ភ្នំពេញ ៖ ចោរឆក់ទូរស័ព្ទដៃ ២នាក់ ត្រូវបានប្រជាពលរដ្ឋនិងសមត្ថកិច្ច ជិះម៉ូតូដេញតាមទាន់ ឃាត់ខ្លួន បានម្នាក់និងម្នាក់រត់គេចខ្លួនបាត់ស្រមោល ក្រោយពីធ្វើសកម្មភាព ឆក់ទូរស័ព្ទដៃ បាន សម្រេច នៅចំណុចផ្សាររាត្រី ក្នុងសង្កាត់វត្តភ្នំ ខណ្ឌដូនពេញ ។
ចោរឆក់ខាងលើនេះត្រូវបានឃាត់ខ្លួន កាលពីវេលាម៉ោង១០និង២០នាទីយប់ ឈានចូលថ្ងៃទី០៥ ខែកញ្ញា ឆ្នាំ២០១៤ នៅក្បែរថ្នល់រទះភ្លើង ក្នុងសង្កាត់បឹកកក់១ ខណ្ឌទួលគោក រាជធានី ភ្នំពេញ។ សមត្ថកិច្ចនគរបាលមួយរូបបានឲ្យដឹងថា ជនសង្ស័យឆក់កាបូប ២នាក់ ត្រូវបានឃាត់ខ្លួន បាននិង ម៉ូតូមួយគ្រឿងម៉ាក ហុងដាឌ្រឹមសងសេ១២៥ ពណ៌ ខ្មៅ មិនមានស្លាកលេខ ខណៈពេល ពួកគេធ្វើ សកម្ម ភាពឆក់ទូរស័ព្ទដៃពីជនរងគ្រោះ នៅចំណុចផ្សាររាត្រី តាមបណ្ដោយ វិថីព្រះស៊ីសុវត្ថិ ក្នុងសង្កត់វត្តភ្នំ បានសម្រេច ក៏ជិះម៉ូតូគេចខ្លួន ប៉ុន្តែត្រូវប្រជាពលរដ្ឋ ឃើញ ហេតុការណ៍ជិះម៉ូតូដេញតាមទាន់រហូតចូលមកដល់ខណ្ឌទួលគោក ក៏បានប្រទះជាមួយកម្លាំងសមត្ថកិច្ចខណ្ឌទួលគោក កំពុងជិះល្បាតតាមមូលដ្ថាន ឃើញរួកក៏ដេញបន្ត មកដល់ចំណុច ក្បែរថ្នល់រទះភ្លើង ក្នុងសង្កាត់ បឹកកក់១ ខណ្ឌទួលគោក ក៏សមត្ថកិច្ចឃាត់ខ្លួនភា្លមៗបានម្នាក់និងម្នាក់ទៀតរត់គេចខ្លួនបាត់តែម្តង។ សមត្ថកិច្ចជនសង្ស័យឈ្មោះកែវ រដ្ធា អាយុ១៨ ឆ្នាំ មុខរបរមិនពិតប្រាកដ ស្នាក់នៅផ្ទះជួលនៅបឹងកក់ សង្កាត់ស្រះចក ខណ្ឌ ដូនពេញ ដែលជនសង្ស័យនេះទើបតែចេញពីព្រៃសរបានមួយខែប៉ុណ្ណោះ ។
បន្ទាប់ពីកើតហេតុសមត្ថកិច្ចបាននាំខ្លួនជនសង្ស័យខាងលើយក ទៅធ្វើការសាកសួរនៅប៉ុស្លិ៏នគរបាល បឹងកក់១ ខណ្ឌទួលគោក សិនរួចក៏ បញ្ចូនបន្តទៅឲ្យសមត្ថកិច្ចខណ្ឌ ដូនពេញ ដែលជាកន្លែងកើតហេតុ ដំបូង ដើម្បី កសាងសំណុំរឿងបញ្ចូនទៅសាលាដំបូងរាជធានីភ្នំពេញ ក្រោយពីទទួលពាក្យបណ្តឹង របស់ជនរងគ្រោះ៕
