កំពង់ស្ពឺ ៖ មន្ត្រីកងរាជអាវុធហត្ថ នៃមន្ទីរព័ត៌ និងសន្តិសុខ ចំណុះបញ្ជាការដ្ឋានប៉េអឹម ខេត្តកំពង់ស្ពឺ បានធ្វើការកោះហៅប្រជុំដាក់ផែកការណចុះក្តាប់សភាពការសន្តិសុខ សណ្តាប់ធ្នាប់ ជាពិសេសពាក់ព័ន្ធបញ្ហានយោបាយគ្រប់ស្រុក-ក្រុងទាំង៨ទូទាំងខេត្ត ដោយមានការចូលរួមពីលោកវរៈសេនីយ៍ឯក ចាន់ ដា មេញ្ជាការង និងនាយសេនាធិការអាវុធហត្ថ ខេត្តកំពង់ស្ពឺ លោកអ៊ឹម នាញ ប្រធានមន្ទីរសន្តិសុខប៉េអឹមខេត្ត ព្រមទាំងមន្ត្រីជាច្រើននាក់ទៀត ។ ការពង្រឹងសមត្ថភាពមន្ត្រីអាវុធហត្ថ ក្នុងការគ្រប់គ្រងព័ត៌មានទូទៅ ដែលពាក់ព័ន្ធនឹងបទល្មើសព្រហ្មទណ្ឌ សណ្តាប់ធ្នាប់សាធារណៈ និងសភាពបំរែបំរួលនយោបាយ ក្នុងនិងក្រៅប្រទេសនោះ ប្រព្រឹត្តឡើងកាលពីថ្ងៃទី០២ ខែកញ្ញា ឆ្នាំ២០១៤នេះ ។
លោកចាន់ ដា មេបញ្ជាការងប៉េអឹមបាននិយាងថា មន្ត្រីជំនាញទាំង៣ ការិយាល័យចំណុះឱ្យមន្ទីរព័ត៌មាន និងសន្តិសុខ នៃកងរាជអាវុធហត្ថ ខេត្តកំពង់ស្ពឺ ត្រូវតែអនុវត្តន៍តាមផែនការ របស់នាយឧត្តមសេនីយ សៅ សុខា អគ្គមេញ្ជាការង កងទព័ ជើងគោក និងជាមេបញ្ជាការអាវុធហត្ថ លើផ្ទៃប្រទេស ក្នុងការចុះប្រមីលព័ត៌មានទូទៅពាក់ពា័ន្ធបទល្មើសព្រហ្មទណ្ឌ សន្តិសុខ សណ្តាប់ធ្នាប់សាធារណៈ ជាពេលបញ្ហាបំរែបម្រួលផ្នែកនយោបាយ ក្រោយការចង្អុលបង្ហាញដោយផ្ទាល់ពី លោកឧត្តមសេនីយ៍ត្រីម៉ែន ស៊ីប៊ន បញ្ជាកាខេត្ត ។
លោកបន្តថា គោលដៅសំខាន់មន្ត្រីជំនាញ ត្រូវចេះប្រមូលផ្តុំព័ត៌តាមបណ្តាស្រុក-ក្រុងទាំង៨ជុំវិញខេត្តឱ្យបានស៊ីជម្រៅ ដើម្បីទប់ស្កាត់រាល់សភាពការណ៍ដែលអាចកើតមានឡើង និងមិនទាន់កើត ក្នុងនោះយើងត្រូវតែក្តាប់ព័ត៌មានច្បាស់លាស់ និងវាយតម្លៃឱ្យត្រឹមត្រូវ មិនត្រូវចេះតែរាយការណ៍ឡើយ ។ លោកអ៊ឹម នាញ ប្រធានមន្ទីរព័ត៌មាន និងសន្តិសុខបាននិយាយថា មន្ត្រីទាំងអស់ចំណុះក្នុងមន្ទីរបានបែងចែកការងាររៀងៗខ្លួន ក្នុងនោះត្រូវអនុវត្តន៍តាមផែកការរបស់ផ្ទៃប្រទេស ក៍ដូចជាតាមបទបញ្ជាមេបញ្ជាកាខេត្ត ក្នុងការចុះទៅប្រមូលព័ត៌មានសន្តិសុខសង្គម សន្តិសុខនយោបាយ និងការវិវឌ្ឍន៍ព័ត៌មានថ្មីទៀត ទាក់ទងនិងសង្គម មុខបទល្មើសកើតមាន ឬកើតមានរួចហើយនោះ ត្រូវរាយការណ៍មកមន្ទីរ ព័ត៌មាន និងសន្តិសុខ ឬមកកាន់រដ្ឋបាលសរុប ។
លោកបន្តថា របៀបរាយការណ៍ត្រូវធ្វើឡើងដោយផ្ទាល់តាមរយៈប្រព័ន្ធទូរស័ព្ឌ ឯកសារត្រូវមានរូបថត សម្លេង ពីគោលដៅដែលកើតមានឡើងនៅសភាពការណ៍នោះ ។ សូមបញ្ជាក់ថា ការពង្រឹងកំលាំងរបស់មន្ទីរព័ត៌មាន និងសន្តិសុខខេត្តកំពង់ស្ពឺ អនុវត្តន៍តាមបទបញ្ជា លោកមេបញ្ជាការ អាវុធហត្ថលើផ្ទៃប្រទេស និងការចង្អុយដោយផ្ទាល់ពីលោកមេបញ្ជាការខេត្ត ដាក់ផែនការមកមន្ទីរ ដើម្បីប្រមូលព័ត៌មានសន្តិសុខសង្គម នយោបាយ និងបំរែបម្រួលសភាពការណ៍ថ្មីៗជាច្រើនទៀត ក្នុងគោលបំណងទប់ស្កាត់ បទល្មើស ការពារសន្តិសុខ សុវត្ថិភាព ជួនប្រជាពលរដ្ឋ តាមដាន់រាល់សភាពការណ៍បំរែបម្រួលផ្នែកនយោបាយ ដើម្បីការពារសន្តិសុខជាតិទាំងមូលតែម្តង ។
ក្រោយពីការប្រជុំការិយាល័យជំនាញបានទទួលផែនការណ៍រួច ត្រូវអនុត្តន៍តាមគោលរៀងខ្លួន គ្រប់ស្រុក-ក្រុងទាំង៨ ហើយបើមានសភាពការណ៍កើតឡើង គឺត្រូវរាយការណ៍ជាបន្ទាន់ភ្លាមៗផងដែរ ។ បច្ចុប្បន្នកងរាជអាវុធហត្ថ ខេត្តកំពង់ស្ពឺ បានត្រៀមកំលាំងចុះល្បាតតាមគោលសំខាន់ៗទាំងយប់ទាំងថ្ងៃ ដើម្បីការសន្តិសុខ និងទប់ស្តាត់បទល្មើសផ្សេងៗ ស្របតាមគោលនយោបាយភូមិ-ឃុំមានសុវត្ថិភាពរបស់រាជរដ្ឋាភិបាលតែម្តង ៕
