ប្រធានាធិបតីបារាំងលោកហ្វ្រង់ស្វ័រ ហូឡង់ ទៅកាន់ប្រទេសអ៊ីរ៉ាក់នាថ្ងៃទី១៣ កញ្ញា ដើម្បីរៀបចំយុទ្ធសាស្ត្រសាកលមួយនៃការតស៊ូប្រឆាំងក្រុមរដ្ឋអ៊ិ ស្លាម ដែលយុទ្ធសាស្ត្រនោះត្រូវផ្តល់សុពលភាពនាថ្ងៃទី១៥ កញ្ញាខាងមុខនេះ ក្នុងឱកាសនៃសន្និសីទអន្តរជាតិមួយនៅទីក្រុងប៉ារីស ។ វិមានប្រធានាធិបតីបារាំង ELYSEE និយាយថា សន្និសីទនោះមានទស្សនវិជ្ជាយ៉ាងច្បាស់មួយគឺ ៈ ប្រឈមមុខនឹងការគំរាមកំហែងជាសាកលរបស់ក្រុមរដ្ឋអ៊ិស្លាមគេ ត្រូវមានចម្លើយតបជាសាកលមួយក្នុងគ្រប់ផ្នែកទាំងអស់ ។ អមដំណើរដោយរដ្ឋមន្ត្រីការបរទេស និងរដ្ឋមន្ត្រីការពារប្រទេស ដំណើរទស្សនកិច្ចរបស់លោកនៅអុីរ៉ាក់នេះ លោកហូឡង់ជាបឋមចង់បង្ហាញពីការទ្រទ្រង់ខាងនយោបាយមួយចំពោះ រដ្ឋាភិបាលថ្មីអុីរ៉ាក់ ព្រោះក្រុងប៉ារីសលើកឡើងពី
លក្ខខណ្ឌចំពោះការរៀបចំសន្និសីទអន្តរជាតិ មួយ លុះត្រាតែអុីរ៉ាក់បង្កើតបានរដ្ឋាភិបាលថ្មីមួយតំណាងឱ្យសហគមន៍ ផ្សេងៗរបស់ប្រទេស ។ បន្ទាប់ពីប្រធានាធិបតីអាមេរិកលោកបារ៉ាក់អូ បាម៉ា ប្រកាសកាលពីថ្ងៃទី១០ កញ្ញា ប្រាប់ដល់ពលរដ្ឋអាមេរិកពីឆន្ទៈរបស់លោកបង្កើនការតស៊ូប្រឆាំង ពួកជីហាដនិយមនៃក្រុមរដ្ឋអ៊ិស្លាម ដោយអនុញ្ញាតឱ្យមានការវាយប្រហារតាមអាកាសនៅស៊ីរីផងដែរ និងអន្តរាគមន៍កាន់តែខ្លាំងនៅអុីរ៉ាក់ លោកហ្វ្រង់ស្វ័រហូឡង់ ចង់ឱ្យមានកិច្ចសហប្រតិបត្តិការលើវិស័យដទៃៗទៀត។ ក្នុងសន្និសីទអន្តរជាតិនាថ្ងៃទី១៥ កញ្ញា បារាំងចង់ដាក់សំណើនានាប្រឆាំងក្រុមរដ្ឋអ៊ិស្លាមដូចជាលុប
បំបាត់ប្រភពផ្តល់ហិរញ្ញវត្ថុ ប្រភពផ្គត់ផ្គង់ ឬប្រភពនៃការជ្រើសរើសពួកជីហាដ ការត្រួតពិនិត្យព្រំដែនរហូតដល់ការជួយបណ្តុះបណ្តាលកងទ័ពអុីរ៉ាក់ ។ បារាំងដែលបន្តផ្តល់អាវុធដល់កងកម្លាំងឃើតអុីរ៉ាក់ដែលកំពុង ប្រយុទ្ធប្រឆាំងក្រុមរដ្ឋអ៊ិស្លាម ក៏ត្រៀមធ្វើអន្តគមន៍នៅអុីរ៉ាក់តាមរយៈការវាយប្រហារតាមអាកាស ក៏បុ៉ន្តែដូចគ្នានឹងសម្ព័ន្ធមិត្តជាច្រើនបដិសេធមិនចូលរួម វាយប្រហារនៅស៊ីរី ៕Bun rithy
