ក្រុមហ៊ុន អាកាសចរណ៍បារាំង Air France មានផែនការដាក់ប្រាក់ចំនួន ១ពាន់លានអឺរ៉ូ ដើម្បីបង្កើន ដល់សេវាកម្ម របស់ខ្លួន ។ គួរបញ្ជាក់ថា ការដាក់ប្រាក់វិនិយោគទុនដ៏ច្រើននេះ ដោយសារតែក្រុមហ៊ុន ចង់រក្សានូវតម្លៃមួយក្នុងកម្រិតទាប និងបង្កើន ទីផ្សារភាគហ៊ុន កាន់តែច្រើននៅក្នុងតំបន់អឺរ៉ុប ។ បើតាមការលើកឡើងរបស់លោក Alexandre de Juniac នាយកក្រុមហ៊ុន Air France បានឲ្យដឹងថា "នេះជា គម្រោងដ៏ធំមួយ ដែលយើគ្រោងធ្វើការវិនិយោគ នូវទឹកប្រាក់ប្រមាណ ១ពាន់លានអឺរ៉ូ ក្នុងអំឡុងពេល ៥ឆ្នាំ ខាងមុខ " ។ គេបានដឹងថា ក្រុមហ៊ុន Air France តាមរយៈក្រុមហ៊ុន Transavia គឺបានបង្កើន
សន្ទុះសេវា កម្មហោះហើរ របស់ ខ្លួនទ្វេរដង ដោយនៅក្នុងឆ្នាំ២០១៧ ខាងមុខនឹងមានយន្តហោះ សម្រាប់ ដំណើរការប្រមាណ១០០គ្រឿង ។ លោកប្រធានក្រុមហ៊ុនខាងលើបានបន្ថែមថា "យើងនឹងដើរតួដ៏សំខាន់ក្នុងការរក្សាបាន នូវតម្លៃក្នុងកម្រិតមួយ ទាបនៅ តំបន់អឺរ៉ុប" ។ យោងតាមរបាយការណ៍មួយបានបញ្ជាក់ថា ការវិនិយោគទុននឹងបង្កើនឳកាសការងារ ដល់អ្នកបើកបរប្រមាណ ២៥០នាក់ នៅឆ្នាំ២០១៩ ៕
