កំពង់ស្ពឺ ៖ កម្មករ-ការនីរោងចក្រកាត់ដេរស៊ុន តេង ស្ថិតជាប់ផ្លូវជាតិលេខ៤១ ក្នុងភូមិវាលវង់ ឃុំសែនដី ស្រុកសំរោងទង ខេត្តកំពង់ស្ពឺ បាននាំគ្នាធ្វើកូដកម្មទាមទាលក្ខខ័ណ្ឌការងារចំនួន ៧ ចំណុច ដែលភាគីថៅកែរោងចក្រ មិនទាន់បានត្រឹមត្រូវតាមច្បាប់ការងារ ។ សមត្ថកិច្ចបានឱ្យដឹងថា សកម្មភាពកូដកម្ម នៅរោងចក្រ តេង ស៊ុន នោះ ក្រុមកម្មករបានទាមទាលក្ខខ័ណ្ឌការងារចំនួន ៧ ចំណុចដែលមានការខ្វះខាត ទី១សុំឱ្យក្រុមហ៊ុនទទួលយកកម្មករចំនួន២ គឺឈ្មោះតាត គឹមឈិន និងឈ្មោះស៊ុន វណ្ណៈ ដែលត្រូវបានបញ្ឈប់ចូលធ្វើការងារវិញ ទី២ស្នើរសុំឱ្យរោងចក្រធ្វើរោងសម្រាប់ដាក់កង់ និងម៉ូតូ ទី៣ស្នើរសុំបង្កើតរោងហូបបាយ ទី៤ស្នើរឱ្យមានគ្រូពេទ្យប្រចាំការ និងមានថ្នាំគ្រប់គ្រាន់ ទី៥សុំប្រាក់ថ្លៃបាយថ្ងៃត្រង់ចំនួន២០០០ក្នុងមួយថ្ងៃ ទី៦ស្នើរសុំឱ្យម៉ាស៊ិនទឹកក្តៅទឹកត្រជាក់ ទី៧ស្នើរសុំឱ្យមានបន្ទប់ទឹកបន្ថែមទៀត ។
សមត្ថកិច្ចបានបន្តថា ក្នុងពេលកូកម្មនោះ កម្មករ-ការនី ពួកគាត់តវ៉ាដោយសន្តិវិធីគ្មានអំពើហឹង្សារ និងប៉ៈពាល់ដល់សណ្តាប់ធ្នាប់សាធារណៈឡើយ ។ ការតវ៉ារបស់កម្មករគឺដឹកនាំដោយ សហជីព សេរីកម្មក កម្ពុជា លោកជា មុនី ហើយកម្មករចូលរួមមានប្រមាណ២០០នាក់ប៉ុណ្ណោះ ។ ក្រុមកម្មករបានរៀបរាប់ថា ដោយសារតែថៅកែរោងចក្រ បានដំណើរការ ជាច្រើនខែកន្លងមកហើយ ប៉ុន្តែរោងសម្រាប់ឱ្យកម្មករ-ការនីហូបបាយក៍គ្មាន កន្លែងសម្រាប់ដាក់ង់ម៉ូតូគ្មាន គ្រូពេទ្យប្រចាំរោងអត់មាន ធុងទឹកសម្រាប់កម្មកហូបអត់មាន និងលក្ខខ័ណ្ឌផ្សេងៗទៀត ភាគីរោងចក្រមិនទាន់គោរពតាមច្បាប់ការងារ ទើបពួកគាត់ផ្ទុះតវ៉ា ដើម្បីទាមទាតែម្តង ។
ពួកគាត់បន្តថា ក្នុងចំណោមលក្ខខ័ណ្ឌទាំង៧ចំណុចខាងលើបើសិនជាថៅកែរោងចក្រ មានជំហក្នុងការដោះស្រាយគ្មានអ្វីធ្ងន់ធ្ងរទេ ព្រោះលក្ខខ័ណ្ឌទាំងនោះ គឺវាជាការទទួលខុសត្រូវទាំងស្រុងរបស់រោងចក្រ ។ បន្ទាប់មានការធ្វើកូដកម្ម សមត្ថកិច្ច ប៉េអឹម ស្រុកសំរោងទង បានចុះទៅរៀបចំសណ្តាប់ធ្នាប់ និងការពារសន្តិសុខ ព្រោះខ្លាចកើតមានអំពើហឹង្សា ប៉ុន្តែលទ្ធផលនៃការចរចាដោះស្រាយគ្នាមិនទាន់ទទួលបានឡើយ តែក្រុមកម្មករនៅបន្តរការតវ៉ា ប្រសិនបើភាគីរោងចក្រ មិនព្រមដោះស្រាយតាមទាមទាទាំង៧ចំណុចខាងលើ ៕
