កំពង់ឆ្នាំង៖ស្ត្រីជាប្រពន្ធម្នាក់បានរងរបួសយ៉ាងធ្ងន់ធ្ងរ ដោយសារប្តីទី២យកកាំបិតបុ័ងតោ កាប់ចំក្បាលនិងដៃជាច្រើនកាំបិត ព្រោះតែខឹងនិងនាងវាយប្រដៅកូនប្តីមុនតិចតួច និងប្រចណ្ឌ័ឃើញនាងអោបស្រុសពេលទៅបោកគក់ខោអាវនៅហាងការ៉ាអូខេ។អំពើហឹង្សានៅក្នុងគ្រួសារនេះ បានកើតឡើងនៅវេលាម៉ោង៦និង៤០នាទីយប់ថ្ងៃទី០៨ ខែកញ្ញា ឆ្នាំ ២០១៤នៅស្តិតនៅក្នុងភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង។ ស្ត្រីឈ្មោះ ឈិន សារឿន អាយុ៧៣ឆ្នាំ ជាម្តាយបង្កើតស្ត្រីរងគ្រោះរស់នៅជាមួយគ្នាក្នុងផ្ទះជួលនៅក្នុងកន្លែងកើតហេតុខាងលើ បាននិយាយអោយអ្នកយកព័ត៌មានយើងដឹងថា៖កូនស្រីរបស់គាត់ឈ្មោះ ជុក សារិន អាយុ២៦ឆ្នាំមានមុខរបរដើរបោកគក់ខោអាវនិងដុសលាងចានឆ្នាំងតាមផ្ទះអោយគេ នាងមានកូនជាមួយប្តីមុន២នាក់ ប្តីទី២របស់នាងជាជនដៃដល់ឈ្មោះ ម៉ក់ ឈុនលី អាយុ៣៣ឆ្នាំមុខរបរជាកម្មករលីសែងនៅ
កំពង់ផែផ្សារក្រោម ពួកគេបានគ្នាជាប្តីប្រពន្ធជិត២ឆ្នាំមកហើយ។ មុនពេលកើតហេតុ កូនប្រុសរបស់នាងម្នាក់អាយុ៤ឆ្នាំ បានទៅឆក់យកស្លាបព្រា ពីកូនអ្នកជិតខាងម្នាក់ដែលកំពុងហូបបាយនៅបន្ទប់ជួលជិតគ្នា ពេលនាងឃើញកូននាងធ្វើបែបនេះនាងក៏បានចាប់កូនមកវាយប្រដៅតិចតូច ឃើញដូច្នេះប្តីនាងកំពុងស្រវឹងបានខឹងក៏បានទាញយកកាំបិតបុ័ងតោ មកកាប់ចំក្បាលនាងចំដៃពេលនាងរងកាំបិត រយះក្បាលនិងដៃជាច្រើនកន្លែងហូរឈាមជោគខ្លួនរបួសយា់ងធ្ងន់ធ្ងរនិងសន្លប់។
ក្រោយពេលកើតហេតុជនដៃដល់ជាប្តីបានរត់គេចខ្លួនបាត់ សមត្ថកិច្ចជាច្រើននាក់់ បាននាំគ្នាស្វែងរកចាប់ខ្លួនគេពេញក្រុងកំពង់ឆ្នាំងតែរកមិនឃើញ។ ចំណែកស្ត្រីរងគ្រោះ ត្រូវបានអ្នកជិតខាងនិងម្តាយដឹកបញ្ជូនរូបនាង មកកាន់មន្ទីរពេទ្យខេត្ត ដើម្បីអោយក្រុមគ្រូ ពេទ្យជួយសង្គ្រោះព្យាបាល។នៅក្នុងបន្ទប់លាងនិងរុំរបួស លោកនិងអ្នកគ្រូពេទ្យបាននិ យាយថា ស្ត្រីរងគ្រោះមានរបួសធ្ងន់ធ្ងរជាច្រើនកន្លែង នៅលើក្បាលនិងលើដៃ នាងមាន អាការៈសន្លប់រវើរវាយប្រហែលជារបួសលើក្បាលនាងប៉ះពាល់សរសៃប្រសាទ។ សមត្ថកិច្ចបានអោយដឹងថា៖នៅវេលាម៉ោង៨និង៣០នាទីយប់ ជនដៃដល់ឈ្មោះ ទួល មករា
ហៅម៉ក់ ឈុនលី ហៅម៉ក់ ត្រូវចាប់ខ្លួនបាននៅផ្លូវខេល២សង្កាត់ខ្សាម ក្រុងកំពង់ឆ្នាំង និងបានឃាត់ខ្លួននៅក្នុងអធិការដ្ឋានក្រុងកំពង់ឆ្នាំង១យប់។ នៅមុខសមត្ថកិច្ច ជនដៃដល់បានសារភាពថា៖គេពិតជាបានកាប់ប្រពន្ធខ្លួនពិតមែន ព្រោះតែខឹងប្រពន្ធវាយកូន និងប្រចណ្ឌ័ព្រោះបានឃើញនាងអោបប្រុស ក្នុងពេលទៅធ្វើការបោកគក់នៅហាងកា រ៉ាអូខេមហាលាភកាលពីថ្ងៃ។ជនដៃដល់ត្រូវបានសមត្ថកិច្ចកសាងសំណុំរឿង បញ្ជូនទៅស្នងការដ្ឋាននកឬបាលខេត្ត ចាត់ការបន្តបញ្ជូនខ្លួនទៅតុលាការខេត្ត ផ្តន្ទាទោសតាមច្បាប់ កុំអោយបុរសផ្សេងទៀតយកគំរូតាម៕កំពង់ឆ្នាំង,ថ្ងៃទី០៩.០៩.២០១៤ Bun rithy
