ក្រុងប៉ោយប៉ែត៖ ក្រុមអាជីវកលក់សារុងចំនួន៣នាក់ និងតៃកុងរថយន្តតាក់ស៊ីម្នាក់ទៀត ត្រូវប៉ូលិសឃាត់ខ្លួនដោយចោទពីបទនាំទំនិញគេចពន្ធ ហើយបញ្ជូនទាំងវុត្ថុតាងទាំងមនុស្សទៅតុលាការយកស្នាដៃជូនអង្គភាពនាពេលខាងមុខនេះ។
ក្នុងហេតុកាខាងលើនោះ គឺកើតមាននៅក្នុងម៉ោង៩ ៣០នាទីយប់ ថ្ងៃទី៦ ខែកញ្ញា ឆ្នាំ២០១៤ នៅចំណុចរង្វង់មូលថ្មគោល ស្រុកថ្មគោល ខេត្តបាត់ដំបង តាមបណ្តោយផ្លូវជាតិលេខ៥ ពីបន្ទាយមានជ័យ ទៅភ្នំពេញ ខណះដែលមានរថយន្តម៉ាក ហាយលេនដ័រ ពណ័ស ១គ្រឿង បានដឹកសារុង និងសំពត់ស្រីៗចំនួន៥ការុង ចេញពីក្រុងប៉ោយប៉ែត ឆ្ពោះទៅភ្នំពេញ បន្ទាប់មកក៏ត្រូវមន្ត្រីប៉ូលិសសេដ្ឋកិច្ច ខេត្តបន្ទាយមានជ័យ សហការជាមួយប៉េអឹមស្រុកថ្មគោល ខេត្តបាត់ដំបង ដេញចាប់បានរួចបញ្ជូនមកខេត្តបន្ទាយមានជ័យ ចាត់ការតាមប្រពន្ធ័តុលាការតែម្តងទៅ។
តាមការបំភ្លឺរបស់ម្ចាស់ទំនិញខាងលើដែលមានឈ្មោះស្រីធំ ឈ្មោះមុល និងអុំស្រីម្នាក់ទៀត ដែលជាអាជីវកលក់ខោអាវនៅផ្សារបឹងកេងកង ខណ្ឌទួលគោក រាជធានីភ្នំពេញបានអោយដឹងថា ពួកខ្លួនបានទិញសារុង ចំនួន២ការុង និងសំពត់ខ្លីរបស់ស្រីៗ ចំនួន៣បេតូចៗ បន្ថែមទៀតចេញពីផ្សារ រុងគ្លឿប្រទេសថៃ រួចដឹកមកតាមរថយន្តតាក់ស៊ី ចេញពីក្រុងប៉ោយប៉ែត ទៅភ្នំពេញ លុះមកដល់ចំណុចរង្វង់មូលស្រុកថ្មគោល ស្រាប់តែមានប៉េអឹមស្ទាក់ចាប់តែម្តង ជនរងគ្រោះបន្តទៀតថា កាត់មក
តាមផ្លូវបង់ជូនលោកគយរដ្ឋាកររហូតគ្មានខ្វះកន្លែងណានោះទេ ប៉ុន្តែអស់លោកប៉ូលិសសេដ្ឋកិច្ច របស់ស្នងការខេត្តទំនងជាស៊ីលុយគេមិនស្រួល រួចក៏សហការជាមួយ ស្រុកថ្មគោល ចាប់ពួកគាត់តែម្តងទៅ ដោយឡែកមតិមហាជន ដែលគេឃើញហេតុការនេះបាននិរាសកថា មានទំនិញល្មើសច្បាប់លួចឆ្លងដែនរាប់មិនអស់ ចុះហេតុអ្វីបានជាគេរួចខ្លួនយ៉ាងរំភើយរាល់ថ្ងៃ
យ៉ាងដូចឆ្នេះ ចុះហេតុអ្វីបានជាគេមិននាំគ្នាបង្គ្រាបយកស្នាដៃទៅ មកបង្គ្រាបសារុង និងសំពត់ស្រីៗធ្វើអ្វី។ មន្ត្រីប៉ូលិសរបស់ការិយាល័យសេដ្ឋកិច្ច ខេត្តបន្ទាយមានជ័យ បានបញ្ជាក់ថា ពួកខ្លួនបានសហការជាមួយប៉ូលិសសេដ្ឋកិច្ចក្រសួង ដេញចាប់រថយន្តដឹកសារុងមែន ខណះពេលនេះកំពុងកសាងសុំណុំរឿងបញ្ជូនទៅតុលាការហើយ ដោយចោទពីបទនាំទំនិញគេចពន្ធ តែម្តង៕ដោយ ប៊ុនរិទ្ធី
