ខេត្តកំពង់ធំ ៖ប្តីកំណាច ដោយសារឥទ្ធិពលតែទឹកប្តូរនិស័យដាច់ចិត្តលើកដៃកាត់ក វះពោះប្រពន្ឋ ថែមកាប់បុរសអ្នកជិតខាងស្លាប់ម្នាក់ រួមទាំងកូនប្រុសស្រីរបួសធ្ងន់3នាក់ថែមទៀត។
ហេតុការណ៍ដ៏រន្ធត់ និងបង្កឲ្យមានការភ្ញាក់ផ្អើលនេះ.បានកើតឡើងនៅ ម៉ោងជាង៧យប់ ថ្ងៃទី០១ ខែមករា ឆ្នាំ២០២២ ស្ថិតនៅភូមិពន្លៃ ឃុំចើងដើង ស្រុកបារាយណ៍ ខេត្តកំពង់ធំ។
យោងតាមរបាយកការណ៍ របស់ សមត្ថកិច្ចបានឲ្យដឹងថា ជនសង្ស័យឈ្មោះ ប៉ុល ឡា អាយុ៣៣ឆ្នាំ បន្ទាប់ពីបានផឹកសុរា លុះស្រវឹងជោគជាំ ក៏មកផ្ទះរករឿងប្រពន្ឋកូន ឈ្លោះប្រកែកគ្នា ដោយកំរោលចូលក៏បាន ទាញពូថៅ មកកាប់ប្រពន្ឋ លុះស្លាប់ក៏បាន កាត់ក្បាលចេញពីដងខ្លួន ហើយវះពោះប្រពន្ឋ ឈ្មោះ យ៉ន អឿន អាយុ៣០ឆ្នាំ
បណ្តាលឲ្យស្លាប់នៅកន្លែងកើតហេតុ។
នៅក្នុងហេតុការណ៍.បុរសជាប្តីបានយកពូថៅ.ទៅកាប់អ្នកជិតខាងចំកញ្ចឹងក ភេទប្រុសឈ្មោះ ពេជ ហ៊ុន អាយុ ៥៦ ឆ្នាំបណ្តាលឲ្យស្លាប់ផងដែរ មិនតែប៉ុណ្ណោះកូនប្រុសស្រីបង្កើត៣នាក់ក៏ត្រូវបុរសជាឪពុករូបនេះ កាប់បណ្តាលឲ្យរងរបួសធ្ងន់៕
បន្ទាប់ពីមានហេតុការណ៍ ឃាតកម្មឪពុកសម្លាប់ប្រពន្ធកូន
សមត្ថកិច្ចនៃអធិការដ្ឋាននគរបាលស្រុកបារាយណ៍ បានដឹកនាំកម្លាំងសមត្ថកិច្ចជំនាញ ចុះឡោមព័ទ្ធជនសង្ស័យ ចាប់ឃាត់ខ្លួនឪពុកដែលជាឃាតករ បានដោយជោជ័យ និងនាំខ្លួនមកស្នងការដ្ឋាននគរបាលខេត្តកំពង់ធំ ដើម្បីកសាសំណុំរឿងបញ្ជូនមកតុលាការ.ដើម្បីចាត់វិធានការតាមផ្លូវច្បាប់។
ដោយប៊ុន រដ្ឋា
