ភ្នំពេញ-យុវជន៣នាក់បានរងរបួសធ្ងន់ធ្ងរក្នុងនោះមាន២នាក់បានបាក់ជើងខាងឆ្វេង ខណះពេល កំពុងជិះម៉ូតូឌ្រីមសេ១២៥ពណ៌ខ្មៅមួយគ្រឿងបត់ឆ្លង់ផ្លូវក៏ត្រូវរថយន្តឡិស៊ីសGL 400 ពណ៌ខ្មៅ មួយគ្រឿងបើកបរដោយបុរសជនជាតិចិនម្នាក់បុកចំពីក្រោយពេញទំហឹងបណ្តាលអោយម៉ូតូប៉ើង
ខ្ទាត១០ម៉ែត្រ កាលពីវេលាម៉ោង១២នឹង១០នាទីយប់រំលងអាធ្រាត្រឈានចូលថ្ងៃទី០១ ខែកញ្ញា ឆ្នាំ២០១៤ តាមបណ្តោយមហាវិថីសហព័ន្ករុស្ស៊ី ទល់មុខអាកាសយានដ្ឋានអន្តជាតិភ្នំពេញ ស្ថិតក្នុងភូមិក្បាលដំរី សង្កាត់កាកាប់ ខណ្ឌពោធិ៍សែនជ័យ ។ នៅកន្លែងកើតហេតុសមត្ថកិច្ច មិនទាន់ស្គាល់អត្តសញ្ញាណជនរងគ្រោះទាំង៣ នឹងបុរសជនជាតិចិននៅឡើយទេ។
ប្រភពពត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញ បុរសជនជាតិចិនម្នាក់ បានបើករថយន្តឡិចស៊ីសGL 400 មួយគ្រឿងពាក់ស្លាកភ្នំពេញ2A-1551 ធ្វើដំណើរយ៉ាងលឿន តាមបណ្តោយមហាវិថីសហព័ន្ឋរុស្ស៊ី ក្នុងទិសដៅពីកើតទៅលិចស្រាប់តែមកដល់ចំនុចកើតហេតុ ក៏បានវ៉ាកនឹងម៉ូតូឌ្រីមសេ១២៥ពណ៌ខ្មៅមួយគ្រឿងពាក់ស្លាកលេខភ្នំពេញ1CJ-0481 ជិះដោយ យុវជន៣នាក់ដែលកំពង់ធ្វើការបត់ឆ្វេងឆ្លង់ផ្លូវចាប់ហ្វ្រាំងមិនទាន់ក៏បុកចំពីក្រោយពេញទំហឹងបណ្តាលអោយម៉ូតូប៉ើងខ្ទាត១០ម៉ែត្រ ធ្វើអោយយុវជន២នាក់ដែលជិះពីក្រោយរងរបួសធ្ងន់ធ្ងរ បាក់ជើងឆ្វេង នឹងអ្នកបើកម៉ូតូរងរបួសបែកក្បាលហូរឈាមធ្ងន់ធ្ងរត្រូវបានរថយន្តសាមុយដឹកយកទៅសង្គ្រោះនៅ គ្លីនិចឯកជនមួយ។ក្រោយពេលកើតហេតុសមត្ថកិច្ចធ្វើការវាស់វែងយករថយន្តនឹងម៉ូតូហើយធ្វើការ ឃាត់ខ្លួនបុរសជនជាតិចិនបើករថយន្តបង្កហេតុខាងលើទៅការិយាល័យចរាចរផ្លូវគោកនៃស្នង់ការដ្ឋាន នគរបាលរាជធានីភ្នំពេញ៕
