កាលពីថ្ងៃទី៣ខែកញ្ញា ភាពតានតឹងរវាងរុស្ស៊ីនិងណាតូកាន់តែខ្លាំងឡើង ក្រោយពេល រដ្ឋាភិបាលទីក្រុង ម៉ូស្កូប្រកាស់ថា កម្លាំងទាហានគ្រប់គ្រងបរមាណូរបស់ប្រទេសនេះធ្វើសមយុទ្ធជាទ្រងទ្រាយធំ ក្នុងពេលដែលអាមរិកនិងណាតូក៏បានសម្រេចបញ្ចូនកម្លាំងទាហាន១ពាន់នាក់ទៅកាន់អ៊ុយក្រែងធ្វើសមយុទ្ធ ទប់ទល់និងការឈ្លានពានពីរុស្សី។ សារព័ត៌មាន រុស្ស៊ីRIA Novosti បានផ្សព្វផ្សាយថា នៅមុនកិច្ចប្រជុំជាប្រចាំរបស់អង្គការណាតូនៅប្រទេសWales កាលពីថ្ងៃទី៤ខែកញ្ញា រដ្ឋមន្ត្រីការបរទេសរុស្ស៊ីបានប្រកាស់ថា កងកម្លាំងបរមាណូរបស់រុស្ស៊ី ប្រមាណ៤ពាន់នាក់និងធ្វើសមយុទ្ធនៅតំបន់ Altai ស្ថិតនៅភាគខាងត្បូងនៃប្រទេសរុស្ស៊ី។
កម្លាំងទាហានរុស្ស៊ីនឹងបាញ់គ្រាប់ពិត ក្នុងការត្រួតពិនិត្យ គម្រិតវាយប្រហារ គោលដៅរបស់កម្លំងទាហានរុស្ស៊ី ។ យន្តហោះចម្បាំង MiG-31 យន្តហោះសើបអង្គេតSu-24MR ក៏បានចូលរួមនៅក្នុងសកម្មភាពធ្វើសមយុទ្ធនោះដែរ។ចំណុចពិសេសនៅក្នុងការធ្វើសមយុទ្ធនោះគឺវាយប្រហារសត្រូវក្នុងពេលដែលប្រព័ន្ធទំនាក់ទំនងត្រូវសត្រូវកាត់ផ្តាច់ ។
ក្នុងពេលជាមួយគ្នានេះ សារព័ត៌មានរ៉យទ័របានផ្សព្វផ្សាយថា ណាតូនឹងបញ្ចូនកម្លាំងទាហាន ១ពាន់នាក់ទៅកាន់ប្រទេសអ៊ុយក្រែនចូលរួមធ្វើសមយុទ្ធដែលចាប់ផ្តើមឡើងនៅថ្ងៃទី១៦ដល់ថ្ងៃទី២៦ខែកញ្ញា ។ ការចូលរួមធ្វើសមយុទ្ធនោះជាការបង្ហាញយ៉ាងច្បាស់ពីការប្តេជ្ញាគាំទ្រដល់រដ្ឋាភិបាលទីក្រុងគីវ ពីអង្គការណាតូ។ នេះជាលើកទីមួយហើយដែលណាតូចូលរួមសកម្មភាពធ្វើសមយុទ្ធនៅក្នុងប្រទេសអ៊ុយក្រែន។ កន្លងមកណាតូពង្រីកសកម្មភាពយោធានៅអឺរ៉ុបខាងកើតចាប់តាំងពីតំបន់ស្វ័យតន្នគ្រីមៀធ្លាក់ចូលក្នុងដៃប្រទេសរុស្ស៊ី។ នៅក្នុងព្រិត្រិការមួយផ្សេងទៀតពាក់ព័ន្ធនិងវិបត្តិនៅក្នុងប្រទេសអ៊ុយក្រែន ប្រធានាធិបតីរុស្ស៊ីលោកវ្លាឌឺមៀពូទីន បានលើកឡើងពីគម្រោងសន្តិភាពនៅភាគខាងកើតអ៊ុយក្រែន ៧ចំណុចតែ ត្រូវបានបណ្តាប្រទេសលោកខាងលិចច្រានចោទ ដោយបទឈប់បាញ់ គម្រោងសន្តិភាព ផ្តាល់ផលប្រយោជន៍ឲ្យភាគីតែម្ខាងប៉ុណ្ណោះ។ គម្រោ៧ចំណុចដែលលោកពូទីនបានឡើកឡើងសម្រាបសន្តិភាពភាគខាងកើតអ៊ុយក្រែន រួមមាន៖ ១ ទាហានអ៊ុយក្រែនត្រូវតែបញ្ចប់សកម្មភាពយោធាននៅខេត្ត Donetsk និងLugansk ។
