លោកវរសេនីយ៌ឯក ស៊ាង ឡេង ប្រធានប៉ុស្តិ៍នគរបាលច្រកទ្វារកំពង់ផែអន្តរជាតិក្រុងព្រះសីហនុបានឲ្យដឹងថា នៅព្រឹកថ្ងៃទី០៤ ខែកញ្ញា ឆ្នាំ២០១៤នេះ នាវា SEA PRINCESS សញ្ជាតិ BERMUDA ដែលធ្វើដំណើរមកពីប្រទេសថៃ បានចូលមកចតនៅកំពង់ផែអន្តរជាតិក្រុង ព្រះសីហនុនៅវេលាម៉ោង៧ ដើម្បីបំពេញទស្សនកិច្ចរយៈពេលមួយថ្ងៃ និងចេញដំណើរទៅកាន់ប្រទេសថៃនៅវេលាម៉ោង ៥រសៀលថ្ងៃដដែលនោះ។
នាវា SEA PRINCESS មានបណ្តោយ២៦១.៣១ ម៉ែត្រ ទទឹង៣២.២៥ម៉ែត្រ នាវានេះមានកំពស់១៤ជាន់ មាននាវិកបម្រើការចំនួន៨៧៥នាក់ស្រី ១៣២នាក់ មានភ្ញៀវទេសចរចម្រុះជាតិសាសន៍ ចំនួន១.៩៥៦នាក់ ស្រី១.០៨០នាក់ ដែលមាន ១៦សញ្ជាតិផ្សេងគ្នា ភ្ញៀវទេសចរណ៌ភាគច្រើនមានវ័យចំណាស់ ហើយភ្ញៀវដែលមានសញ្ចាតិច្រើនជាងគេមានគឺអូស្ត្រាលីចំនួន១.៧៧២នាក់ Nwzealand ៧3នាក់ អង់គ្លេសចំនួន៧២នាក់ និងអាមេរិក១២នាក់ ក្រៅពីនោះមានសញ្ជាតិផ្សេងៗទៀត។ 
លោក ស៊ាង ឡេង ប្រធានប៉ុស្តិ៍នគរបាលច្រកទ្វារកំពង់ផែអន្តរជាតិ ក្រុងព្រះសីហនុបានឲ្យដឹងថា នៅពេលដែលមាននាវាទេសចរណ៍បរទេសចូលមកម្តងៗ យើងបានជួយសម្រួលក្នុងការធ្វើដំណើររបស់ភ្ញៀវទេសចរណ៌ ដោយយើងបានឡើងម៉ារីនទៅពង់សេរ៉ូ ដែលមានចង្ងាយ៣គីឡូម៉ែត្រពីដីគោក ទម្រាំនាវាចូលមកដល់ផែយើងបានបំពេញបែបបទបោះត្រាជូនភ្ញៀវបានច្រើនដោយមិនមានការកកស្ទះ ធ្វើឲ្យភ្ញៀវមានពេលវេលាវែង ក្នុងការទៅទស្សនានៅរមណីយដ្ឋានវប្បធម៌ប្រវត្តិសាស្ត្រ
ដូចជាព្រះបរមរាជវាំង សារមន្ទីរជាតិ វត្តភ្នំក្នុងរាជធានីភ្នំពេញ និងទៅកម្សាន្តនៅប្រាសាទអង្គរ ខេត្តសៀមរាប ក៏ដូចជារមណីយដ្ឋាននានាក្នុងខេត្តព្រះសីហនុផងដែរ ដើម្បីឲ្យភ្ញៀវអាចវិលត្រឡប់មកទាន់ពេលវេលា នេះជាការផ្តល់ជំនឿទុកចិត្តឲ្យភ្ញៀវចង់មកលេងកម្សាន្តនៅកម្ពុជាម្តងហើយ ម្តងទៀតនោះ ។រាជរដ្ឋាភិបាលកម្ពុជាបានបើកចំហរជើងមេឃ ជើងអាកាស និងជើងទឹករបស់សម្តេចតេជោ ហ៊ុនសែន នារយករដ្ឋមន្ត្រីនៃព្រះរាជាណាចក្រកម្ពុជាដើម្បីទាក់ទាញភ្ញៀវទេសចរណ៌
មកលេងកម្ពុជាកាន់តែច្រើនឡើង ។ សមសត្ថកិច្ចប៉ូលីសខិតខំសម្រូលធ្វើយ៉ាងណាអោយភ្ញៀវពេញចិត្តមកកំសាន្តប្រទេសកម្ពុជាម្តងហើយ និងមកម្តងទៀត ។ គួរបញ្ជាក់ថា នាវា SEA PRINCESS កាលពីខែកក្កដា ឆ្នាំ២០១៤ម្តងហើយ ដែលមានភ្ញៀវទេសចរណ៌ចំរុះជាតិសាសន៌ចំនួន ១៩៦៦នាក់ ភាគច្រើនជាជនជាតិអូស្រា្កលី ៕ ដោយ ប៊ុនរិទ្ធី
