ខេត្តបាត់ដំបង ÷ យុវជន២នាក់ បានស្លាប់ភ្លាមៗយ៉ាងអាណោចអាធ័មជាទីបំផុត ដោយសារតែជិះម៉ូតូមិនប្រកាន់ស្តាំ ទើបជ្រុកទៅបុកនិងរថយន្តធំដែលកំពុងបើកមកពីមុខ។
ករណីដ៏រន្ធត់នេះបានកើតឡើង នាថ្ងៃទី៣០ ខែមេសា ឆ្នាំ២០២២ វេលាម៉ោង ៨ នឹង ១០នាទី យប់ លេីកំណាត់ផ្លូវជាតិលេខ៥ ស្ថិតនៅចំនុចក្រុមទី១០ ភូមិព្រៃចែក ឃុំកំពង់ព្រះ ស្រុកសង្កែ ខេត្តបាត់ដំបង រវាង រថយន្តដឹកទំនិញធុញធ្ងន់ (វ៉េអង) ពណ៌ទឹកប្រាក់ ពាក់ស្លាកលេខ បាត់ដំបង 3A-4102 ជាមួយនិង ម៉ូតូម៉ាកហុងដាឌ្រីម ពណ៌ខ្មៅ សេរីឆ្នាំ2017 ពាក់ស្លាកលេខ បាត់ដំបង 1AA-8490 ដែលបេីកបរដោយឈ្មោះ ជឿន ជា ភេទប្រុស អាយុ ២៥ ឆ្នាំ រស់នៅភូមិកំពង់ព្រះ ឃុំកំពង់ព្រះ ស្រុកសង្កែ និង អ្នករួមដំណេីរឈ្មោះ ណុប ផានិត ភេទប្រុស អាយុ ២៥ ឆ្នាំ រស់នៅភូមិស្រះកែវ ឃុំកំពង់ព្រះ ស្រុកសង្កែ ខេត្តបាត់ដំបង។ 
តាមការពិនិត្យកន្លែងកេីតហេតុរបស់សមត្ថកិច្ចគឺ មូលហេតុមកពីម៉ូតូជិះក្នុងទិសដៅពីកេីត ទៅលិច ដោយ បេីកបរ មិនប្រកាន់ស្តាំ បណ្តាលអោយជ្រុលទៅបុកជាមួយរថយន្តដែលកំពុង បេីកបរច្រាស់ទិសគ្នា ទើបស្លាប់ទាំង២នាក់តែម្តង ដោយឡែកអ្នកបើកបររថយន្ត បានរត់គេចខ្លួនបាត់ស្រមោល ។
ក្រោយពេលកើតហេតុ សមត្ថកិច្ចបានប្រគល់សពទៅអោយក្រុមគ្រួសារ យកទៅធ្វើបុណ្យ ដោយឡែករថយន្តនិងម៉ូតូ ក៏បានប្រគល់ទៅអោយកម្លាំងការិយាល័យផ្លូវគោលខេត្ត យកទៅរក្សាទុក និងធ្វើការស្រាវជ្រាវរកអ្នកបើកបររថយន្តអោយចូលខ្លួនមកដោះស្រាយតាមផ្លូវច្បាប់៕ អត្ថបទ : ព្រាប.ស