២ កម្លាំងទាហានដែលជិតស្និតនិងរដ្ឋាភិបាលទីក្រុងគីវត្រូវតែដកថយ ទៅកាន់ទីតាំងមានកំណត់មួយ ដើម្បីបញ្ចៀសការបាញ់ប្រហារចូលទៅទីតាំងស៊ីវិល នៅខេត្តទាំងពីរខាងលើ។ ៣ អនុវត្ត យ៉ាងហ្មឹងមាត់ គ្រាប់គ្រាន់ បទឈប់បាញ់។ ៤ បញ្ឈប់ការប្រើប្រាស់យន្តហោះចម្បាំងប្រឆាំងពលរដ្ឋស្លូតត្រង។ ៥ អនុវត្តិការដោះដូរចំណាប់ខ្មាំងរវាងភាគីទាំងពីរដោយគ្មានលក្ខណណាមួយ។ ៦ បើកទ្វាមនុស្សធម៌ សម្រាប់ស្បៀងអាហាជំនួយទាំងឡាយពីរុស្ស៊ីចូលទៅកាន់ទីខេត្ត Lugansk និងDonetsk ។ ៧ ចូលរួមធ្វើសកម្មភាពដោយផ្តាល់ពីរុស្ស៊ីក្នុងការជួសជុលហេដ្ឋារចនាសម្ព័ន្ធដែលខូចខាត។ លោកពូទីនសង្ឃឹមថា កិច្ចព្រមព្រៀងចុងក្រោយរវាងរដ្ឋាភិបាលទីក្រុងគីវ និងក្រុមផ្តាច់ទឹកដីនិយមនៅភាគខាងកើតទទួលបានការឯកភាពនៅក្នុងជំនួបពិភាគ្សានាថ្ងៃទី៥ខែកញ្ញានេះ។
កាលពីថ្ងៃទី៣ខែកញ្ញា ការសន្ទនាតាមទូរស័ព្ទ លោកប្រធានាធិបតីអ៊ុយក្រែនប៉ូរ៉ូឆិនកូ និងលោកប្រធានាធិបតីរុស្ស៊ីពូទីនបានព្រមព្រៀងគ្នាទៅលើលក្ខខណ្ឌ ស្តីពីបទឈប់បាញ់ នៅប៉ែកខាងកើតអ៊ុយក្រែន។ លោកពូទីនក៏បានបង្ហើបឲ្យដឹងដែរ អំពីចំណុចមួយចំនូន ទាក់ទងនឹងផែនការសន្តិភាពនៅអ៊ុយក្រែន ព្រមទាំងបង្ហាញនូវក្តីសង្ឃឹមថា ភាគីជម្លោះនៅអ៊ុយក្រែនអាចនឹងឈានដល់ការចុះកិច្ចព្រមព្រៀងគ្នាមួយ នៅក្នុងកិច្ចចរចា ដែលគ្រោងធ្វើនៅថ្ងៃសុក្រខាងមុខនេះ។ លោកអូបាម៉ា ដែលកំពុងបំពេញទស្សនកិច្ច នៅក្នុងប្រទេសអេស្តូនី បានបង្ហាញនូវភាពប្រយ័ត្នប្រយែងចំពោះបទឈប់បាញ់ ដែលប្រកាសដោយ អ៊ុយក្រែន នៅថ្ងៃពុធ ដោយលោកបានធ្វើការកត់សម្គាល់ថា កន្លងមកក៏ធ្លាប់មានការប្រកាសពីបទឈប់បាញ់នៅអ៊ុយក្រែននេះដែរ ក៏ប៉ុន្តែ មិនដែលទទួលលទ្ធផលអ្វីពិតប្រាកដនោះទេ។ ទោះជាយ៉ាងណា លោកប្រធានាធិបតីអាមេរិកបានបង្ហាញនូវការគាំទ្រចំពោះកិច្ចខិតខំ ប្រឹងប្រែងរបស់លោកប្រធានាធិបតីអ៊ុយក្រែន ប៉ូរ៉ូឆិនកូ ក្នុងការស្វែងរកដំណោះស្រាយនយោបាយបញ្ចប់វិបត្តិនៅអ៊ុយក្រែន។
