សារព័ត៌មានអ៊ីតាលីLa Republica បានដកស្រង់សម្ដីប្រធានាធិបតីរុស្ស៊ី លោកវ្ល៉ាឌីមៀរ ពូទីន បានព្រមានទៅ កាន់ប្រធានសហគមន៍អឺរ៉ុប លោកJose Manual Barroso ក្រោយកម្លាំង ទាហានក្រុមបះបោរគ្រប់គ្រងអាកាស យានដ្ឋានគ្រប់គ្រងនៅភាគខាងត្បូងអ៊ុយ ក្រែនថា បើរុស្ស៊ីចង់នោះ នឹងគ្រប់គ្រង អ៊ុយក្រែនទាំងស្រុងក្នុងរយៈពេលតែ២ សបា្ដហ៍ប៉ុណ្ណោះ លោក Barroso បានលើកឡើងពី សម្ដីគំរាមកំហែងរបស់លោកពូទីន នៅ ក្នុងកិច្ចប្រជុំសហគមន៍អឺរ៉ុបនាពេល កន្លងមកនៅទីក្រុងប្រ៊ុចសែល ។
នៅ ក្នុងកិច្ចប្រជុំនោះដែរ អធិការបតីអាល្លឺ ម៉ង់លោកស្រីអេងហ្គេឡា ម៉ាក់កែល បានបញ្ជាក់ថា យើងមិនអាចដឹងមុនពី ការប្រែប្រួលរបស់លោកពូទីនឡើយ ។ ចំណែកនាយករដ្ឋមន្ដ្រីអង់គ្លេស លោក ដេវីដ កាមរ៉ុន ក៏បានបញ្ជាក់ដែរថា មិន ត្រូវទុកឱ្យលោកពូទីន ធ្វើអ្វីតាមតែចិត្ដ ហើយគ្រប់គ្រងប្រទេសអ៊ុយក្រែនទាំង មូលនោះឡើយ ។ នៅពេលនេះយើងក៏ មិនអាចដឹងថា លោកពូទីន នឹងអាចធ្វើ អ្វីជាបន្ដទៀតនោះឡើយ ។ កាលពីថ្ងៃទី១ ខែកញ្ញា កិច្ចពិភាក្សា ស្ដីពីបទឈប់បាញ់រវាងតំណាងរុស្ស៊ី អ៊ុយ ក្រែន នឹងក្រុមផ្ដាច់ទឹកដីនិយមបានធ្វើ ឡើងនៅប្រទេសប៊ែលឡារ៉ូស ដោយមិន ទទួលបានការឯកភាពណាមួយនោះទេ ។
ភាគីពាក់ព័ន្ធបានកំណត់ថ្ងៃទី៦ ខែកញ្ញា ជួបគ្នាពិភាក្សាម្ដងទៀតស្ដីពីបទឈប់ បាញ់ ។ ប្រព័ន្ធផ្សព្វផ្សាយនានារបស់ រុស្ស៊ីដែលគាំទ្រក្រុមផ្ដាច់ទឹកដីនិយមនៅ អ៊ុយក្រែនបានផ្សាយថា រដ្ឋាភិបាលទី ក្រុងគៀវត្រូវតែផ្ដល់ឱកាសដើម្បីឱ្យទី ក្រុងលូហ្គាន និងដូណេតស៍ចូលជាមួយ ប្រទេសរុស្ស៊ីដោយរលូន ។ កាលពីពេលកន្លងមកថ្មីៗ លោក ពូទីនក៏បានលើកឡើងពីកិច្ចពិភាក្សាជា លើកដំបូងស្ដីពី“ប្រទេសអ៊ុយក្រែនភាគ ខាងកើត”។ លោកពូទីន ក៏បានចោទ ប្រកាន់សហគមន៍អឺរ៉ុបថា ធ្វើព្រងើយ កន្ដើយចំពោះសកម្មភាពទាហានអ៊ុយ ក្រែនវាយប្រហារទាំងពលរដ្ឋស្លូតត្រង់ ទៀតផងបណ្ដាលឱ្យមានអ្នកស្លាប់ដល់ ២០នាក់ដល់២៦៩៩នាក់ចាប់តាំងពីខែ មេសា មកទល់ពេលនេះ ។
ចំណែក កម្លាំងទាហានបះបោរអ៊ុយក្រែនវិញ គ្រាន់តែទប់ទល់វាយបកបណ្ដេញទាហាន រដ្ឋាភិបាលចេញពីតំបន់ប្រជុំជនតែ ប៉ុណ្ណោះ ។ អ៊ុយក្រែន និងលោកខាងលិចបាន ចោទប្រកាន់ប្រទេសរុស្ស៊ីថា បញ្ជូន កម្លាំងទាហានដោយផ្ទាល់ចូលជួយដល់ ក្រុមផ្ដាច់ទឹកដីអ៊ុយក្រែន។ អង្គការណាតូ បានបញ្ជាក់ថា ទាហានរុស្ស៊ីជាង១ពាន់ នាក់បានចូលដល់ខាងក្នុងប្រទេសអ៊ុយ ក្រែននិងជាង២ម៉ឺននាក់ទៀតដាក់ពង្រាយ នៅតាមព្រំដែនរុស្ស៊ី អ៊ុយក្រែន ។
