ខេត្តបន្ទាយមានជ័យ៖ លោកវិរះសេនីយ៍ ត្រីសីុវសុជាតិអធិការនគរបាលក្រុងសិរីសោភ័ណបានទទួលស្គាល់ថាក្រុងសិរីសោភ័ណ ពិតជាមានល្បែងស៊ីសងកំពុងបើកលេងយ៉ាងគគ្រឹកគគ្រេងនៅក្នុងក្រុងពិតប្រាកដមែន តែលោកធ្លាប់បានធ្វើការណែនាំម្តងជាពីរដងមកហើយ ដូច្នេះប្រសិនបើនៅតែកើតមានទៀតលោកនឹងចាត់វិធានការតាមផ្លូវច្បាប់តែម្តង ។
លោកឧត្តមសេនីយ៍ត្រី អាត់ ខែម ស្នងការនគរបាលខេត្តបន្ទាយមានជ័យធ្លាប់បានប្តេជ្ញាថា នឹងការពារសន្តិសុខជូនប្រជាពលរដ្ឋនិងលុបបំបាត់អំពើចោរមក្មផ្សេងៗ ក្រុមបងតូចបងធំ និងគ្រឿងញៀនជាពិសេសល្បែងស៊ីសងមិនអោយកើតមានឡើយ។ ទីតាំងដែលបើកឲ្យលេងល្បែងស៊ីសងយ៉ាងសកម្មនៅខាងត្បូងផ្សារដើមគ សង្កាត់អូរអំបិលដែលត្រូវបានគេដឹងថា ជារបស់ទាហានមកពីខេត្តព្រះវិហារ អ្នកចូលលេងភាគច្រើនជាឈ្មួញឈើទី២.នៅខាងត្បូងផ្សារទឹកថ្លាសង្កាត់ទឹកថ្លា និងទី៣.នៅខាងជើងរបងវត្តស្វាយចាស់។អ្នកញៀនល្បែងចូលលេងយ៉ាងញឹកញាប់បានប្រាប់អ្នកយកព៌ត័មានឲ្យដឹងថា ទីតាំងលេងល្បែងស៊ីសងទាំង៣កន្លែងខាងលើនេះគឺមានរាប់ឆ្នាំមកហើយ និងម្ចាស់ល្បែងបានបង់លុយឲ្យកំលាំងសមត្តិកិច្ចគ្រប់អង្គភាពរួចរាល់អស់ហើយ។
កត្តាទាំងអស់នេះហើយធ្វើបទល្មើសចោរលួច ចោរប្លន់ និងគ្រឿងញៀនកើតឡើងប្រាស់ចាក់ពីគោលការណ៍ភូមិឃុំមានសុវត្ថិភាព របស់ក្រសួងមហាផ្ទៃ។ លោក ស៊ីវ សុជាតិ បាននិយាយបញ្ជាក់ថានៅក្រុងសិរីសោភ័ណកន្លងមកមានល្បែងសីុសងគ្រប់ប្រភេទពិតប្រាកដមែនតែក្រោយមកលោកបានហៅម្ចាស់ល្បែងទាំងអស់នោះមកធ្វើការណែនាំអោយបញ្ឈប់រួចរាលអស់ហើយ។បើសិនជាកើតមានគឺលោកបានដឹងនឹងមានវិធានការបង្ក្រាបមិនអោយកើតមានទៀតឡើយព្រោះបានធ្វើវេទិកាផ្សព្វផ្សាយភូមិ.ឃុំសុវត្តិភាពដល់បងប្អូនក្នុងភូមិជាប្រចាំមិនអោយកើតមានទៀតទេដើម្បីការពារ សន្តិសុខជូនប្រជាពលរដ្ធឲ្យបានសេចក្តីសុខ៕ដោយផន សុខជាតិ
