ខេត្តព្រះសីហនុ ក្រសួងសាធារណការ និងដឹកជញ្ជូន សហការជាមួយសហភាព សហព័ន្ធយុវជនកម្ពុជា បើកវគ្គបណ្តុះបណ្តាល ស្តីពីកត្តាហានិភ័យនៃការមិនពាក់មួកសុវត្ថិភាព ខ្សែក្រវ៉ាត់សុវត្ថិភាព និងការបើកបរក្រោមឥទ្ធិពលនៃគ្រឿងស្រវឹង ដល់មន្ត្រី បុគ្គលិក កម្មករស្វយ័តក្រុងព្រះសីហនុចំនួន ១៥០នាក់ នៅព្រឹកថ្ងៃទី២៩ ខែសីហា ឆ្នាំ២០១៤ ក្រោមអធិបតីភាព លោកជំទាវ មីន មាណវី រដ្ឋលេខាធិការក្រសួងសាធារណការ និងដឹកជញ្ជូន ឯកឧត្តម ហ៊ុន ម៉ានី ប្រធានសហភាព សហព័ន្ធយុវជនកម្ពុជា ឯកឧតុ្តម លូ គឹមឈន់ ប្រតិភូរាជរដ្ឋាភិបាលកម្ពុជាទទួលបន្ទុកប្រធានអគ្គនាយកកំពង់ផែស្វយ័ត
ក្រុងព្រះសីហនុ ។ លោកជំទាវ មីន មាណវី មានប្រសាសនថា គ្រោះថ្នាក់ចរាចរណ៌កំពុងក្លាយជាឃាតករសម្លាប់ជីវិតមនុស្សនៅលើដងផ្លូវ ច្រើនបំផុតមួយ និងបង្កឲ្យប៉ះពាល់យ៉ាងខ្លាំងដល់សុខភាពសាធារណះក្នុងប្រទេសកម្ពុជាក្នុងរយះពេល ៦ខែចុងក្រោយនេះ ការស្លាប់ដោយគ្រោះថ្នាក់ចរាចរណ៌កើនឡើងទេ្វរដង ។ ក្នុងឆ្នាំ២០១៣ មានមនុស្សប្រមាណជិត ២០០០នាក់បានស្លាប់ និងច្រើនពាន់នាក់ផ្សេងទៀតរងរបួសបង្កឡើងដោយគ្រោះថ្នាក់ចារាចរណ៌ ធ្វើឲ្យកម្ពុជាខាតបង់ថវិកាច្រើនរយលានដុល្លា ។ បញ្ហានេះមានផលប៉ះពាល់ជាអវិជ្ជមានដល់គ្រួសារ និងសង្គមទាំងមូល ។ ឆ្នាំ២០១៣ ជនរងគ្រោះ ប្រមាណ៦២% ដល់ស្លាប់ដោយគ្រោះថ្នាក់ចរាចរណ៌ អ្នកធ្វើដំណើរតាមទោចក្រយានយន្តមានតួលេខខ្ពស់គួរកត់សំគាល់ច្រើនជាង ៥ដងនៃអ្នកស្លាប់ដោយជម្ងឺគ្រុនចាញ់ និងគ្រាប់មីន ។ លោកជំទាវ បានបន្តទៀតថា អត្រានៃការពាក់មួកសវុត្ថិភាពក្នុងកម្រិតមួយទាប គួរតឲ្យព្រួយបារម្ភ និងគ្រោះថ្នាក់ចរាចរណ៌ដែលបណ្តាលមកពីការបើកបរដោយមិនគោរពច្បាប់ចរាចរណ៌ ជាពិសេសការមិនពាក់ខ្សែក្រវ៉ាត់សុវត្ថិភាព ការបើកបរហួសល្បឿនកំណត់ និងការបើកបរក្រោមឥទ្ធិពលគ្រឿងស្រវឹងធ្វើឲ្យប៉ះ ពាល់គួរឪឲ្យព្រួយបារម្មយ៉ាងខ្លាំងដល់សង្គមកម្ពុជា និងប្រជាពលរដ្ឋកម្ពុជាយើង កិច្ចខិតខំ
ប្រឹងប្រែងរបស់ព្រះរាជាណាចក្រកម្ពុជាក្នុងការកាត់បន្ថយគ្រោះថ្នាក់ចរាចរណ៌ ។ ឯកឧត្តម ហ៊ុន ម៉ានី ប្រធានសហភាព បានលើកឡើងថា សហភាព សហពន្ធ័យុវជនកម្ពុជាបានធ្វើការងារជាមួយមន្ទីរសាធារណ២៤ខេត្ត គឺជាកម្មវិធីបន្តអនុវត្តរបស់គណះកម្មការជាតិចរាចរណ៌ផ្លូវគោក និងជាផ្នែកមួយបន្តអនុវត្តសកម្មភាព ទាក់ទងទៅនឹងការចូលរួមចំណែករបស់យុវជន គឺការកាត់បន្ថយគ្រោះថ្នាក់ចារចរណ៌ក្នុងន័យបន្តជំរុញបណ្តុះបណ្តាលនៅកំពង់ផែស្វយ័តក្រុងព្រះសីហនុនាថ្ងៃនេះ