គួរបញ្ជាក់ថា បទឈប់បាញ់ត្រូវបានប្រកាសជាដំបូងដោយរដ្ឋាភិបាល អ៊ុយក្រែន ដោយបញ្ជាក់ថា ការព្រមព្រៀងនេះត្រូវបានធ្វើនៅក្នុង កិច្ចសន្ទនាតាមទូរស័ព្ទ រវាងប្រធានាធិបតីអ៊ុយក្រែន និងលោកពូទីន។ កាល ពីដំបូង អ្នកនាំពាក្យផ្លូវការរបស់វិមានក្រេមឡាំង លោក ឌ្មីទ្រី ពេស្កូវ បានត្រឹមតែបញ្ជាក់ថា មានការសន្ទនាគ្នាតាមទូរស័ព្ទមែនរវាងលោកប្រធានាធិបតីរុស្ស៊ីពូទីន និងលោកប្រធានាធិបតីអ៊ុយក្រែន ប៉ូរ៉ូឆិនកូ។ ប៉ុន្តែលោក ពេស្កូវ គ្រាន់តែជូនដំណឹងថាប្រមុខរដ្ឋទាំងពីរ“ក្នុងកម្រិតធំ” បានឯកភាពគ្នាទៅលើជំហានដែលមុខជាអាចជំរុញដល់ការឈប់បាញ់រវាង ម្ខាងគឺពួកយោធាអ៊ុយក្រែននិងម្ខាងទៀតគឺពួកឧទ្ទាមផ្តាច់ទឹកដី និយម នៅតំបន់ខាងកើតអ៊ុយក្រែន។ គាត់សង្កត់ធ្ងន់ថាគ្មានការព្រមព្រៀងស្តីអំពីការឈប់បាញ់ អាច សម្រេចបានឡើយ ដ្បិតរុស្ស៊ី មិនមែនជាភាគីជាប់ក្នុងជម្លោះនៅតំបន់នោះឡើយ។ វិមានក្រេមឡាំងរំលឹកថា ទីក្រុងម៉ូស្គូរមែងគូសបញ្ជាក់ហើយគូសបញ្ជាក់ទៀតថា ប្រទេសរុស្ស៊ី មិនមែនជាភាគីជាប់ក្នុងជម្លោះ ដែលមានលក្ខណៈផ្ទៃក្នុងអ៊ុយក្រែនទេតើ។
គោលជំហររុស្ស៊ី នេះ ត្រូវបានលោកពូទីន លើកឡើងជាថ្មីក្រោយពីគាត់ បានជួបជាមួយលោកប្រធានាធិបតី អ៊ុយក្រែនប៉ូរ៉ូឆិនកូ នៅក្រុងមិនស្គ៏កាលពីថ្ងៃ២៦សីហាកន្លងទៅ។ តាមការពន្យល់បំភ្លឺរបស់ លោកប្រធានាធិបតីពូទីន ៖ “លាក់បាំងអី យើងមិនអាចនិយាយអំពីល័ក្ខខ័ណ្ឌអ្វីណានៃការឈប់បាញ់ឡើយ អំពីការព្រមព្រៀងគ្នាអ្វីណា រវាងក្រុងគៀវនិងក្រុងដូនេតស្គ៏ រវាង ក្រុងគៀវនិងក្រុងលូហ្កាន់ស្គ៏ឡើយ ដ្បិតរឿងនេះមិនមែនជាកិច្ចការយើងទេតែ ជាកិច្ចការ របស់អ៊ុយក្រែនផ្ទាល់”។
ក្រសួងការបរទេសទាំងរុស្ស៊ីទាំងអ៊ុយក្រែន ទប់ខ្លួន មិនធ្វើអត្ថាធិប្បាយ អ្វីណាទៅលើដំណឹង ស្តីអំពីការឈប់បាញ់នោះឡើយ។ រីឯតំណាងក្រសួងការពារជាតិនៃ ”សាធារណរដ្ឋប្រជាមានិតដូនេតស្គ៏” ហៅកាត់ថា DNR ទើបថ្លែងប្រាប់ទីភ្នាក់ងារព័ត៌មានរុស្ស៊ី RIA Novosti ថា កងសេនាជនមិនបញ្ឈប់ការបាញ់នោះឡើយដរាបណាដែលទឹកដីគេមិនទាន់ សម្អាតពី "ពួកយោធាឈ្លានពានអ៊ុយក្រែន"។ ក៏ប៉ុន្តែ នៅរសៀលថ្ងៃពុធ លោកពូទីនផ្ទាល់បានចេញមុខប្រកាសបង្ហាញ អំពីលក្ខខណ្ឌ ៧ចំណុច នៃផែនការសន្តិភាពរយៈពេលវែង សម្រាប់តំបន់ខាងកើតអ៊ុយក្រែន។ លោកប្រធានាធិបតីរុស្ស៊ីក៏បានបង្ហាញផងដែរពីក្តីសង្ឃឹមថា ផែនការសន្តិភាពនេះអាចនឹងត្រូវចុះហត្ថលេខាដោយគូភាគីជម្លោះ អ៊ុយក្រែន នៅក្នុងកិច្ចប្រជុំ ដែលគេគ្រោងធ្វើ នៅថ្ងៃសុក្រខាងមុខនេះ៕
