ខេត្តកណ្តាល៖ ប្រជាពលរដ្ឋជាង១០០គ្រួសារនៅភូមិឆ្នាពួន ឃុំជើងកើប ស្រុកកណ្តាលស្ទឹង នាំគ្នា ប្រតិកម្មតវ៉ាផ្តិតស្នាមមេដៃចំពោះអាជ្ញាធរឃុំ មិនព្រមស៊ីញ៉េទៅលើដីកម្មសិទ្ធរបស់គាត់ដែលលក់ទៅឲ្យអ្នករកស៊ីកាយអាចអាចម៌ដីបន្តស្របច្បាប់។ ប្រជាពលរដ្ឋបានរៀបរាប់ឲ្យដឹងថាបន្ទាប់ពីហាងឆេងដីមានភាពស្ងប់ស្ងាត់ជាច្រើនឆ្នាំកន្លងមក ដល់បច្ចុប្ប ស្រាប់តែមានអ្នករកស៊ីធ្វើអាជីវកម្មកាយអាចម៌ដីមករៀបចំទិញដីរបស់ប្រជាជនជាង១០០ គ្រួសារ
ពួកគាត់ក៏បានស្រុះស្រួលព្រមព្រាងក្នុងតម្លៃសមរម្យដែលអាចទទួល យកបានខណៈដែលពួក គាត់កំពុងមានការខ្វះខាតផងនោះ ក៏បានធ្វើកិច្ចសន្យាកក់ប្រាក់ទៅតាមទម្លាប់ដូចសព្វដងស្រាប់ តែ អាជ្ញាធរឃុំ និងអាជ្ញាធរស្រុកមិនព្រមធ្វើលិខិត្តស៊ីញ៉េ ឲ្យអ្នកទិញធ្វើអាជីវកម្មកាយអាចម៌ដីនោះទេ បណ្តាលឲ្យប្រជាជនមានការខឹងសម្បាយ៉ាងខ្លាំងទៅអាជ្ញាធរពីព្រោះកាលណាមិនព្រមស៊ីញ៉េអនុញញាតអ្នកទិញបានផ្អាកឈប់បន្តទៀតដែរ ដូច្នេះហើយបានជាគាត់នាំគ្នាតវ៉ាផ្តិតស្នាមមេដៃទៅដល់ អាជ្ញាធរស្រុកកណ្តាល ជាច្រើនខែមកហើយនៅតែមិនទាន់មានលទ្ធផលនៅឡើយ។
ប្រជាពលរដ្ឋបន្តថា នៅក្នុងទឹកដីស្រុកកណ្តាលស្ទឹងមានរណ្តៅដី រណ្តៅខ្សាច់ជិត១០០រណ្តៅ ស្ទើរតែគ្រប់ឃុំ ជាក់ស្តែងនៅភូមិឆ្មាពួននេះតែម្តង មានរណ្តៅដីដ៏ធំល្វឹងល្វើយមានជម្រៅរាប់សិបម៉ែត្រ ធ្លាយដល់ក្បាលប្រេតជាក់ស្តែងដូចជារណ្តៅរបស់លោកធា ជាកូនរបស់លោកភា ស៊ឹម អតីតមេឃុំជើង កើប កាយជីកខុសបច្ចេកទេសរកស៊ីបង្កការប៉ះពាល់ពលរដ្ឋរាល់ថ្ងៃ អាជ្ញាធរមិនខ្ចីយកភ្នែកមើលរវល់ អើពើទាល់តែសោះ ឬមួយត្រូវថ្នាំសណ្តំអស់ហើយ? ចុះហេតុអ្វីបានជាអ្នករកស៊ីមកទិញដីពីប្រជាពល រដ្ឋបន្តិចបន្តួចក៏លេចមុខមនុស្សចំនួន៣ទៅ៤នាក់ដែលមិនមានដីលក់និងគេមកហាមឃាត់តវ៉ាធ្វើឲ្យ រាំងស្ទះមកទល់សព្វថ្ងៃ ហើយអាជ្ញាធរបានលេសមិនស៊ីញ៉េធ្វើលិខិតអនុញ្ញាតឲ្យធ្វើអាជីវកម្មយ៉ាង ដូច្នេះ។
បើតាមប្រភពព័ត៌មានពីមន្ត្រីតូចតាចបំរើការងារនៅសាលាស្រុកកណ្តាលស្ទឹងបានឲ្យដឹងថា រឿងរ៉ាវខាងលើមានការតវ៉ា រហូតដល់ប្រជាជននាំគ្នាផ្តិតស្នាមមេដៃជាង១០០គ្រួសារដើម្បីសុំការអនុ ញ្ញាតការធ្វើអាជីវកម្មកាយអាចម៌ដី ហើយពួកគាត់និងបានលក់ដីស្រែ ដើម្បីយកប្រាក់ដោះស្រាយជីវភាពក្នុងគ្រួសារឆាប់ៗ ប៉ុន្តែអាជ្ញាធរមូលដ្ឋានមិនព្រមទទួលស្គាល់ស៊ីញ៉េលើលិខិតនោះឡើយ ពិសេស អាជ្ញាធរឃុំ ជើងកើបនេះតែមួយ។ ប្រភពខាងលើបន្តទៀតថា ច្បាប់អនុញ្ញាតការធ្វើអាជីវកម្មដែលកក់ប្រាក់ប្រជាជនខាងមន្ត្រីជំនាញពាក់ព័ន្ធថ្នាក់ខេត្តនិងមន្ត្រីសាលាស្រុកបានប្រជុំអនុញ្ញាតឲ្យអាជ្ញាធរធ្វើអាជីវកម្មដើម្បីឲ្យពល រដ្ឋលក់ដីស្រែគ្រាន់ដោះស្រាយជីវភាពរបស់ពួកគាត់កាលពីល្ងាចថ្ងៃទី០៥ ខែកញ្ញា ឆ្នាំ២០១៤ បាន ប្រគល់ទៅឲ្យអាជ្ញាធរភូមិ ឃុំ ធ្វើកិច្ចការនេះប៉ុន្តែមកដល់ថ្ងៃនេះមន្ត្រីឃុំមិនព្រមស៊ីញ៉េបោះត្រាទៅលើ លិខិត្តថ្នាក់លើឡើយ ដោយសន្យាពីមួយថ្ងៃទៅមួយថ្ងៃគឺមានលេសដោះស្រាយរហូត។
ជុំវិញបញ្ហាខាងលើលោកប៊ុន ចំរុង មេឃុំជើងកើបបានប្រាប់កម្ពុជាថ្មីតាមទូរស័ព្ទកាលពីព្រឹក ថ្ងៃទី០៧ ខែកញ្ញា ឆ្នាំ២០១៤ ថាលោកមិនទន់ស៊ីញ៉េបោះត្រា អនុញ្ញាតឲ្យឈ្មួញធ្វើអាជីវកម្មនៅឡើយ ទេ ដោយប្រជាពលរដ្ឋមិនទាន់ព្រមព្រាងគ្នា។ លោកមេឃុំបន្តថា មន្ត្រីថ្នាក់លើធ្វើលិខិតអនុញ្ញាតយ៉ាងណាក៏ដោយគឺលោកមិនទាន់សម្រេច ភ្លាមៗដែរ ពីព្រោះគាត់ខ្លាចមានគំនុំគំគួនធ្វើបាបដល់រូបគាត់ទៅថ្ងៃក្រោយ៕ ភាវុន
