ភ្នំពេញ៖ កម្មករ កម្មការិនីប្រមាណជា១០០នាក់ជាងក្នុងចំណោម៤០០នាក់បានជួបជុំគ្នានៅខាងមុខរោងចក្ររួចហើយហែរជាក្បួនឆ្ពោះកាន់ក្រសួងការងារដើម្បីឲ្យក្រសួងការងារជួយរកដំណោះស្រាយជូនពួកគេ បន្ទាប់ពីពួកគេបាននាំធ្វើកូដកម្មដោយអហិង្សានៅខាងមុខរោងចក្រអស់រយះពេល១៥ថ្ងៃមកហើយនោះ ពុំទទួលបានលទ្ធផលណាមួយនោះឡើយ រោងចក្រនេះស្ថិតនៅក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។ បើយោងតាមប្រភពព័ត៌មានពីកម្មករ កម្មការិនីដែលចូលរួមក្នុងការដង្ហែរនោះបាននិយាយថា ការឈានរហូតហែរជាក្បួនឆ្ពោះទៅកាន់ក្រសួងការងារនេះ គឺដោយសារតែពួកគាត់បានធ្វើកូដកម្មនៅខាងមុខរោងចក្រអស់រយះពេលប្រមាណជា១៥ថ្ងៃរួចមកហើយ ប៉ុន្តែពុំទទួលបាលលទ្ធផលជាផ្លែផ្កាណាមួយនោះទេ ទើបពួកគាត់ទើបពួកគាត់សម្រេចហែរជាក្បួនឆ្ពោះកាន់ក្រសួងការងារដើម្បីឲ្យក្រសួងការងារជួយរកដំណោះស្រាយជូនពួកគាត់ ។
ពួកគាត់បានបន្តថា រោងចក្រមួយនេះ គឺគៀបសង្កត់កម្មករខ្លាំងណាស់មិនគោរពទៅតាមលក្ខខណ្ឌរបស់ក្រសួងបានដាក់ចុះឲ្យនោះទេ គឺគេធ្វើអ្វីប្រាសចាកពីក្រសួង ទាំងអស់ដូច្នេះហើយក្រសួងគួរតែពិនិត្យរោងចក្រកុំទុកឲ្យគេធ្វើអ្វីទៅតាមតែអំពើចិត្តរបស់គេនោះ ដូច ជាថែមម៉ោង និងកម្រៃផ្សេងៗទៀតដែលរោងចក្រផ្សេងៗគេបានផ្តល់ជូនទៅឲ្យកម្មករនោះ ចំណែកឯរោងចក្រ ស៊ិនហ្វាង នេះ មិនត្រឹមតែមិនអនុវត្តន៍ឲ្យដូចគ្នាដូចឯងនោះទេ ថែមទាំងគៀបសង្កត់លើកម្មក ថែមទៀតផងដែរ ។
ប្រភពបានបន្តថា ការធ្វើកូដកម្មនេះគឺទាមទារលក្ខខណ្ឌការងារចំនួន២១ចំណុច ប៉ុន្តែក្នុងនោះចំណុចដែលសំខាន់ជាងគេនោះ គឺទាមទារឲ្យភាគីរោងចក្រទទួលយកំណាងរបស់គេម្នាក់ដែលភាកីរោងចក្រ បានដកបញ្ឈជើងអស់រយះពេលជាង១០ថ្ងៃមកហើយនោះ ប៉ុន្តែភាគីរោងចក្រពុំទទួលតាមសំណូមពរ របស់ពួកគេ ដោយពួកគេបានព្យាយាមធ្វើកូដកម្មដោយអហិង្សានៅខាងមុខរោងចក្រអស់រយះពេល១៥ថ្ងៃមកហើយ ភាគីរោងចក្រនៅតែពុំទទួលយក ទើបនៅព្រឹកថ្ងៃទី១ខែកញ្ញានេះ ពួកគេក៏សម្រេចលើកគ្នាដង្ហែរជាក្បួងឆ្ពោះទៅកាន់ក្រសួងការងារ ដើម្បីឲ្យក្រសួងជួយរកដំណោះស្រាយជូនពួកគេ ប៉ុន្តែគេពុំទាន់ដឹងថា ការហែរទៅកាន់ក្រសួងនេះទទួលបានលទ្ធផលប៉ុណ្ណានោះទេ ៕
