំងទាហានរុស្ស៊ី ចូលឈ្លានពានទឹកដីអ៊ុយក្រែន ។
អ្នកនាំពាក្យលោកស្រីអេងហ្គេឡា ម៉ាកកែលបានប្រកាសថា នៅក្នុងជំនួប តាមទូរស័ព្ទជាមួយប្រធានាធិបតីរុស្ស៊ី លោកស្រីបានស្នើឱ្យភាគីរុស្ស៊ីបំភ្លឺឱ្យបាន ច្បាស់ ។ មន្ដ្រីជាន់ខ្ពស់របស់អង្គការណាតូបាន បញ្ជាក់ឱ្យដឹងថា វត្ដមានរបស់កម្លាំង ទាហានរុស្ស៊ីនៅលើទឹកដីអ៊ុយក្រែនពេល នេះកាន់តែបើកចំហខ្លាំងឡើងមិនមែន លួចលាក់បញ្ជូនកម្លាំងទាហាន សព្វាវុធ ដូចកាលពីមុនទៀតឡើយ ។
ទាំងនោះ មានន័យថា ភាគីរុស្ស៊ីមិនព្រមឱ្យប្រទេស អ៊ុយក្រែនទទួលបានសន្ដិភាពពេញលេញ នោះឡើយ ។ នៅក្នុងព្រឹត្ដិការណ៍ពាក់ព័ន្ធនោះដែរ រដ្ឋាភិបាលរបស់ប្រធានាធិបតីអាមេរិក លោកបារ៉ាក់ អូបាម៉ា បានបញ្ជាក់ថា ពេលនេះ រុស្ស៊ីបានបញ្ជាសកម្មភាព សង្គ្រាមដោយផ្ទាល់នៅក្នុងប្រទេសអ៊ុយ ក្រែនមិនមែនសង្គ្រាមធ្វើឡើងដោយ ក្រុមទាមទារផ្ដាច់ទឹកដីដូចកាលពីមុន ទៀតឡើយ ។ សកម្មភាពជ្រៀតជ្រែក ចូលជ្រៅនៅក្នុងវិបត្ដិបានបង្ហាញយ៉ាង ច្បាស់ថា រុស្ស៊ីព្រមលើកលែងឱ្យអ៊ុយ ក្រែនទទួលបានសន្ដិភាពនោះឡើយ។
