ខេត្តបន្ទាយមានជ័យ លោកឧត្តសេនីយ៍ត្រី សេងធារិន មេបញ្ជាការរងកងពលតូចថ្មើរជើងលេខ៥១បានដាក់បញ្ជានិងក្រើនរំលឹកដល់ពលទាហានទាំងអស់ត្រូវពង្រឹងវិធានការលុបបំបាត់អំពើជួញដូរគ្រឿងញៀនឆ្លងដែនខុសច្បាប់ដែលពួកសង្គមងងិតជួញដូរមកពីប្រទេសជិតខាង ក្នុងការបើកវគ្គហ្វឹកហ្វឺនអន្តរាគមន៍ ពិសេសវគ្គ២នៅទីបញ្ជាការកងពលតូចថ្មើរជើងលេខ៥១សិ្ថតនៅភូមិជប់វា៉រីឃុំជប់វា៉រី
ស្រុកព្រះនេតព្រះ ខេត្តបន្ទាយមានជ័យ ដែលមានសិក្ខាកាមចូលរួមចំនួន៧០នាក់ចំណុះអោយកងពលតូចថ្មើរជើងលេខ៥១ហើយការហ្វឹកហ្វឺននេះមានរយៈពេល ពេញ១ខែតែម្តង។លោកសេងធារិនបានមានប្រសាសន៍ក្នុងឱកាសក្នុងសិក្ខាសាលាសល់ពលទាហានទាំង៧០នាក់នោះថា ពលទាហានទាំងអស់ ត្រូវយកចិត្តទុកដាក់ក្នុងការហ្វឹកហាត់ដើម្បីយកចំណេះដឹងនិងចំណេះធ្វើដើម្បីយកទៅការពារបូរណភាពទឹកនិងប្រទេសជាតិឲ្យបានគង់វង់។
លោកសេងធារិនបាននិយាយបញ្ជាក់ថាក្រោយដែលសិក្ខាកាមរៀនវគ្គហ្វឹកហ្វើននេះចប់ត្រូវតែយកទៅអនុវត្តនៅសមរភូមិមុខពិសេសត្រូវទប់ស្គាត់នឹងត្រូវមានវិធានការចំពោះបទល្មើសគ្រឿងញៀនឆ្លងដែនខុសច្បាប់និងវត្ថុបូរាណនិងការជួញដូរមនុស្សឆ្លងដែននិងទំនិញគេចពន្ធនិងទប់ស្កាត់ពលករចំណាកស្រុកខុសច្បាប់ដែលពួកសង្គមងងីតតែងតែរកសីុនៅតាមប្រទេសជិតខាងខ្លួនដើម្បីការពារសុវត្ថិភាពជូនបងប្អូនប្រជាពលរដ្ឋនិង
ការពារសន្តិសុខជូនប្រជាពលរដ្ឋតាមបន្ទាត់ព្រំដែនឲ្យបានសុខសាន្ត លោកសេងធារិបានបញ្ជាក់ថាក្នុងនាមជាពលទាហានត្រូវចេះគោរពវិន័យកងទ័ពឲ្យបានខ្ជាប់ខ្ជួន ត្រូវចេះការពារនិងត្រូវចេះថែរក្សាទ្រព្យសម្បត្តិរបស់ជាតិឲ្យបានគង់វង់ ដូចជា កាំភ្លើង ឯកសណ្ធានទ័ពនិងរបស់ផ្សេងៗទៀត ហើយពលទាហានទាំងអស់ត្រូវចេះធ្វើការទំនាក់ទំនងជាមួយប្រជាពលរដ្ធឲ្យបានល្អនិងត្រូវចេះសហប្រត្តិបត្តការជាមួយស្ថាបន័ជាតិនិងអន្តរជាតិដើម្បីសំរបសំរួលលើការជួយគ្នាទៅវិញទៅមកឲបានខ្ជាប់ខ្ជួន៕
