កំពង់ឆ្នាំង៖ យុវជនម្នាក់បានរងរបួសធ្ងន់ ត្រូវបានគេដឹកយកមកសង្គ្រោះនៅមន្ទីរពេទ្យខេត្តកំពង់ឆ្នាំង ដោយសារក្រឡាប់គោយន្តកន្រៃ្ត កាលពីវេលាម៉ោង ១២ និង៣០នាទីថ្ងៃត្រង់ថ្ងៃទី០៤ខែកញ្ញា ឆ្នាំ២០១៤ នៅតាមផ្លូវលំ ទៅរមណីដ្ឋាន ទឹកធ្លាក់ច្រកល្អៀង ស្ថិតក្នុងភូមិបំណក់ ឃុំឈើតុំ
ស្រុកក្រគរ ខេត្តពោធិ សាត់ ខណៈដែលជនរងគ្រោះ និងមិត្តភក្រ័ផ្សេងទៀតក៏បានរងរបួសស្រាលជាច្រើននាក់ផងដែរ នៅពេលនាំគ្នាជិៈគោយន្ត ទៅកំសាន្តនៅរមណីដ្ឋាននោះ ។
តាមក្រុមគ្រួសារជនរងគ្រោះបាននិយាយថាៈជនរងគ្រោះ មានឈ្មោះ ឯក សុទ្ឋា អាយុ២២ឆ្នាំមានទៅលំនៅ ភូមិជំទាវបុត្រី ឃុំផ្សារ ស្រុកបរិបូរណ៏ ខេត្តកំពង់ឆ្នាំង ។ ប្រភពដែលបានបន្តថា មុនពេល កើត ជនរងគ្រោះ បានជិៈគោយន្ត របស់ឈ្មោះ ឌុច គាលី នៅភូមិ ឃុំជាមួយគ្នា រួមដំណើរជាមួយមិត្តភក្រ័ ជាង១០នាក់ទៀត ដើម្បីធ្វើដំណើរទៅលេង នៅរមណីដ្ឋាន ច្រកល្អៀង ឬហៅថា “យ៉ោក” ។ពេលធ្វើដំណើរទៅដល់កន្លែងកើតហេតុ ដែលនៅចម្ងាយជាង១៥គីឡូម៉ែត្រ ពី រមណីដ្ឋានស្រាប់តែគោយន្តនោះបានក្រឡាប់ធ្លាក់ចូលប្រឡាយទឹកតែម្តង បណ្តាលអោយជនរងគ្រោះបានរងរបួសសធ្ងន់ ចំណែក អ្នក ផ្សេងទៀត បានរងរបួសស្រាលព្រោះខ្លះបានហក់ផុត ខ្លះមិនហក់ចេញពីគោយន្ត ប៉ុន្តែអ្នករងរបួស ស្រាលទាំងនោះ មិនបានមកសម្រាកនៅមន្ទីរពេទ្យនោះទេ ។
ប្រភពដដែលបានបន្តថាមូលហេតុដែលនាំបណ្តាលអោយគោយន្តក្រឡាប់គឺបណ្តាលមកពី អ្នកបើកគោយន្ត បើកលឿន លុះដល់ផ្លូវកោងបត់ស្តាំ តែបត់មិនរួចព្រោះតែលឿនពេកក៏ជ្រុលធ្លាក់ប្រឡាយក្រឡាប់តែម្តង ។ ដោយសារតែអ្នភូមិជាមួយគ្នា រវាងជនរងគ្រោះ និងម្ចាស់គោយន្តកន្ត្រៃ គឺមិនបានប្តឹងផ្តាល់គ្នាទេ តែភាគីម្ចាស់គោយន្តព្រមចេញសំណងដល់ជនរងគ្រោះក្នុងការព្យាបាលជម្ងឺក្នុងមន្ទីរពេទ្យខេត្តកំពង់ឆ្នាំង ដើម្បីកុំអោយមានការប្តឹងផ្តល់៕
