ជនភៀសខ្លួនដោយសារអំពើហឹង្សាសង្គ្រាមស៊ីវិលកើនឡើងខ្ពស់បំផុតមិនធ្លាប់មានចាប់តាំងពីសង្គ្រាមលោកលើកទី២ ការិយាល័យ ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន UNHCR បានប្រ កាស់របាយការណ៍ ឲ្យដឹងថា ជាលើកទី១ ចាប់តាំងពីសង្គ្រាមលោកលើកទី២មក ជនភៀសខ្លួនដោយសារសង្គ្រាម អំពើហិង្សានៅទូទាំងពិភពលោកមានរហូតដល់ជាង៥០លាននាក់ ។ តាមរបាយការណ៍ UNHCR នៅ ក្នុងឆាំង២០១៣ មានជនភៀសខ្លួននៅលើពិភពលោករហូតដល់ជាង៥១លាននាក់ច្រើនជាងឆ្នាំ ២០១២ ចំនួន៦លាននាក់ និងច្រើនជាងគេបំផុតបន្ទាប់ពីសង្គ្រាមលោកលើកទី២ ។ ភាគច្រើនជនភៀសខ្លួនមកពីប្រទេសកំពុងអភិវឌ្ឈន៍ និងប្រទេសដែលមានសង្គ្រាម អំពើហិង្សា ដូចជា ស៊ីរី ស៊ូដង់ អាហ្វ្រិក
កណ្តាល ហើយប្រទេសអាហ្វហ្គានីស្ថានមានជនភៀសខ្លួនច្រើនជាងគេបង្អស់លើ ពិភពលោក ។ លើសពីនេះនៅមានជនភៀសខ្លួនរាប់លាននាក់ដែលបោះបង់ចោលផ្ទះសម្បែង តែត្រូវគេបំភ្លេចចោលនៅលើពិភពលោកមានរហូតជាង៦លាននាក់ ។ ចំពោះ ជនភៀសខ្លួន ការផ្គត់ផ្គងស្បៀងអាហារ ទឹកស្អាត ការមើលថែសុខាភិបាលមានកម្រិត។ ទាំងនោះហើយបានធ្វើឲ្យឧត្តមស្នងការទទូលបន្ទុកជនភៀសខ្លួន លោក Antonio Guterres ប្រកាសថាកង្វះជំនួយមនុស្ស ធម៌ ធ្វើឲ្យលោកឈឺចាប់យ៉ាងខ្លាំង ដោយមើលឃើញជនភៀសខ្លួនជាច្រើនបាតបង់ជំនឿចិត្ត និងស្លាប់ដោយវេទនាបំផុត ជារឿងមិនគួរឲ្យ
កើតមាននៅលើពិភពលោកក្នុងសម័យកាលនៃសតវត្សរ៍ ទី២១នេះ ។ គិត មកត្រឹមចុងឆ្នាំ២០១៣ ចំនួនជនភៀសខ្លួនដែលបានសម្រេចបោះបង់ចោលស្រុកកំណើត បានកើនឡើងដល់ទៅ៥១លាន២សែននាក់ ពោលគឺ៦លានលើសឆ្នាំ២០១២ ។ នេះបើតាមឧត្តមស្នងការអង្គការសហប្រជាជាតិផ្នែកជនភៀសខ្លួន លោក Antonio Guterre ។ មូលហេតុដែលនាំឱ្យមានការកើនចំនួនជនភៀសខ្លួនមានពីរ ៖ វិបត្តិហិង្សា ជម្លោះប្រដាប់មានកាន់តែច្រើន ។ ការនេះជំរុញឱ្យប្រជាជនបង្ខំចិត្តរត់គេចចេញពីផ្ទះសម្បែង ភូមិឋាន និងម្យ៉ាងទៀត គឺមកវិបត្តិហិង្សានិងជម្លោះប្រដាប់ចាស់ៗនៅតែបន្តអូសបន្លាយ មិនព្រមបញ្ចប់សោះ ។ គ្រាន់តែក្នុងករណីប្រទេសស៊ីរីមួយ ចំនួនជនភៀសខ្លួនបានឡើងដល់ទៅជាង២លាន៥សែននាក់ទៅ ហើយ ។ វិបត្តិ
