តំបន់ភាគឦសានជប៉ុន ជាទីកន្លែង រងការរញ្ជួយកម្រិត៩រ៉ិចទ័រកាលពី៣ឆ្នាំ មុនបង្កឱ្យមានរលកយក្សស៊ូណាមិ សម្លាប់មនុស្សរាប់ម៉ឺននាក់ ពេលនេះ រងការរញ្ជួយដី៦.១រ៉ិចទ័រ បង្កការព្រួយ បារម្ភយ៉ាងខ្លាំងពីពលរដ្ឋនៅក្នុងតំបន់។ ប្រព័ន្ធផ្សព្វផ្សាយនានារបស់ជប៉ុន បានផ្សព្វផ្សាយថា ការរញ្ជួយដីមាន កម្រិត៦.១រ៉ិចទ័រ ប៉ុន្ដែមិនបង្កឱ្យមាន រលកយក្សស៊ូណាមិនោះឡើយ ។ មក ទល់ពេលនេះ មិនទាន់មានរបាយការណ៍ ណាមួយស្ដីពីការខូចខាត បាត់បង់ទ្រព្យ សម្បត្ដិ និងអាយុជីវិតឡើយ ។
ប៉ុន្ដែផ្លូវ រថភ្លើងនៅភាគខាងជើងជប៉ុនត្រូវផ្អាក ជាបណ្ដោះអាសន្នដើម្បីត្រួតពិនិត្យខ្លាច ផ្លូវដែកមានការខូចខាត ចំណែករងចក្រ អគ្គិសនីបរមាណូ មិនមានសញ្ញាប៉ះ ពាល់ណាមួយនោះឡើយ ។ តាមអ្នកឯកទេសស្រាវជ្រាវពីការ រញ្ជួយដីបានឱ្យដឹងថា ចាប់តាំងពីការ រញ្ជួយដីកម្រិត៩រ៉ិចទ័រមក ជប៉ុនមាន ការរញ្ជួយដីកើនឡើងលើសពីពេលមុន ដល់ទៅ៥ដង ។
ការរញ្ជួយដីកម្រិតមធ្យមមិនអាច ធ្វើឱ្យប៉ះពាល់ដល់ពលរដ្ឋ និងទ្រព្យ សម្បត្ដិនៅក្នុងប្រទេសជប៉ុននោះឡើយ ដោយសារតែពលរដ្ឋនៅទីនោះមានការ ហាត់សមទប់ទល់នឹងការរញ្ជួយដីជា ប្រចាំ ក្នុងពេលដែលប្រទេសមានការ រញ្ជួយដីកើតឡើងឥតឈប់ឈរ
