ក្រោយព្យុះភ្លៀងនយោបាយនៅក្នុង ប្រទេសថៃ ត្រូវបានបញ្ចប់តាមរយៈ ការធ្វើរដ្ឋប្រហារដោយកម្លាំងយោធា ឡើងកាន់កាប់ដឹកនាំប្រទេសជាតិធ្វើការ កែទម្រង់ប្រព័ន្ធនយោបាយដឹកនាំមុនការ បោះឆ្នោតជាថ្មីដើម្បីកុំឱ្យមានវិវាទបែប នេះកើតឡើងនាពេលអនាគត ។ ក្រោយយោធាដឹកនាំ អតីតមេដឹកនាំ ដែលមានឥទ្ធិពលនៅក្នុងប្រទេសថៃទាំងរដ្ឋាភិបាលនិងក្រុមប្រឆាំងបាត់ស្រមោល សូន្យឈឹង មិនដឹងថា ពួកគាត់ពេលនេះ កំពុងតែធ្វើអ្វី រស់នៅដោយបែបណានោះ ឡើយ ។
សូមងាកមកមើលអតីតនាយករដ្ឋ មន្ដ្រីដ៏ស្រស់ស្អាត យីងឡាក់ ស៊ីណាវ៉ា ត្រា ពេលនេះមានភាពស្រស់ស្រាយ មានពេលវេលាគ្រប់គ្រាន់សម្រាប់ក្រុម គ្រួសារ និងមានទំនាក់ទំនងយ៉ាងស្និទ្ធ ស្នាលជាមួយអ្នកជិតខាងដូចជាពលរដ្ឋ ដទៃទៀតដែរ ។ ទុក្ខកង្វល់ អំរែកប្រទេស ជាតិដ៏ធំធេង ដែលសង្កាត់នៅលើស្មា ទាំងសងខាងរបស់លោកស្រីពេលនេះ ត្រូវរលាយសាបសូន្យ ផ្ដល់ឱកាសដល់ លោកស្រីស្វែងរកភាពស្រស់ថ្លា បាន ដូចដើមរយៈពេលដែលមេដឹកនាំយោធា កាន់អំណាចដឹកនាំប្រទេសជាតិ ។
ក្រោយការវិលត្រឡប់មកពីបរទេស កាលពីថ្ងៃទី១១ ខែសីហា ២០១៤ លោក ស្រីយីងឡាក់ធ្វើឱ្យភាពមន្ទិលសង្ស័យទាំង ប៉ុន្មានរបស់ពលរដ្ឋថៃ ដែលថាលោក ស្រីគេចខ្លួនរស់នៅបរទេសជារៀងរហូត ដូចជាបងប្រុសថាក់ស៊ីន ស៊ីណាវ៉ាត្រា។ តែការពិតលោកស្រីទៅបរទេសគ្រាន់ តែចង់ជួបជុំសាច់ញាតិប៉ុណ្ណោះ ក្រោយ រយៈពេលប៉ុន្មានឆ្នាំមិនបានជួប ក្រោយវិលត្រឡប់មកពីបរទេស លោកស្រីយីងឡាក់ បានខិតខំអូសទាញ ធ្វើឱ្យមានតុល្យភាពនៅក្នុងគ្រួសារក្នុង នាមជាពលរដ្ឋសាមញ្ញម្នាក់ ។ 
នៅពេល នេះ លោកស្រីធ្វើដំណើរទៅផ្សារដោយ ខ្លួនឯង ជួបអ្នកស្រុកភូមិសំពះសួរធម្មតា មិនមែនមានអង្គរក្សការពារស្វែងខ្វាត់ សូម្បីតែចង់ចាប់ដៃជាមួយសាច់ញាតិ ឯងក៏ពិបាកដែរ ។ សរុបសេចក្ដី ការរស់នៅរបស់លោក ស្រីយីងឡាក់ មានភាពល្អប្រសើរ មិន មានអ្វីមកញ៉ាំញី រំខានទៀតឡើយ ។ ចុះចំណែកមេដឹកនាំបាតុករប្រឆាំងនឹង លោកស្រីយីងឡាក់វិញ លោក ស៊ូថេប ធឿកស៊ូបាន ក្លាយទៅជាយ៉ាងណាហើយ ។ ពេលនេះព្រ័ន្ធផ្សព្វផ្សាយថា ក៏ស្ងប់ស្ងាត់ ឈឹង មិនបានលើកឡើងពីមេដឹកនាំបាតុករ ប្រឆាំងដ៏ល្បីក្នុងប្រទេសថៃនោះឡើយ។ ម្យ៉ាងទៀត ដោយសារប្រព័ន្ធផ្សព្វផ្សាយ ថៃមានដែនកំណត់ក្រោមការគ្រប់គ្រង របស់រដ្ឋាភិបាលយោធា គេមិនទាន់ដឹងថា ភិក្ខុស៊ូថេបបាន លាចាកសិក្ខាបទហើយឬនៅ ឬមួយក៏ នៅជាភិក្ខុសង្ឃសម្ងំយកសុខតែអង្គឯង ក្រោមម្លប់ព្រះធម៌ ។
មិនថាអតីតមេដឹកនាំឬក្រុមប្រឆាំង ឡើយ និយាយរួមគឺអ្នកនយោបាយចាស់ៗ នៅក្នុងប្រទេសថៃ សុទ្ធសឹងតែបានលាក់ ខ្លួនរស់នៅប្រកបដោយសុខសាន្ដក្នុង រយៈពេលដែលយោធាកាន់អំណាចរង់ចាំ ដល់ការរៀបចំបោះឆ្នោតជាថ្មីទើបចេញ មុខម្ដងទៀត ។ បើការបង្ហាញខ្លួននៅ ពេលនេះ ក៏មិនមានផលប្រយោជន៍អ្វី សម្រាប់អ្នកនយោបាយទាំងនោះដែរបាន ត្រឹមតែជាប់ទោសប៉ុណ្ណោះ ។
បើនិយាយអំពីរដ្ឋាភិបាលយោធាថៃ បច្ចុប្បន្ន គ្មានគូប្រជែងទៀតនោះឡើយ ហើយបុគ្គលសំខាន់ៗក្នុងការកាន់តំណែង រដ្ឋាភិបាលសុទ្ធសឹងតែជាមន្ដ្រីជាន់ខ្ពស់ អតីតមន្ដ្រីយោធាក្នុងការកែទម្រង់ប្រទេស ជាតិ គេចផុតពីវិបត្ដិដែលអាចកើត ឡើងដដែលជាដដែលនៅក្នុងសង្គម នយោបាយថៃ 9 