ចំណែកមេបញ្ជាការអ៊ុយក្រែនបាន បញ្ជាក់ថា ទាហានរុស្ស៊ីរហូតដល់១៦០០ នាក់មានវត្ដមាននៅអ៊ុយក្រែន ។ ចំណែករដ្ឋមន្ដ្រីការបរទេសរុស្ស៊ី លោកសឺហ្គេយ៍ ឡារ៉ូវបានបញ្ជាក់ថា រុស្ស៊ីមិនបានបញ្ជូនកម្លាំងទាហានទៅ កាន់ប្រទេសអ៊ុយក្រែននោះឡើយ ហើយ រុស្ស៊ីក៏មិនដែលជ្រៀតជ្រែកដោយយោធា ទៅក្នុងប្រទេសនេះដែរ។ រុស្ស៊ីបាន ព្យាយាមស្វែងរកដំណោះស្រាយនយោ បាយបញ្ចប់សង្គ្រាមស៊ីវិលនៅប្រទេស អ៊ុយក្រែន ដោយលោកស្នើឱ្យកិច្ចពិភាក្សា នៅប្រទេសប៊ែលឡារ៉ូសស្ដីពីបទឈប់ បាញ់កាន់តែឆាប់ កាន់តែល្អ ។ រដ្ឋមន្ដ្រីក្រសួងការពារជាតិអ៊ុយក្រែន បានប្រកាសថា រយៈពេលចុងក្រោយនេះ កម្លាំងរដ្ឋាភិបាលអ៊ុយក្រែនបានបរាជ័យ ជាច្រើនលើកនៅក្នុងសមរភូមិ ដោយ សារតែកម្លាំងទាហានផ្ដាច់ទឹកដីនិយម ទទួលបានការជួយជ្រោមជ្រែងទាំងកម្លាំង ទ័ព និងសព្វាវុធពីប្រទេសរុស្ស៊ី ។
ដូច្នេះ អ៊ុយក្រែន ចាំបាច់ត្រូវតែផ្លាស់ប្ដូរយុទ្ធ សាស្ដ្រ ត្រូវប្រើប្រាស់កាំភ្លើងធុនធ្ងន់ វាយប្រហារវិញម្ដង។ លោកបន្ដទៀតថា ទាហានរដ្ឋាភិបាលអ៊ុយក្រែនក៏បានវាយ ប្រហារកម្ទេចរថក្រោះរបស់រុស្ស៊ីរហូត ដល់៧គ្រឿងផងដែរ ។ ប្រធានាធិបតីអ៊ុយក្រែន លោកប៉េត្រូ ប៉ូរ៉ូសេនកូ ក៏បានចោទប្រកាន់រុស្ស៊ីថា ធ្វើសង្គ្រាមទ្រង់ទ្រាយធំធ្វើឱ្យពលរដ្ឋរាប់ សិបពាន់នាក់រងការគំរាមកំហែង ។ លោកបន្ដទៀតថា ពេលនេះរុស្ស៊ីបាន ចាប់ផ្ដើមឈ្លានពានដោយបើកចំហរ មិនមែនលួចលាក់ដូចកាលពីមុនទៀត នោះឡើយ ។
សកម្មភាពរបស់រុស្ស៊ីបានបង្ហាញ យ៉ាងច្បាស់ថា នឹងមិនទុកឱ្យរដ្ឋាភិបាល អ៊ុយក្រែនដណ្ដើមការគ្រប់គ្រងតំបន់ ភាគខាងកើតនោះវិញឡើយ ដោយធ្វើ យ៉ាងណាឱ្យតំបន់នោះទទួលបានឯករាជ្យ ហើយដាក់បញ្ចូលជាមួយប្រទេសរុស្ស៊ី ដូចតំបន់គ្រីមៀជាដើម ។ តំបន់ភាគ ខាងកើតជាផលប្រយោធន៍ដ៏ធំធេងដែល រុស្ស៊ីមិនអាចបោះបង់នោះឡើយ ។ កន្លងមកថ្មីៗ ប្រធានមូលនិធិរូបិយ វត្ថុអន្ដរជាតិ IMF បានសម្រេចផ្ដល់ មូលនិធិជាង១ពាន់លានដុល្លារដល់រដ្ឋា ភិបាលទីក្រុងគៀវក្នុងការដោះស្រាយ ស្ថានភាព ខណៈដែលមានការចូលឈ្លាន ពានពីប្រទេសរុស្ស៊ីកាន់តែកើនឡើង ។
