ខេត្តសៀមរាប៖ នាឪកាសសម្ពោធសមាគមន៏ភ្នាក់ងារ ទេសចរណ៍ជនជាតិចិនប្រចាំកម្ពុជានៅរសៀលថ្ងៃទី៣០ខែសីហាឆ្នាំ២០១៤កន្លងទៅថ្មីៗនេះបានរៀបចំឡើងនៅក្នុងសណ្ឋាគារ សុខា ល័យអង្គរ ខេត្តសៀម រាបដោយគណៈ អធិបតីបានលើកឡើងពីចំនួនភ្ញៀវទេសចរណ៍ជនជាតិចិនដែលមកកម្សាន្តនៅខេត្តសៀមរាប មានចំនួនកើនឡើងជាងភ្ញៀវជនជាតិផ្សេងៗគួរឲ្យកត់សម្គាល់លើសឆ្នាំមុន។ ក្នុងពិធីសម្ពោធសមាគមន៏ភ្នាក់ងារទេសចរណ៍នោះដែរមានការចូលរួមពីលោក ង៉ូវ សេងកាក់ ប្រធានមន្ទីរទេសចរណ៍ខេត្ត និង លោក តាំង ទីប្រធានសមាគមភ្នាក់ងារទេសចរណ៍ចិនប្រចាំខេត្តសៀមរាប លោកអនុប្រធានសមាគមពាណិជ្ជកម្មចិននៅ កម្ពុជា ព្រមទាំងមានអស់លោក លោកស្រី សមាជិក សមាជិកា ដែលជាទីភ្នាក់ងារ ទេស ចរណ៍ចិន ជាច្រើននាក់ចូលរួមផងដែរ ។
មានប្រសាសន៍ស្វាគមន៍ នាពេលនោះលោក តាំង ទី ប្រធានសមាគមន៍ភ្នាក់ទេសចរណ៍ចិន ប្រចាំខេត្តសៀមរាបបានមានប្រ សាសន៍ ថា ការ បង្កើតនូវ សមាគមទីភ្នាក់ងារទេសចរណ៍កម្ពុជា ចិននេះឡើងគឺក្នុងគោលបំណងធ្វើការ កែលម្អរៀបចំទីផ្សារ ទេស ចរណ៍មកពីប្រទេសចិន ឲ្យ បានកាន់តែល្អប្រសើរបន្ថែមមួយកំរិតទៀត គឺក្នុងន័យជំរុញ អោយវិស័យទេស ចរណ៍ មកពីប្រទេសចិនកាន់តែល្អនិងបង្កើននូវគុណភាពទេសចរណ៍ សេវាកម្ម ប្រសើរឡើង និង ដើម្បីបំបាត់នូវភាពអសកម្មទាំងឡាយដែលបានកើតឡើងនាពេលកន្លងមក ដែលធ្វើអោយ វិស័យទេសចរណ៍នៅក្នុង ប្រទេសកម្ពុជារងនូវការបាត់បង់ចំណូលជាច្រើនពីទេសចរណ៍។
នៅក្នុងពិធីនោះដែរ លោក ង៉ូវ សេងកាក់ ប្រធានមន្ទីរទេសចរណ៍ខេត្តសៀមរាបក៍បានមានប្រសាសន៍ ថា ក្នុងឆ្នាំ២០១៣ភ្ញៀវទេសចរចិនមានចំនួន២៧១,១៨៦នាក់ ហើយ ដោយឡែកនៅក្នុង ឆ្នាំ២០១៤នេះភ្ញៀវ ទេស ចរចិនមកក្នុងរយៈពេល០៧ខែ មានចំនួន១៨៨,៤២៣នាក់ស្មើនឹង១៣,៤០%កើនឡើង១៨,៥៩% ។ លោកប្រធានមន្ទីរ ទេសចរណ៍ ក៍បានបញ្ជាក់បន្ថែមទៀតថាអំពីស្ថានភាពជនជាតិចិន ដែលមកប្រកប អាជីវកម្មក្នុងវិស័យទេសចរណ៍ក្នុងខេត្តសៀមរាប ដោយក្នុងនោះមានដូចជាការបើកក្រុមហ៊ុនទីភ្នាក់ងារទេសចរណ៍,សណ្ឋាគារ,ភោជនីយដ្ឋានហើយព្រមទាំងមានក្រុមហ៊ុមអាកាសចរណ៍ចិន ចំនួន៨ក្រុមហ៊ុនផងដែរ ជាពិសេសលោកស្នើឲ្យតំណាងទីភ្នាក់ងារទេសចរណ៍ទាំងអស់ត្រូវខិតខំរៀបចំ ថែរក្សាបរិស្ថាន នៅក្នុងតំបន់ទេសចរណ៍ឲ្យកាន់តែប្រសើរឡើង ដើម្បីសក្ក័សមទៅនឹងពាក្យស្លោកថា រម្យណីយដ្ឋានស្អាត សេវាល្អ ៕
