មន្ត្រីឥណ្ឌាបាននិយាយថា មនុស្សជិត ២០០នាក់ បានស្លាប់នៅក្នុងគ្រោះធម្មជាតិទឹកជំនន់ នៅតំនប់កាស្មៀរ ដែលគ្រប់គ្រង់ដោយប្រទេសឥណ្ឌា ខណៈដែលប្រជាជន ៤០០.០០០នាក់ទៀត កំពុងជាប់ក្នុងទឹកជំនន់ ដែលជាគ្រោះធម្មជាតិដ៏អាក្រក់បំផុតមួយ ក្នុងរយៈពេល ៦០ឆ្នាំមកនេះទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃអង្គារ ទី០៩ ខែកញ្ញា ឆ្នាំ២០១៤ថា ក្រុមសង្គ្រោះ និងបន្ធូរបន្ថយគ្រោះមហន្តរាយ កំពុងស្ថិតក្រោមប្រតិបត្តិការសង្គ្រោះ ធ្វើឡើងដោយយោធា និងបណ្តាទីភ្នាក់ងារស៊ីវិល ដោយបានសង្គ្រោះប្រជាជនច្រើនជាង ២២.០០០នាក់ ក្នុងរយៈពេល ប៉ុន្មានថ្ងៃមកនេះ ដោយប្រើប្រាស់ឧត្ថម្ភាគចក្រ និងសាឡង់។ 
ត្រាក់ទ័រជាច្រើនគ្រឿងរបស់យោធា បានឈូសឆាយដើម្បីបើកផ្លូវធ្វើដំណើរឡើងវិញ ឆ្ពោះទៅទីក្រុង ស្រីណាហ្គា ដែលជាទីក្រុងមួយ នៅតំបន់កាស្មៀរ គ្រប់គ្រងដោយឥណ្ឌា និងទីប្រជុំជនផ្សេងទៀត ដែលផ្លូវត្រូវបានកាត់ផ្តាច់ ដោយសារដីបាក់ និងទឹកហូរខ្លាំង។ ចំណែកនៅប្រទេសប៉ាគីស្ថានវិញតាមរបាយការរបស់រដ្ឋាភិបាលបង្ហាញឲ្យឃើញថា គ្រោះទឹកជំនន់បានសម្លាប់មនុស្ស២៣១នាក់ មកដល់ថ្ងៃទី៩ខែកញ្ញា្។ ភូមិស្រុកដល់ទៅ២១០០ភូមិរងការលិខលងដោយគ្រោះទឹកជំនន់៕ដោយផន សុខជាតិ
