ភ្នំពេញ៖ ម៉ូតូពីរគ្រឿងដែរជិះ ល្បឿនលឿនដូចគ្នាហើយក្នុងទិសដៅបញ្ច្រាស់ផ្លូវគ្នានោះ ក៏ជ្រុលបុកគ្នាយ៉ាងពេញទំហឹង លាន់ដូនរន្ទះ បណ្តាលឲ្យបុរស ម្នាក់ស្លាប់ភ្លាមៗនៅកន្លែងហេតុ ហើយនិងរបួស ស្រាលបួននាក់ទៀត កាលពីម៉ោងជិត១០យប់ថ្ងៃទី ០៨ ខែកញ្ញា ឆ្នាំ២០១៤ នៅចំណុច
ស្តុបរោងកុន លុចតាមបណ្តោយផ្លូវ ព្រះនរោត្តម កែងនិងផ្លូវលេខ ១៥៤ ស្ថិតក្នុងសង្កាត់ផ្សារថ្មី៣ ខណ្ឌ ដូនពេញ ។
ប្រភពព័ត៌មាននៅកន្លែងកើតហេតុបានឱ្យដឹងថា នៅមុនពេលកើតហេតុគេឃើញម៉ូតូម៉ាកគ្រីសអង្គរ ពណ៌ក្រហម ពាក់ស្លាកលេខ ភ្នំពេញ1AI-9329 ជិះដោយបុរសម្នាក់និងរួមដំណើរជាមួយបុរសពីរនាក់ទៀត បានដំណើរ តាម បណ្តោយផ្លូវព្រះនរោត្តម ក្នុងទិសដៅពីជើងទៅត្បូង ខណៈមកដល់ចំណុចកើតនៅស្តុបរោងកុនលុច ពួកគេក៏ជិះម៉ូតូ បត់ឆ្វេងទៅផ្លូវលេខ ១៥៤ស្រាប់តែមាន ម៉ូតូមួយគ្រឿងទៀតម៉ាក ស៊ុយសូគី វាវ៉ា ពណ៌ខ្មៅ ពាក់ស្លាកលេខក្រចេះ 1L-1220 ដែរជិះដោយបុរសម្នាក់និងដឹកបុរសម្នាក់ទៀតក្នុងល្បឿនយ៉ាងលឿនដូចហោះពីទិសដៅ បញ្ច្រាសគ្នាជាមួយ ម៉ូតូម៉ាកគ្រីស អង្គរ ក៏ជ្រុលបុកគ្នាចំពីមុខយ៉ាងពេញទំហឹង បណ្តាលឲ្យអ្នកជិះម៉ូតូស៊ុយសូគី វាវ៉ា បោកក្បាលស្លាប់ម្នាក់ និងរងរបួសស្រាល់ម្នាក់ ហើយចំណែកឯអ្នកជិះម៉ូតូ គ្រីស អង្គរ វិញបានរងរបួសស្រាល៣នាក់ តែក្នុងការណ៏នោះ ម្ចាស់ម៉ូតូគ្រីស អង្គរ ព្យាយាម រត់ចោលម៉ូតូរបស់ពួកគេ ក៏ត្រូវបានប្រជាពលរដ្ធដេញចាប់បានមកវិញនិង ហើយប្រគល់ឲ្យសមត្ថកិច្ចជាអ្នកដោះស្រាយ ។
សមត្ថកិច្ចបានឲ្យ ដឹងដែលថា ក្នុងឧប្បទ្ទវហេតុនោះអ្នកបើកបរម៉ូតូស៊ុយសូគី វាវ៉ា ដែលស្លាប់មានឈ្មោះននួ មូរី អាយុ២៧ មុខរបរសន្តិសុខ ស្នាក់នៅសង្កាត់ផ្សារថ្មី ២ ខណ្ឌដូនពេញ។ បន្ទាប់ពីកើតហេតុសមត្ថកិច្ចបានប្រគល់ សាកសពជូនទៅក្រុមគ្រួសារយកទៅធ្វើបុណ្យតាមប្រពៃណីហើយចំណែកម៉ូតូទាំងពីរគ្រឿងវិញ ត្រូវនគរបាល ចរាចរចុះអន្តរាគមន៍វាស់វែងយកទៅរក្សាទុកនៅការិយាល័យនគរបាលចរាចររាជធានីដើម្បីដោះស្រាយគ្នាតាមច្បាប់។ គួរបញ្ចាក់ថាគ្រោះថ្នាក់ចរាចរបានធ្វើឲ្យបាត់បង់ជីវិតមនុស្សនិងទ្រព្យសម្បត្តិជាច្រើនហើយមូលហេតុសំខាន់ៗនៃការគ្រោះថ្នាក់នេះគឺបណ្តាលពីការបើកបរលើសល្បឿនកំណត់ ការមិនប្រកាន់សិទ្ធិអទិភាពស្រវឺងការប្រជែងគ្នា ព្រមទាំងកត្តាផ្សេងៗទៀតនិងភាគច្រើនកើតឡើងលើអ្នកបើកបរទោចក្រយានយន្តមិនគោរពច្បាប់ចរាចរ ៕
