ភ្នំពេញ ៖ សម្រាប់ទិដ្ឋភាពពេលរាត្រីនៅក្នុងរាជធានីមានសព្វបែបយ៉ាង ព្រោះជាឱកាសដែលអ្នកស្រវឹងគ្រប់ប្រភេទសោយរាជ្យតាមដងផ្លូវ។ ចំពោះអ្នកដែលស្រវឹងក្នុងស្ថានភាពផឹកស៊ីតែងមានរូបភាពខុសគ្នា ខ្លះជិះដួលបង្ករបួសខ្លួនឯង ខ្លះជិះទៅបុកគេបុកឯងបណ្តាលឱ្យរបួស ។
ទោះបីជាបែបណាក៏មានអ្នកស្រវឹងខ្លះដែលមានស្មារតីអាចការពារខ្លួនដោយដឹងថា ជិះម៉ូតូទៅមុខមិនរួចក៏បានឈប់ម៉ូតូអង្គុយងោកឬដេកនៅលើម៉ូតូមិនទៅណាទេ ។
មើលចុះបុរសម្នាក់នេះមិនដឹងជាផឹកស្រាស្រវឹងមកពីកន្លែងណាទេ ជិះម៉ូតូរហូតដល់ថ្នាក់មួលហ្គាលែងទៅមុខក៏សម្រេចឈប់ម៉ូតូដេកលើម៉ូតូដូចជាគ្មានរឿងអ្វីកើតឡើងចឹង ។ ករណីនេះកើតឡើងកាលពីវេលាម៉ោង ១១និង៣០នាទីយប់ថ្ងៃទី០៣ខែកញ្ញា ឆ្នាំ២០១៤ នៅចំណុចក្បែរនិង របងម៉ុឌឺយ៉ាល់ តាមបណ្ដោយមហាវិថីម៉ៅសេទុងកែងនិងលេខ២០២ ក្នុងសង្កាត់ផ្សារដើមគរ ខណ្ឌទួលគោក។
ប្រភពបានឱ្យដឹងថា បុរសម្នាក់ជិះម៉ូតូម៉ាកហុងដាឌ្រឹមសេ១២៥ពណ៌ខ្មៅអាយុប្រហែល៣០ផ្លាយឆ្នាំបានជិះម៉ូតូតាមមហាវិថីម៉ៅសេទុងក្នុងទិសដៅពីជើងទៅត្បូងហើយក៏បត់ម៉ូតូចូលមកផ្លូវ លេខ២០២ ក្បែរនិងរបងម៉ុឌឺយ៉ាល់ស្រាប់បុរសនេះឈប់ម៉ូតូដេកលើម៉ូតូដែលជាកន្លែងស្ងាត់និងងងឹតទៀត ។សំណាងល្អហើយដែលសមត្ថកិច្ចជិះម៉ូតូល្បាត់តាមមូលដ្ថានប្រទះឃើញក៏ដាស់ឲ្យភ្ងាក់ ហើយបើសិនជាសមត្ថកិច្ចឃើញមិនទាន់ទេច្បាស់ជាមានជនឆ្លៀតឱកាសយកម៉ូតូទៅបាត់មិនខាននោះទេ ។ សមត្ថកិច្ចបានព្យាយាមដាស់បុរសនេះឲ្យភ្ងាក់ឡើងហើយក៏បុរស ដែលដេកលើម៉ូតូ ខ្លួនឯងនេះក៏ភ្ងាក់ឡើងក្នុងស្ថានភាពស្រវឹងស្រាជោក ក៏សមត្ថកិច្ចសម្រាចចិត្តទាក់ទងទៅបងប្អូនឱ្យមកទទួលយកត្រឡប់ទៅផ្ទះវិញតែម្តង៕