ជាឪកាសផ្លាស់ប្តូរយោបល់ក្នុងចំណោមមន្ត្រីដែលបំរើ ការងារនៅកំពង់ផែស្វយ័តឲ្យទទួលបាននូវចំណេះដឹងស្តីពីសុវត្ថិភាពចរាចរណ៌ ច្បាប់ចរាចរណ៌ និងការយល់ដឹងពីកត្តាហានិភ័យនិងបញ្ហាប្រឈមផ្សេងៗដែលមិនពាក់មួកសុវត្ថិភាព មិនពាក់ខ្សែក្រវ៉ាត់សុវត្ថិភាព និងការបើកបរក្រោកឥទ្ធិពលគ្រឿងស្រវឹង ។ បន្ទាប់ពីបានបណ្តុះបណ្តាលអស់លោកយល់ដឹងយកទៅ
ធ្វើការផ្សព្វផ្សាយដល់មិត្តរួមការងារ បងប្អូន ។ វគ្គបណ្តុះបណ្តាលបង្ហាញឲ្យឃើញនូវស្មារតីរួបរួមសាមគ្គីភាពយកចិត្តទុកដាក់ខ្ពស់ពីសារះសំខាន់ស្ថាប័នរដ្ឋ អង្គការក្រៅរដ្ឋាភិបាលជាតិ អន្តរជាតិ និងដៃគូរអភិវឌ្ឍន៌នានាសំរាប់ភាពល្អប្រសើនៅក្នុងសង្គមកម្ពុជា ទទួលបានផ្លែផ្កាពីសុវត្ថិភាព ស្ថេរភាពនិងការអភិវឌ្ឍន៌ យើងចូលរួមទប់ស្កាត់គ្រោះថ្នាក់ចរាចរណ៌ ។ គ្រោះថ្នាក់ចរាចរណ៌ជាឃាតិករសម្លាប់មនុស្សជាច្រើនក្នុងមួយឆ្នាំៗពិសេសប្រទេសរីកចំរើនផ្នែកសេដ្ឋកិច្ច ខណះពេលដែលជីវភាពប្រជាជនកំពុងកាន់តែប្រសើរឡើង ដងផ្លូវកាន់តែធំទូលាយ យានយន្តកាន់តែកើនឡើង គ្រោះថ្នាក់ចរាចរណ៌កាន់តែមានប្រជាប្រិយ៌ភាពក្នុងដំណើការអភិវឌ្ឍន៌នៅក្នុងប្រទេស ។ ហើយកត្តាសំខាន់ជាងគេ គឺកត្តាប្រុងប្រយ័តធំជាងគេ ទី១ ការធ្វើដំណើររបស់យើងត្រូវប្រុងប្រយ័តដោយពាក់មួកសុវត្ថិភាព ពាក់ខ្សែក្រវាត់សុវត្ថិភាព ដែលជាកត្តាសំខាន់សំខាន់
ក្នុងការកាត់បន្ថយនូវគ្រោះថ្នាក់ចារចរណ៌ វគ្គបណ្តុះបណ្តាលនេះបានចែករំលែក នូវការយល់ដឹងស្តីពីសុវត្ថិភាពចរាចរណ៌ផ្លូវគោក ដែលធ្វើឲ្យព្រះរាជាណាចក្រកម្ពុជាបាត់បង់នូវធនធានមនុស្ស សង្ឃឹមថា សិក្ខាកាមនិងត្រង់ត្រាប់ស្តាប់ការ ឧទ្ទេសនាមរបស់គ្រូរបង្គោលទាំងអស់ចែករំលែកនូវចំណេះដឹងដ៌មានសារះសំខាន់នេះទៅដល់អ្នករួមការងារផ្សេងៗទៀតក្នុងស្ថាប័នរបស់ខ្លួន ក៌ដូចជាក្រុមគ្រួសារ ការបន្តផ្សព្វផ្សាយការពាក់មួយសុវត្ថិភាព ការពាក់ខ្សែក្រវ៉ាត់សុវត្ថិភាព និងបើកបរក្រោមឥទ្ធិពលគ្រឿងស្រវឹង ចូលរួមក្នុងសកម្មភាពសង្គម ដើម្បីកាត់បន្ថយនូវគ្រោះថ្នាក់ចរាចរណ៌ក្នុងព្រះរាជាណាចក្រកម្ពុជា ៕ 
