អូឡាំពិក៖ ក្រោយពីដំណើរការនៃការប្រកួតកីឡាអូឡាំពិក រដូវរងានៅទីក្រុងស៊ូជីប្រទេសរុស្ស៊ីអស់រយៈពេល ១៧ ថ្ងៃ ពេញបានបញ្ចប់ទៅវិញ ហើយកាលពីយប់ថ្ងៃអាទិត្យម្សិលមិញនេះក្រោមបរិយាកាស ដ៏សប្បាយរីករាយក្រៃលែង ។ ម្ចាស់ផ្ទះរុស្ស៊ីបានឈរនៅលំដាប់លេខ ១ ផងដែរ ក្នុងនាមជាប្រទេសដែលបានឈ្នះមេដាយច្រើនជាងគេ ក្នុងការចូលរួមប្រកួត ទៅលើ៧ ប្រភេទកីឡាដែលបានដាក់ឲ្យប្រកួត ចែកចេញជា ៩៨ វិញ្ញាសា សម្រាប់ព្រឹត្តិការណ៍ កីឡាអូឡាំពិកលើកទី ២២ នេះ ដែលមានរយៈពេលត្រឹម ៤ ឆ្នាំម្ដង ។
លោក Thomas Bach ប្រធានគណៈកម្មាធិការអូឡាំពិក អន្តរជាតិទើបតែងតាំងពីពេលថ្មីៗកន្លងមក បានថ្លែងបិទកម្មវិធីនោះដែរថា នេះជាការប្រកួតមហាអស្ចារ្យមួយ ខណៈដែលការប្រកួតទាំងមូល ដំណើរការ ជាមួយនឹងភាពជោគជ័យ គួរជាទីមោទនៈ ។
អ្វីៗទាំងអស់នេះកើតចេញពី ការចូលរួមពី ប្រជាពលរដ្ឋរុស្ស៊ី ទាំងមូល និងពិភពលោកផងដែរ ដោយពុំមានការរើសអើង ពូជសាសន៍ និងគ្មានអ្វីរំខានដែរនោះ ។ ជាមួយគ្នានេះដែរ លោកក៏សង្ឃឹមថា សម្រាប់ព្រឹត្តិការណ៍កីឡាអូឡាំពិករដូវរងា លើកទី ២៣ ឆ្នាំ ២០១៨ នៅកូរ៉េខាងត្បូងនៅទីក្រុង ព្យុងយ៉ាងក៏ទទួលបាន ជោគជ័យដូចនេះដែរ ៕
