ភ្នំពេញ ៖ បុរសម្នាក់និងរួមដំណើរជាមួយនារីរូបស្រស់បីនាក់ទៀតបានបើករថយន្តមួយគ្រឿង ម៉ាកកាមរីឆ្លាមមួយគ្រឿងទៅបុករះរនាំងដែកចែកទ្រូងផ្លូវបណ្តាលឲ្យបាក់ ៥ផ្ទាំងធ្វើឲ្យ រថយន្តបង្កដាច់កាឡេកង់មុខទៅមុខលែងរួច កាលពីវេលាម៉ោង១២និង១០នាទីយប់ឈានចូលថ្ងៃទី ០១ ខែ
កញ្ញា ឆ្នាំ២០១៤ នៅតាមបណ្តោយមហាវិថីសហព័ន្ធរុស្ស៊ីស្ថិតក្នុងសង្កាត់ដេប៉ូ៣ខណ្ឌទួលគោក។
ប្រភពព័ត៌មានពីកន្លែងកើតហេតុបានឱ្យដឹងថានៅមុនពេលកើតហេតុគេឃើញរថយន្តកាមរីឆ្លាមមួយគ្រឿងពណ៌ខ្មៅពាក់ស្លាកលេខភ្នំពេញ2K-5272ដែលបើកបរដោយបុរសម្នាក់និងរួមដំណើរ ជាមួយ នារី៣នាក់ទៀតបានធ្វើដំណើរតាមបណ្តោយតាមមហាវិថីសហព័ន្ធរុស្ស៊ីក្នុងទិសដៅពីកើតទៅលិច មកដល់ចំណុចកើតហេតុក៏បានរេចង្កូតទៅបុករះរនាំងដែកពុះចែកទ្រូងផ្លូវយ៉ាងពេញទំហឹង បណ្តាលឲ្យបាក់អស់ចំនួន៤ផ្ទាំងរួចរថយន្តបង្កដាច់កាឡេកង់មុខគាប់ជាប់ទៅមុខលែងរួច។
ហើយតាមការនិយាយរបស់ម្ចាស់រថយន្តបានប្រាប់ទៅសមត្ថកិច្ចថារូបគេគ្មានចេតនាទេ គឺដោយសាររថយន្តរបស់គាត់បែកកង់មុខក៏រេចង្កួតទេរថយន្តទៅបុករះរនាំងដែកពុះចែកទ្រូង តែម្តងទៅ។
ទោះយ៉ាងណាក្រោយពេលកើតសមត្ថកិច្ចបានចុះវាស់វែងរថយន្តបង្កនេះ ទៅការិយាល័យចរាចរណ៍ ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីដោះស្រាយតាមផ្លូវច្បាប់នា ពេលក្រោយ ៕
