បន្ទាយមានជ័យៈ កំលាំងកងរាជអាវុធហ្ថខេត្តបន្ទាយមានជ័យធ្វើការឃាត់ខ្លួនជាបន្តបន្ទាប់ ជនសង្ស័យ៩នាក់ពាក់ព័ន្ធករណីជួញដូរនិងប្រើប្រាស់គ្រឿងញៀន កាលពីថ្ងៃទី៣០ សីហា ២០១៤ នៅក្រុងប៉ោយប៉ែត ខេត្តបន្ទាយមានជ័យ ។ ការបង្ក្រាបនេះដឹកនាំកម្លាំងដោយ លោក ជា ដាមេបញ្ជាការមូលដ្ថានកងរាជអាវុធហត្ថក្រុង បានធ្វើឡើងនៅចំនុច ផ្ទះសំណាក់ហង្សមាសថ្មី ភូមិបាលេលរ្យ២ សង្កាត់-ក្រុងប៉ោយប៉ែត។ 
លោក ឱ បូរិន មេបញ្ជាការកងរាជអាវុធហត្ថខេត្តបន្ទាយមានជ័យបានអោយដឹងថា ជនសង្ស័យទាំង៩នាក់ខាងលើមានឈ្មោះ សុខ ចិន ហៅឆៃ ភេទប្រុស អាយុ៣៣ឆ្នាំ, ឈ្មោះ ពឿន សុផាត ភេទប្រុស អាយុ ៣០ឆ្នាំ, ឈ្មោះ ណង តុលា ភេទប្រុស អាយុ ៣០ឆ្នាំ, ឈ្មោះ អ៊ិត សុភ័ក្រ ភេទប្រុស អាយុ ២១ឆ្នាំ, ឈ្មោះ ទុំ រ៉ាម៉ូ ភេទប្រុស អាយុ ២១ឆ្នាំ, ឈ្មោះ ហែម ផល ភេទប្រុស អាយុ ៤០ឆ្នាំ, ឈ្មោះ ម៉ ញ៉ាញ់ ភេទប្រុស អាយុ ៣៤ឆ្នាំ, ឈ្មោះ កុយ លាង ភេទប្រុស អាយុ ២៤ឆ្នាំ, ឈ្មោះ
អុល អឿយ ភេទប្រុស អាយុ ១៧ឆ្នាំ អ្នកទាំងមានទីលំនៅក្នុងក្រុងប៉ោយប៉ែត ខេត្តបន្ទាយមានជ័យ និងបានដកហូតវត្ដុតាងមួយចំនួនដូចជា គ្រឿងញៀនប្រភេទមេតំហ្វេតាមីនទឹកកក ចំនួន ៤៣កូនថង់ ស្មើរនិង១២,១៥ក្រាម រថយន្តម៉ាកហ៊ីយ៉ាន់ដាយ៥តោន ១គ្រឿង, ម៉ូតូ៣គ្រឿង, ទូរសព្ទដៃចំនួន១២គ្រឿង ប្រាក់ខ្មែរចំនួន ៥៦៣០០០៛ ។ ក្រោយការឃាត់ខ្លួន ជនសង្ស័យទាំងអស់រួម និងវត្ថុតាងត្រូវបានកំលាំងជំនាញកសាងសំនុំរឿងបញ្ជូនទៅតុលាការដើម្បីចាត់ការតាមនីតិវិធីច្បាប់៕ដោយ:ឃិន គន្ធា 
