នាយករដ្ឋមន្ត្រីម៉ាឡេស៊ី លោក ណាជីប រ៉ាហ្សាក់ បាននិយាយ ថា លោកបានទទួលរបាយការណ៍សម្ងាត់ ដែលជាភស្តុតាងពិតប្រាកដ អំពីអ្វីដែលបានកើតឡើងចំពោះយន្តហោះដឹកអ្នកដំណើរម៉ាឡេស៊ី MH17 ដែលត្រូវបានគេបាញ់ទម្លាក់នៅអ៊ុយក្រែន។ សារព័ត៌មានជប៉ុន ក្យូដូុ ចេញផ្សាយនៅថ្ងៃសៅរ៍ ទី០៦ ខែកញ្ញា ឆ្នាំ២០១៤ ដោយផ្អែកតាមការលើកឡើងរបស់លោក រ៉ាហ្សាក់ ក្រោយកិច្ចប្រជុំទ្វេភាគីជាមួយនាយករដ្ឋមន្ត្រីអូស្ត្រាលីលោក តូនី អាប់ប៊ុតថា «របាយការណ៍ស៊ើបការណ៍សម្ងាត់គឺមានការសន្និដ្ឋានបញ្ចប់ពិតប្រាកដ។ ប៉ុន្ដែអ្វីដែលយើងត្រូវធ្វើបន្ទាប់ទៀតគឺការប្រមូលភស្តុតាងផ្នែករូបសាស្ត្រ ដែលអាចនាំទៅតុលាការនៅពេលដែលពេលវេលាដែលបានភ្ជាប់មក ដូច្នេះនឹងត្រូវបានបង្ហាញឱ្យឃើញពីការសង្ស័យណាមួយដែលយន្តហោះនេះត្រូវបានបាញ់ទម្លាក់»។
លោកបន្ថែមថា ក្រុមស៊ើបអង្កេតចាំបាច់ត្រូវទៅកន្លែងធ្លាក់ជាថ្មីទៀត យ៉ាងហោចណាស់ ក៏ប៉ុន្មានសប្តាហ៍ដែរ ដើម្បីប្រមូលភស្តុតាង និងស្វែងរកជនរងគ្រោះបន្ថែម ឲ្យបានមុនរដូវរងារចូលមកដល់។
សូមបញ្ជាក់ផងដែរថា យន្តហោះដឹកអ្នកដំណើរ MH17 របស់អាកាសចរណ៍ម៉ាឡេស៊ី ដែលធ្វើដំណើរចេញពីអាកាសយានដ្ឋាន អាំស្ទែរដាំ ប្រទេស ហូឡង់ ឆ្ពៅទៅអាកាសយានដ្ឋាន កូឡាឡាំពួរប្រទេសម៉ាឡេស៊ី ត្រូវបានមីស៊ីលបាញ់ទម្លាក់កាលពីថ្ងៃទី១៧ ខែកក្កដា ខណៈធ្វើដំណើរមកដល់ដែនអាកាសភាគខាតកើត អ៊ុយក្រែន គឺនៅតំបន់ ដូណេក ដែលគ្រប់គ្រងដោយក្រុម បំបែករដ្ឋគាំទ្រប្រទេសរុស្ស៊ី បណ្តាលឲ្យអ្នកនៅលើនោះទាំង ២៩៨នាក់ស្លាប់ទាំងអស់៕ដោយផន សុខជាតិ
