កំពង់ឆ្នាំង៖យុវជនស្ម័គចិត្តសាខាកាកបាទក្រហមខេត្តកំពង់ឆ្នាំង១ក្រុមនៅវេលាម៉ោង៤និង០៥នាទីល្ងាច ថ្ងៃទី០៥ ខែកញ្ញា ឆ្នាំ២០១៤នេះ បានបន្តសហការជាមួយសមត្ថកិច្ចនគរបាលចរាចរណ៍ខេត្ត ធ្វើការចែកចាយខិតបណ្ណ័រាប់រយសន្លឹកបន្ថែមទៀត អប់រំអំពីសុវត្ថិភាពចរាចរណ៍ផ្លូវគោក ដើម្បីពង្រឹងការគោរព ច្បា ប់ចរាចរណ៍ ក្រោមប្រធានបទ ការបើកបរក្រោមឥទ្ធិពលនៃគ្រឿងស្រវឹង និងការបើកបរមិនពាក់មួកសុវត្តិ ភាព ដើម្បីរួមចំណែកជាមួយប្រមុខរាជរដ្ឋាភិបាល ក្នុងការកាត់បន្ថយគ្រោះថ្នាក់ចរាចរណ៍ផ្លូវគោក ដែល ការចែកចាយខិតបណ្ណ័នេះបានធ្វើឡើងនៅចំណុចវង្វង់មូលវិមានឯករាជ្យ ក្នុងក្រុងកំពង់ឆ្នាំង។
លោក ប្រាក់ សោភ័ណ្ឌ នាយកសាខាកាកបាទក្រហមកម្ពុជាខេត្តកំពង់ឆ្នាំងបានអោយដឹងថា៖កន្លងមកថ្មីៗនេះសាខាកាកបាទក្រហមខេត្តបានបើកវគ្គបណ្តុះបណ្តាល២វគ្គ រយៈពេល២ថ្ងៃជូនដល់មហាជន និងយុវជនកាកបាទក្រហមស្ម័គ្រចិត្ត២ក្រុម ក្រោមប្រធានបទការបើកបរក្រោមឥទ្ធិពលនៃគ្រឿងស្រវឹង និងការមិនពាក់មួកសុវត្តិភាព ដើម្បីចូលរួមសហការជាមួយនគរបាលចរាចរណ៍ ចែកចាយនូវខិតបណ្ណ័អប់រំការរឹតបន្តឹងការគោរពច្បាប់ចរាចរណ៍ ដល់អ្នកប្រើប្រាស់ផ្លូវទាំងអស់អោយយល់ពីហានិភ័យ ព្រោះជារៀងរាល់ថ្ងៃនៅតែមានមនុស្សស្លាប់និងរបួសដោយសារតែកត្តាមនុស្សដដែល។
នៅល្ងាចថ្ងៃទី០៥ ខែកញ្ញា ឆ្នាំ២០១៤ លោក ប្រាក់ សោភ័ណ្ឌ និងលោក អៀ ប៊ុនធឿន បានដឹកនាំយុវជនស្ម័គចិត្តកាកាបាទក្រហមមួយក្រុម សហការជាមួយសមត្ថកិច្ចនគរបាលចរាចរណ៍ផ្លូវគោកខេត្ត ធ្វើការចែកចាយខិតបណ្ណ័អប់រំច្បាប់ចរាចរណ៍អស់រាប់រយសន្លឹក ដល់អ្នកបើកបរយានយន្តគ្រប់ប្រភេទរាប់រយនាក់ នៅចំណុចវង្វង់មូលវិមានឯករាជ្យក្នុងក្រុងកំពង់ឆ្នាំងជាបន្តទៀត។ 
លោក អៀរ ប៊ុនធឿន នាយការិយាល័យចរាចរណ៍ផ្លូវគោគខេត្តបានអោយដឹងថា៖ការចែកខិតបណ្ណ័អប់រំច្បាប់ចរាចរណ៍ដល់អ្នកបើកបរយានយន្តគ្រប់ប្រភេទ នៅក្នុងប្រធានបទខាងលើរបស់យុវជនស្ម័គ្រសាខាកាកបាទក្រហមខេត្ត គឺជាថ្ងៃបញ្ចប់ហើយនៅ ក្នុងទីក្រុងកំពង់ឆ្នាំង និងតាមទីប្រជុំតាមស្រុកមួយចំនួនទៀត ហើយសកម្មភាពនេះគឺដើម្បីរួមចំណែកក្នុងការរឹតបណ្តឹងច្បាប់ចរាចរណ៍ និងរួមគ្នាកាត់បន្ថយ ការស្លាប់និងរបួសជារៀងរាល់ថ្ងៃ ដោយសារតែការបើកបរមិនគោរពច្បាប់។
លោក ឈួរ ចន្ទ័ឌឿន អភិបាលខេត្ត និងជាប្រធានគណៈកម្មាធិការដឹកនាំនិងបញ្ជារការត្រួតពិនិត្យ ការរឹតបន្តឹងច្បាប់ចរាចរណ៍ខេត្តកំពង់ឆ្នាំង បានអំពាវនាវដល់អ្នកប្រើប្រាស់ផ្លូវទាំងអស់ ត្រូវតែចូលរួម គោរពច្បាប់ចរាចរណ៍អោយបានទាំងអស់គ្នាជាដាច់ខាត ទើបអាចកាត់បន្ថយបាននូវការស្លាប់ និងរបួស ដោយសារគ្រោះថ្នាក់ចរាចរណ៍។
ក្នុងនោះដែរសមត្ថកិច្ចនគរបាលចរាចរណ៍ផ្លូវគោកខេត្ត ត្រូវតែអនុវត្តន៍ អោយបានជាប្រចាំ ក្នុងការរឹតបន្តឹងច្បាប់ចរាចរណ៍ដោយ ត្រូវធ្វើការផាកពិន័យអោយបានម៉ឺងម៉ាត់ ពិសេ សអ្នកបើកបរក្រោមឥទ្ធិពលនៃគ្រឿងស្រវឹង និងអ្នកមិនពាក់មួកសុវត្តិភាព ទើបអាចកាត់បន្ថយបាន គ្រោះថ្នាក់ចរាចរណ៍ដែលកើតមានជារៀងរាល់ថ្ងៃនៅក្នុងខេត្តកំពង់ឆ្នាំងបាន
