កំពង់ស្ពឺ=មជ្ឈមណ្ឌលសេវាសង្គមហៅអ៊ីវ៉ា(ewha)គាំទ្រគំរោងដោយ(koica)បាននាំយកផ្ទាំងរូបភាពនិងសៀវភៅអប់រំអារហារបំប៉ន៦មុខសំខាន់ផ្តោតលើការការពារប៉ារាស៊ីត អាហារពុល អនាម័យអាហារ របៀបដុសសំអាតធ្មេញ និងលាងដៃ សម្អាត ជាដើម ជួនដល់សាលាបឋមសិក្សាអនុវិទ្យាល័យនិងវិទ្យាល័យចំនួន៦១ សាលា។
ដែលពិធីអប់រំនិងផ្សព្វផ្សាយនេះប្រព្រឹត្តទៅនៅសាលាបឋមសិក្សាស្រង់ស្ថិតនៅក្នុង ឃុំស្រង់ ស្រុកគងពិសី ខេត្តកំពង់ស្ពឺ ក្នុងគោលបំណង ពង្រឹងសម្ថភាពផ្នែកថែរក្សាសុខភាពដល់សិស្សានុសិស្សដែលមិនទាន់យល់អំពីអនាមយ័សុខភាព។ ផ្អែកតាមរបាយការណ៏ របស់លោកនាយយកបានឲ្យដឹងថាសិស្សដែលបានមកចូលរួមនាថ្ងៃនេះមានទាំងអស់១៧៣.៨៤៩នាក់ដែលកំពុងសិក្សាទាំងបីភូមិសិក្សាដែលមានសិស្សសរុប១៧៣.៨៤៩នាក់។
លោក ជា សារុំ ប្រធានការិយាល័យអប់រំយុវជននិងកីឡាស្រុកគងពិសី បានសម្ដែងនូវការដឹងគុណយ៉ាងជ្រាលជ្រៅចំពោះកញ្ញា ស៊ូ សុង អានាយិការ មឈ្ឍមណ្ឌលសេវាសង្គមអ៊ីវ៉ា(ewha)ដែលបានសហការជាដៃគួរអភិវឌ្ឍន៍ផ្នែកសុខភាពអនាម័យដល់កុមារក្នុងស្រុកគងពិសី។ជាក់ស្ដែងថ្ងៃនេះកញ្ញាតំណាងអោយមឈ្ឈមណ្ឌលសេវាសង្គមអ៊ីវ៉ាបាននាំមកនូវផ្ទាំងរូបភាពអប់រំផ្នែកសុខភាពអនាម័យទំហំ១ម៉ែត្រកន្លះគុណនិង២ម៉ែត្រទាក់ទងនិងការអប់រំលើចំណីអាហារមានថាមពលការពារប៉ារ៉ាស៊ីតនិងអាហារពុលចំនួន៤៨១ផ្ទាំងនិងសៀវភៅអប់រំផ្នែកសុខភាពជួនដល់នាយកនិងនាយិការទាំង៦១សាលាសំដៅលើកកម្ពស់សម្ថភាពគ្រូនិងសិស្សស្របតាមគោលនយោបាយ កែទម្រង់ស៊ីជម្រៅរបស់ក្រសួងអប់រំអោយប្រតិបត្តិនៅគ្រប់ភូមិសិក្សា។
កញ្ញាស៊ូ សុង ក៏បានសម្ដែងនូវអំណរសាទយ៉ាងក្លាវក្លាចំពោះលោកគ្រូ អ្នកគ្រូដែលបានបង្រៀនដល់កុមារទាំងអក្សរសាស្ត្រនិងអប់រំតាមរយៈផ្ទាំងរូបភាពដោយកញ្ញាគិតថាកុមារជាទូទៅចូលចិត្តមើលរូបភាពច្រើនជាងអានអក្សរដូច្នេះបានជាមឈ្ឈមណ្ឌលសេវាសង្គមអ៊ីវ៉ា(ewha)បានរៀបចំផ្ទាំងរូបភាពបញ្ចូលប្រធានបទច្រើនក្នុងផ្ទាំងរូបភាពតែមួយគឺមានអត្ថប្រយោជន៍ល្អជាងនិង ធ្វើអោយលោកគ្រូ អ្នកគ្រូនិង សិស្សានុសិស្សមានភាពងាយស្រួលក្នុងការ បង្រៀននិងរៀន។
នាឪកាសនោះលោក ឆឹង ស៊ីនឿន នាយកអនុវិទ្យាល័យសុវណ្ណគីរី តំណាងអោយនាយកនាយិការទាំង៣ភូមិសិក្សាប្ដេជ្ញាផ្សព្វផ្សាយបញ្ជ្រាបផ្នែកអារហាររូបត្តមនេះជួនដល់កុមារទាំងអស់អោយមានសុខភាពល្អស្របតាមពាក្យស្លោក កូនល្អ សិស្សល្អ មិត្តល្អ និង សុខភាពល្អប្រែក្លាយការចេះដឹងទាំងនេះជាទំពាំងស្នងឬស្សីសម្រាប់ការអភិវឌ្ឍន៍ដល់សង្គមជាតិ។
មជ្ឍមណ្ឌល អ៊ីវ៉ា(ewha) បានបើកយុទ្ធនាការបញ្ជ្រាប ផ្នែកសុខភាពទាំងសិស្សនិងពលរដ្ឋ ដោយបច្ចុប្បន្នបញ្ហាកង្វះខាតខាងអនាមយ័ នៅមានកំរិត ទាក់ទងនិងសុខភាពដូចជា អនាមយ័ការរស់នៅ អនាមយ័ចំណីអាហារ អនាមយ័ខ្លួនប្រាណ រួមទាំងចំណេះដឹង សុខភាព មាតានិងទារក ។
គោលបំណងរបស់មជ្ឈមណ្ឌលសេវាសង្គមអ៊ីវ៉ា(ewha)គាំទ្រគំរោងដោយ(koica)ក្នុងឆ្នាំនេះសំខាន់ផ្តល់សៀវភៅ និងបដា ដល់សាលានិមួយៗផ្នែកលើកកម្ពស់ចំណេះដឹង ការថែទាំ សុខភាព អនាមយ័ របស់កុមារ កាន់តែប្រសើឡើង ៕
