កាលពីថ្ងៃទី២៨ ខែសីហា អង្គការ សហប្រជាជាតិបានប្រកាសឱ្យដឹងថា ក្រុមខ្មាន់កាំភ្លើងបានចាប់ខ្លួនកងរក្សា សន្ដិភាពរបស់អ.ស.ប.៤៣នាក់នៅក្នុង ទឹកដីស៊ីរី តំបន់ខ្ពង់រាបហ្គោឡេន។ អ.ស.ប.ប្ដេជ្ញាថានឹងចាត់វិធានការ រំដោះបុគ្គលិកទាំងអស់នោះ ។ ការប្រកាសរបស់អ.ស.ប.បាន បញ្ជាក់ថា កងរក្សាសន្ដិភាពដែលកំពុង តែគ្រប់គ្រងត្រួតពិនិត្យតំបន់ព្រំដែនក្នុង ការអនុវត្ដបទឈប់បាញ់នៅខ្ពស់រាប ហ្គោឡេនត្រូវខ្មាន់កាំភ្លើង១ក្រុមចាប់ ខ្លួននៅព្រឹកថ្ងៃទី២៨ ខែសីហា ស្ថិតនៅ ច្រកព្រំដែនរវាងប្រទេសស៊ីរី នឹងអ៊ីស្រា អែល នៅខ្ពស់រាបប៉ូឡេន ។
ក្នុងពេល នេះដែរ សកម្មភាពរបស់កងរក្សាសន្ដិ ភាព៨១នាក់ផ្សេងទៀតក៏ត្រូវកាត់បន្ថយ សកម្មភាពត្រួតពិនិត្យនៅតាមតំបន់ ក្បែរនោះដែរ ។ ការប្រកាសរបស់អង្គ ការសហប្រជាជាតិបានឱ្យដឹងថា នឹង ខិតខំរំដោះកងរក្សាសន្ដិសុខទាំងអស់ ចេញពីដៃក្រុមខ្មាន់កាំភ្លើង ។ ហេតុការណ៍ចាប់ខ្លួនខាងលើកើត ឡើងក្នុងពេលដែលកម្លាំងបះបោរស៊ីរី ដែលមានទំនាក់ទំនងជាមួយបណ្ដាញ ភេរវកម្មអាល់កៃដាដណ្ដើមគ្រប់គ្រង នៅតំបន់ជិតខាងនោះ ។
អ៊ីស្រាអែលក៏ បានបិទព្រំដែននៅទីនោះផងដែរ ដើម្បី ទប់ស្កាត់ហេតុការណ៍អាក្រក់ដែលអាច កើតឡើង ។ បទឈប់បាញ់បានបង្កើតឡើងនៅខែ សីហា ឆ្នាំ១៩៧៤ តាមសេចក្ដីសម្រេច របស់ក្រុមប្រឹក្សាសន្ដិសុខអង្គការសហ ប្រជាជាតិ ក្រោយពេលកម្លាំងទាហាន អ៊ីស្រាអែល និងស៊ីរីឯកភាពគ្នាបញ្ចប់ សកម្មភាពវាយប្រហារនៅតំបន់ខ្ពង់ រាបហ្គោឡេន ផ្ដល់តួនាទីដល់អង្គការ សហប្រជាជាតិដាក់កម្លាំងការពារនៅ ទីនោះ ។ បច្ចុប្បន្ន កងរក្សាសន្ដិភាព អ.ស.ប.មានប្រមាណ១២០០នាក់ឈរ ជើងនៅទីនោះ
