រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និង អធិការកិច្ច បានស្នើរឲ្យក្រុមហ៊ុន Agriculture Technology Co.LTD ខេត្តក្វាងដុង ប្រទេសចិនឲ្យពិនិត្យលើកាលានុវត្តភាព វិនិយោគលើវិស័យកសិកម្មនៅកម្ពុជា ដោយផ្តោតសំខាន់លើខេត្តស្វាយរៀង ។ ការលើកឡើងយ៉ាងដូចនេះគឺធ្វើឡើង នៅក្នុងកិច្ចជំនួបពិភាក្សាការងាររវាង លោកជំទាវ ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និង អធិការកិច្ច និង លោកកៃហ្សី រ៉ាន ប្រធានក្រុមហ៊ុន Agriculture Technology Co.LTD ខេត្តក្វាងដុង ប្រទេសចិន នៅរសៀលថ្ងៃទី ១០ ខែកញ្ញានេះ នៅទីស្តីការ ក្រសួង។ នៅក្នុងកិច្ចជំនួបពិភាក្សាការងារនេះ លោកជំទាវ ម៉ែន សំអន បានស្នើរឲ្យ ក្រុមហ៊ុនវិនិយោគចិនពិចារណា លើវិស័យកសិកម្មនៅ
ខេត្តស្វាយរៀង ព្រោះរាជរដ្ឋា ភិបាលកម្ពុជាមានគោលបំណងជម្រុញការនាំអង្ករចេញឲ្យបាន ០១ លានតោនក្នុង មួយឆ្នាំគិតចាប់ពីឆ្នាំ ២០១៥ តទៅនេះ។ លើសពីនេះលោកជំទាវ បានមានប្រសាសន៍ឲ្យដឹងទៀតថានេះជាឱកាសដ៏ ល្អសម្រាប់ក្រុមហ៊ុនចិនដើម្បី ធ្វើការពិនិត្យមើលការវិនិយោគណាមួយពាក់ព័ន្ធ វិស័យកសិកម្មព្រោះ ខេត្តនេះមានផ្ទៃដីកសិកម្មធំល្វឹងល្វើយប៉ុន្តែខ្វះអ្នកវិនិយោគ ហើយក្រសួងនឹងធ្វើការគាំទ្រយ៉ាងពេញទំហឹង ចំពោះការវិនិយោគលើវិស័យ កសិកម្ម ប្រព័ន្ធ
ស្រោចស្រព និង បច្ចេកទេសទំនើបលើការដាំដុះនានា។ ជាកិច្ចឆ្លើយតប លោក កៃហ្សី រ៉ាន ប្រធានក្រុមហ៊ុន Agriculture Technology Co.LTD ខេត្តក្វាងដុងប្រទេសចិន បានមានប្រសាសន៍ថា តាងនាមលោកតំណាងឲ្យក្រុមហ៊ុនវិនិយោគចិន លោកមានការពេញចិត្តយ៉ាង ខ្លាំងលើការអភិវឌ្ឍន៍លើគ្រប់វិស័យរបស់កម្ពុជា នៅពេលដែលលោកបញ្ចប់ដំណើរ
ទស្សនៈកិច្ចត្រឡប់ទៅប្រទេសចិនវិញ លោកនឹងពាំនាំនូវពត៌មានទាំងអស់នេះ ដើម្បីជួយទាក់ទាញអ្នកវិនិយោគចិនឲ្យមកវិនិយោគនៅកម្ពុជា។ គួរបញ្ជាក់ឲ្យដឹងផងដែរថា ខេត្តស្វាយរៀងមានប្រជាជនសរុបជាង ៦ សែននាក់ ក្នុងនោះមានប្រជាជនប្រហែលជា ៣ ម៉ឺននាក់ដែលទទួលបានការងារ ពីវិស័យរោងចក្រ ក្រៅពីនោះគឺប្រកបរបរកសិកម្ម ដាំដំណាំអំពៅ និង កៅស៊ូ។Bun rithy
