ការធ្វើតេស្ត សាកល្បងកម្រិតខ្ពស់ នៃការចាក់វ៉ាក់សាំងបង្ការជំងឺ Ebola នឹងចាប់ផ្តើមនៅសប្តាហ៍នេះ នៅវិទ្យាស្ថាន ជាតិសុខាភិបាល ចំពេលមានការព្រួយបារម្ភ ចំពោះការរីករាលដាល នៃមេរោគដ៏សាហាវនេះ នៅក្នុងទ្វីប អាហ្វ្រិកខាងលិច។ យោងតាមទីភ្នាក់ងារសារព័ត៌មាន ស៊ីអិនអិន ចេញផ្សាយថ្ងៃទី០២ ខែកញ្ញា ឆ្នាំ២០១៤ នេះឲ្យដឹងថា បន្ទាប់ពីការពិនិត្យ ឡើងវិញជាបន្ទាន់ ដោយរដ្ឋបាលចំណីអាហារ និងថ្នាំពេទ្យអាម៉េរិក ក្រុមអ្នកស្រាវជ្រាវ បានបើកភ្លើងខៀវ ដើម្បីចាប់ផ្តើម អ្វីដែលគេហៅថា ជាសុវត្ថិភាពមនុស្ស។
នេះបើយោងតាមលោកវេជ្ជបណ្ឌិត អានតូនី ហ្វូស៊ី ប្រធានវិទ្យាស្ថានជាតិអាឡែកហ្សី និងជំងឺឆ្លង បានថ្លែងឱ្យដឹង។ ការធ្វើតេស្តនេះ នឹងក្លាយជាលើកដំបូង នៃការចាក់វ៉ាក់សាំងសម្រាប់មនុស្ស នូវប្រភេទនេះជំងឺ Ebola នេះ។ ការចាក់វ៉ាក់សាំង ពិសោធន៍ ស្ថិតក្រោមការអភិវឌ្ឍ របស់ក្រុមហ៊ុនឱសថ GlaxoSmithKline និង NIAID នឹងត្រូវបានផ្តល់ដល់អ្នកស្ម័ចិត្ត ដែល មានសុខភាពល្អ ចំនួនបីនាក់ ដើម្បីមើលថាតើពួកគេ បានទទួលរង ផលប៉ះពាល់ណាមួយដែរឬទេ។
ប្រសិនបើចាត់ទុកថាមានសុវត្ថិភាព នោះវានឹងត្រូវបានផ្តល់ទៅឱ្យក្រុមតូច មួយទៀត នៃអ្នកស្ម័គ្រចិត្ត ដែលមានអាយុពី១៨ ដល់៥០ ឆ្នាំ ដើម្បីមើលថា តើវាបង្កើតជាការឆ្លើយតប ទៅនឹងភាពសាំយ៉ាងខ្លាំង ចំពោះមេរោគនេះ ឬមួយយ៉ាងណា។ ទាំងអស់នេះ នឹងត្រូវបានតាមដានយ៉ាងដិតដល់ ចំពោះផលប៉ះពាល់។
ថ្នាំវ៉ាក់សាំងនេះ នឹងត្រូវផ្ដល់ឲ្យអ្នកស្ម័ចិត្ត ដោយការចាក់ថ្នាំក្នុងសាច់ដុំដៃរបស់ពួកគេ ជាលើកដំបូងនៅ ក្នុងកម្រិតទាប បន្ទាប់មកនៅក្នុងកម្រិតមួយដែលខ្ពស់ជាងមុន បន្ទាប់ពីសុវត្ថិភាពនៃថ្នាំវ៉ាក់សាំងនេះត្រូវបានកំណត់។ លោកហ្វូស៊ី បាននិយាយថា ថ្នាំវ៉ាក់សាំងនេះ ពិតជាទទួលបានផលវិជ្ជមានជាខ្លាំង ក្នុងការសាកល្បងពីមុន ជាមួយនឹង សត្វស្វា។
លោក បានកត់សម្គាល់ថា វិធីសាស្ត្រក្នុងការប្រើប្រាស់ ដើម្បីឆ្លើយតប ទៅនឹងប្រព័ន្ធភាពសាំនឹងជំងឺ Ebola មិនអាចបណ្តាលបុគ្គល ដែលមានសុខភាពល្អ ក្នុងការឆ្លងមេរោគវីរុសនេះទេ៕
