ចំនួនប្រជាជនដែលគាំទ្រទៅលើ គណៈរដ្ឋមន្ដ្រីថ្មីដែលដឹកនាំដោយនាយក រដ្ឋមន្ដ្រីស៊ីនហ្សូ អាបេ កើនឡើងខ្ពស់ ក្រោយការកែទម្រង់គណៈរដ្ឋមន្ដ្រីកាល ពីថ្ងៃទី៣ ខែកញ្ញា ។ នៅក្នុងលទ្ធផល ស្រាវជ្រាវនៅខែសីហា មានពលរដ្ឋ គាំទ្ររដ្ឋាភិបាលជប៉ុនតែ៤៩,៨ភាគរយ ប៉ុណ្ណោះ តែពេលនេះកើនឡើងដល់ ៥៤,៩ភាគរយ ។ 
ការស្រាវជ្រាវរបស់បណ្ដាញព័ត៌ មានក្យូដូ ដោយសាកសួរប្រជាពលរដ្ឋ ជប៉ុនតាមរយៈប្រព័ន្ធទូរស័ព្ទកាលពីថ្ងៃទី ៣ និងថ្ងៃទី៤ ខែកញ្ញា នៅគ្រប់ទិសទី ទូទាំងប្រទេសបង្ហាញឱ្យឃើញថា ក្រោយ ការរុះរើកែទម្រង់គណៈរដ្ឋមន្ដ្រីដោយ ផ្ដល់តំណែងរដ្ឋមន្ដ្រីសំខាន់ៗដល់ស្ដ្រី៥ រូបធ្វើឱ្យពលរដ្ឋបង្ហាញការពេញចិត្ដ យ៉ាងខ្លាំងទៅនឹងសកម្មភាពទាំងនោះ ។
ជាមួយនឹងការគាំទ្រទាំងនោះ រដ្ឋាភិ បាលជប៉ុនក្រោមការដឹកនាំរបស់លោក ស៊ីនហ្សូ អាបេ នឹងធ្វើឱ្យសេដ្ឋកិច្ចជប៉ុន កាន់តែរីកចម្រើនឆ្ពោះទៅមុខ ។ មួយ វិញទៀត លោកស៊ីនហ្សូ អាបេ នឹងក្លាយ ជាប្រមុខដឹកនាំជប៉ុនបន្ដទៀត ដោយ សារតែលោកអនុវត្ដគោលនយោបាយ កែទម្រង់ និងទស្សនៈជាតិនិយមរបស់ លោកធ្វើឱ្យពលរដ្ឋពេញចិត្ដយ៉ាងខ្លាំង ។
