កំពង់ឆ្នាំង៖ ខ្នងប្រឡាយទឹក២ខ្សែដែលក្រុមហ៊ុន២បានទទួលម៉ៅការសាងសង់ពីមន្ទីរធនធានទឹកខេត្ត ត្រូវបានជំនន់ទឹកភ្លៀងហូរកាត់បុកដាច់ជាង១០កន្លែងកាលពីយប់ថ្ងៃទី២៩ ខែសីហា ឆ្នាំ២០១៤ នៅចំណុចទំនប់កនយស់ ស្ថិតក្នុងភូមិដំរីកូន និងភូមិព្រៃព្រាល ឃុំអញ្ចាញរូង ស្រុកបរិបូរណ៍។ប្រជាពលរដ្ឋបានរិះគន់ថា មកពីក្រុមហ៊ុនទាំង២នោះធ្វើខ្នង ប្រឡាយគ្មានគុណភាព ដែលកន្លងមកករណីទឹកបុកដាច់បែបនេះក៍ធ្លាប់កើតមានកាលពីឆ្នាំមុនម្តងមកហើយ និងមកដល់ពេលនេះក៍មិនទាន់ជួសជុលរួចនៅឡើយ។
នៅព្រឹកថ្ងៃទី០១ ខែកញ្ញា ឆ្នាំ២០១៤ លោក ផ្លុង វ៉ាត មេឃុំអញ្ចាញរូងបានជូនក្រុមអ្នកយកព័ត៌មានយើងចុះថតយករូបភាពដោយផ្ទាល់ នៅតាមខ្នងប្រឡាយដែលត្រូវបានទឹកហូរផ្តាច់ ដែលពេលនោះអ្នកយកព័ត៌មានយើងបានពិនិត្យឃើញចំណុចដែលទឹកត្រូវហូរផ្តាច់មានចំនួនជាង១០កន្លែង មានតូចមានធំ។
លោកមេឃុំបាននិយាយអោយដឹងថា៖ខ្នងប្រឡាយទាំង២នេះមានប្រវែងសរុប១០១០ម៉ែត្រ ខ្នងប្រឡាយដែលបានចាក់គ្រួសក្រហមពីលើតិចៗ ប៉ែកខាងកើតមានទំហំទទឹងខ្នងលើប្រវែង៤ ម៉ែត្រ គឺក្រុមហ៊ុន អ៊ឹង គឹមទូ ជាអ្នកម៉ៅការកសាង ចំណែកខ្នងប្រឡាយដែលបានចាក់ខ្សាច់សុទ្ធ ប៉ែកខាងលិចវិញនោះគឺក្រុមហ៊ុន ធី ឡូ ជាអ្នកម៉ៅការកសាង ដែលមានទំហំទទឹងខ្នងលើប្រវែង ៣ម៉ែត្រកន្លះ និងមានជម្រៅប្រឡាយពី២ទៅ៣ម៉ែត្រ។ក្រុមហ៊ុនទាំង២បានចាប់ផ្តើមកសាងប្រឡា យនេះតាំងពីចុងឆ្នាំ២០១២ មកដល់ពេលនេះមិនទាន់រួចរាល់នៅឡើយទេ។
ប៉ុន្តែកាលពីឆ្នាំ២០ ១៣កន្លងមកក៍ត្រូវបានជំនន់ទឹកភ្លៀងហូរបុកផ្តាច់ ខ្នងប្រឡាយនិងសំណង់ទ្វារទឹកអស់មួយចំនួន ដែលមកដល់ពេលនេះមិនទាន់ត្រូវបានគេជួសជុលនៅឡើយទេ។លោកមេឃុំបានបញ្ជាក់អោយដឹងទៀតថា៖ប្រឡាយ១ខ្សែនេះខាងមន្ទីរធនធានទឹកមិនទាន់ប្រគល់អោយអាជ្ញាធរគ្រប់គ្រងនៅ ឡើយទេ ព្រោះក្រុមហ៊ុន កសាងមិនទាន់រួច។
ប្រជាពលរដ្ឋរស់នៅតំបន់នោះបានរិះគន់ថា៖ខ្នងប្រឡាយនិងទ្វារទឹក ដែលក្រុមហ៊ុនទាំង២នេះបានកសាងគឺពុំមានគុណភាពឡើយ ជាក់ស្តែងសំណង់ទ្វារទឹកមួយកន្លែង ត្រូវ បានជំនន់ទឹកភ្លៀងហូរដាច់ទាំងផ្ទាំងៗតែម្តងកាលពីឆ្នាំមុន។ចំណែកខ្នងប្រឡាយទាំង២ខ្សែដែលគេគ្រាន់តលើកដីខ្សាច់យកមកចាក់ធ្វើជាខ្នងប្រឡាយបែបនេះគឺគ្មានគុណភាពឡើយ កុំថាឡើយជំនន់ទឹក ភ្លៀងខ្លាំងហូរបុកដាច់ សូម្បីតែភ្លៀងធ្លាក់ខ្លាំងក៍ហូររលុះអស់ដែរ។ 
នៅរសៀលថ្ងៃទី០១ ខែកញ្ញានេះ លោក ដោក ប៊ុនថុន ប្រធានមន្ទីរធនធានទឹកបានអោយដឹងថា៖ខ្នងប្រឡាយទឹកខាងលើនេះស្ថិតនៅក្រោមការទទួលខុសត្រូវ និងកសាងរបស់ក្រុមហ៊ុន ទាំង២នេះនៅឡើយទេ ការខូចខាតខាងលើនេះក្រុមហ៊ុនទាំង២ត្រូវតែទទួលរ៉ាប់រងជួសជុល អោយបានត្រឹមត្រូវឡើងវិញតាមកិច្ចសន្យា ទើបមន្ទីរធនធានទឹកទទួលយកបាន៕
