មន្ត្រីទទួលខុសត្រូវប្រទេសNicaragua បានប្រកាស់ឲ្យដឹងថា នៅព្រឹកថ្ងៃទី១ខែកញ្ញាបានជួយសង្គ្រោះកម្មករដែលជាប់គាំងនៅក្នុងអណ្តូងរ៉ែបាន២០នាក់ នៅក្នុងអណ្តូងរ៉ែ El Comal ជិតទីក្រុង Bonanza ក្នុងជម្រៅជាង៨០០ម៉ែត្រ។ អ្នកនាំពាក្យរដ្ឋាភិបាល នីការ៉ាហ្គ័រលោកRosario Murillo បានប្រកាស់ឲ្យដឹងថា មានកម្មករអណ្តូងរ៉ែមាស២៩នាក់ជាប់គាំងនៅខាងក្នុងដោយសារតែការបាក់ដីកាលពីថ្ងៃទី២៨ខែសីហា ហើយនៅព្រឹកថ្ងៃទី១ខែកញ្ញាសង្គ្រោះបាន២០នាក់នៅសល់៩នាក់ទៀតបាត់ខ្លួននៅឡើយ។ 
លោកJulio Quintero ប្រធានក្រុមហ៊ុនអណ្តូងរ៉ែ Hemco បានឲ្យដឹងថា អណ្តូងរ៉ែខាងលើបានបិទទ្វាកាលពី៤ឆ្នាំមុនមកម្លេះដោយសារតែគ្មានសុវត្ថភាព។ ប៉ុន្តែកម្មករនៅតែធ្វើការបើទោះបីច្បាប់បានឲ្យបិទហើយក៏ដោយ។ លោកបន្តទៀតថា ចំណែកក្រុមហ៊ុននៅតែទិញមាសពីកម្មករទាំងនោះដដែល ទើបតែឈប់ទិញកាលពីសប្តាហ៍កន្លងមកដោយសារសង្ស័យ រ៉ែមាស់មកពីប្រភពផ្សេង។
អណ្តូងរ៉ែដែលបាក់ស្រុតដោយសារតែការបាក់ដី។ អណ្តូងរ៉ែនេះរងផលបះពាល់យ៉ាងខ្លាំងក្រោយពេលភ្លៀងធ្លាក់ខ្លាំងជាប់គ្នាជាច្រើនថ្ងៃកាលពី២ខែមុន កន្លងមកថ្មីៗក៏មានហេតុការបាក់ដីជាទ្រងទ្រាយតូចសម្លាប់កម្មករ២នាក់ផងដែរ៕
