អាជ្ញាធរមូលដ្ឋានគូសបញ្ជាក់កាលពីថ្ងៃទី ៣០ សីហាថា សាកសពជនអន្តោប្រវេសន៍៤១នាក់ត្រូវបានស្រង់ចេញពីទឹកចាប់តាំងពីថ្ងៃ ទី២៩ សីហាមក នៅភាគអាគ្នេយ៍ទុយនីស៊ី ក្រោយការលិចទូករបស់ពួកគេក្នុងដែនទឹកនៃប្រទេសលីប៊ីមក ។ លោកមូស្តាផា អាប់ដែលកឺបៀ អភិបាលក្រុង BEN GUERDANE និយាយថា តុល្យការថ្មីបណ្តោះអាសន្នសាកសពមនុស្ស៤១នាក់ត្រូវបានស្រង់ចេញពី ទឹក ការបន្តរុករកត្រូវផ្អាកមកពីរាត្រីកាលមកដល់ ។
មុននេះអ្នកទទួលខុសត្រូវនៃប្រតិបត្តិការការពារ ស៊ីវិលទុយនីស៊ីអះអាងប្រាប់ AFP ថា ពួកអ្នកលង់ទឹកស្លាប់ទាំងនោះជាពួកអន្តោប្រវេសន៍ដែលបុ៉នប៉ងធ្វើ ដំណើរផ្សងព្រេងទៅកាន់អឺរ៉ុបតាមសមុទ្រ ។ សាកសពដែលហើមស្អុយទៅហើយប្រហែលជាសាកសពមនុស្សទាំងឡាយដែលបាត់ខ្លួន កាលពីមុននេះ ក្រោយការលិចទូកមួយនៅដែនទឹកលីប៊ី ៕
