កំពង់ឆ្នាំង៖ ឈើធ្នង់ជាឈើប្រណិតបច្ចុប្បន្នត្រួវបានក្រុមឈ្មួញដើរប្រមូលទិញទាំងដើមទាំងឬស នៅគ្រប់ទិសទីដោយសារតែឈើប្រភេទនេះវាមិនសូវសំបូរហើយ គឺជាឈើប្រណិតប្រភេទលេខមួយដែលកំពុងតែមានតម្លៃនៅលើទីផ្សារផងនោះ។ជាក់ស្ដែងមានគល់ធ្នង់១ដើមដែលគេគាស់
ទាំងឬសមានមុខខាងចុងប្រមាណជាជាង៦តឹក និងមានប្រវែងពីខាងចុងមកគល់ជាង៤ម៉ែត្រឈើនេះត្រូវបានឈ្មួញអង្កន់ដើមដើមនិងមែកលក់អស់ហើយ នៅសល់តែគល់និងឬសកំពុងត្រៀមដឹកចេញក្នុងពេលឆាប់ៗនេះ។
ឈើនេះស្ថិ្តនៅក្នុងភូមិអាឡែង ឃុំជ្រៃបាក់ ស្រុករលារប្អៀរ ខេត្តកំពង់ឆ្នាំង កន្លង មក នៅក្នុងភូមិឃុំខាងលើត្រូវបានឈ្មួញដើរប្រមូលទិញដឹកចេញអស់ជាច្រើនដើមមកហើយ ទាំងតូច ទាំងធំ គ្មានការបង្កាបពីសមត្ថកិច្ចម្តងណាឡើយ បើទោសជាច្បាប់បានហាមឃាត់ ចំពោះការកាប់ដើមឈើដែលមានអាយុកាលយូរអង្វែងមកហើយដោយ ក៏សមត្ថកិច្ចជំនាញមិនដែល អនុវត្តតាមឬមានវិធានការទប់ស្កាត់នោះដែរ។
ជុំវិញការដែលឈ្មួញដើរប្រមូលទិញដើមធ្នង់ខាងលើនេះ លោកនាយខណ្ឌ័រដ្ឋបាលព្រៃឈើកំពង់ឆ្នាំងធ្លាប់បានប្រាប់អ្នកយកព័ត៏មានយើងថា៖ចំពោះដើមឈើំៗ របស់ប្រជាពលរដ្ឋដែលដុះនៅតាមដីភូមិឬក្បាលស្រែរបស់ពួកគាត់គឺពួកគាត់អាចកាប់យកទៅប្រើប្រាស់បាន តែត្រូវជំរាបទៅអាជ្ញាធរមូលដ្ឋានដែលខ្លួនរស់នៅអោយបានដឹងជាមុន ដោយឡែកចំពោះឈ្មួញដែលដែលដើរប្រមូលទិញ បើចង់ដឹកចេញទៅកាន់ស្រុកផ្សេងត្រូវតែសុំច្បាប់អនុញ្ញាតិពីមន្ត្រីរដ្ឋបាលព្រៃឈើជាមុនសិន ។
តែទោះជាយ៉ាងនេះក្តីគេតែងតែសង្កេតឃើញ ក្រុមឈ្មួញដើរម្រមូលទិញ និងដឹកចេញឈើធ្នង់នេះ ជាហូហែរ ឯមន្ត្រីជំនាញខ្លះមកយកតែលុយ ធ្វើអោយប្រជាពលរដ្ឋគ្មានជំនឿលើមន្ត្រីទាំងនោះ ឡើយ មិនដឹងថាពេលណាទេទើបមន្ត្រីទាំងនោះភ្ញាក់រលឹកដឹងពីតូរនាទីរបស់ខ្លួននោះទេ ពិតជាយ៉ាប់មែនទែនហើយ ៕