នៅប្រទេសម៉ាលី អាហ្វ្រិកកណ្តាល ស៊ូដង់ខាងត្បូង និងតំបន់ផ្សេងទៀត បានមកបំប៉ោងតួលេខឱ្យកាន់តែឡើងខ្ពស់ ។ នេះមិនរាប់ចលនាជនភៀសខ្លួន នៅប្រទេសអ៊ីរ៉ាក់ទេ ។ ជន ភៀសខ្លួនទាំងហ្វូងៗនេះ ត្រូវបានបែងចែកជាបីប្រភេទ ៖ ជនភៀសខ្លួននឹងអំពើហិង្សាប្រដាប់អាវុធ (៣៣លាននាក់) ជនភៀសខ្លួនដើម្បីសុំជ្រកកោននៅប្រទេសទីបី ដោយមូលហេតុបុគ្គល (១លាននាក់) និងជនភៀសខ្លួនផ្ទៃក្នុង(១៧លាននាក់) ដោយអំពើហិង្សាឬវិបត្តិ ពួកគេត្រូវបង្ខំចិត្តភៀសខ្លួនចាកចោលផ្ទះសម្បែង តែបន្តស្ថិតនៅក្នុងជំរំ តំបន់ប្រមូលផ្តុំក្នុងស្រុក ។ ប្រជាពលរដ្ឋអាហ្វហ្គានីស្ថាន ស៊ីរី និងស៊ូម៉ាលី ជាក្រុមជនភៀសខ្លួនដែលមានចំនួនច្រើនជាងគេ។ ខុស ពីការគិតរបស់មនុស្សទូទៅ ! គឺប្រទេសកំពុងអភិវឌ្ឍន៍ ដែលទទួល
ជនភៀសខ្លួនច្រើនជាងគេ ។ ក្នុងចំណោមជនភៀសខ្លួន៥នាក់ មាន៤នាក់ជាមធ្យមរស់នៅក្នុងប្រទេសក្រីក្រកំពុងអភិវឌ្ឍន៍ ឬស្មើនឹងប្រមាណ៨៦%នៃជនភៀសខ្លួនសរុប ។ ប៉ាគីស្ថាន អ៊ីរ៉ង់ និងលីបង់ ជាប្រទេសអ្នកទទួលជនភៀសខ្លួនសំខាន់ជាងគេនៅលើលោក ។ បើនិយាយអំពីថ្នាក់តំបន់ អាស៊ី និងប៉ាស៊ីហ្វិក ជាប់ចំណាត់ថ្នាក់លេខមួយខាងចំនួនជនភៀសខ្លួននៅលើពិភពលោក។ ប្រមាណជាង៥លាននាក់ ស្នាក់នៅអាហ្វ្រិក និង នៅដើមបូព៌ា ។ នៅ ក្នុងឆ្នាំ២០១៣នេះ មានជនភៀសខ្លួន
ប្រមាណតែ៤សែននាក់ប៉ុណ្ណោះ ដែលអាចវិលត្រឡប់ទៅរស់នៅក្នុងស្រុកកំណើត ឬទៅដល់ប្រទេសទីបី គឺតិចជាងឆ្នាំ២០១២ដល់ទៅ ១សែននាក់ ។ ផ្ទុយទៅវិញ ចំនួនអ្នកសុំសិទ្ធិជ្រកកោន នៅក្នុងប្រទេសទីបី មានការកើនឡើងខ្លាំងដល់ទៅប្រមាណ១៥% ពោលគឺ១លានក្នុងឆ្នាំ២០១៣ បន្ថែមលើសំណុំបែបបទ១លាន២សែននាក់ នៅឆ្នាំ២០១២ និងដែលកំពុងចាំមើលចម្លើយកំណត់ជោគវាសនាយ៉ាងអន្ទះសារ ៕Bun rithy
