មជ្ឈមណ្ឌលឧតុនិយមជាតិចិន បានធ្វើការព្រមាននៅថ្ងៃ ទី១៤ ខែកញ្ញា នេះ អំពីភ្លៀងធ្លាក់ ខ្លាំង ដែលអាចនឹងវាយប្រហារ នៅភាគខាងលិចប្រទេស ជាប់ព្រំដែនជាមួយនឹង បណ្តាប្រទេសតំបន់ អាស៊ី ខាងត្បូង ដូចជាឥណ្ឌាជាដើម ក្រោយពីតំបន់ខាងលើនេះ បានទទួលរងគ្រោះជាខ្លាំង ដោយទឹកជំនន់ និង ខ្យល់កន្ត្រាក់ បណ្តាលឲ្យមនុស្សស្លាប់ជិត ១ពាន់នាក់ ។ ទីភ្នាក់ងារព័ត៌មានចិនស៊ិនហួ បានចេញផ្សាយថា ការប្រកាសអាសន្ន ខាងលើនេះ ស្ថិតនៅកម្រិតពណ៌ខៀវ ដែលជាកម្រិតបង្គួរ ហើយវានឹងកាន់តែអាក្រក់ថែមទៀត ប្រសិនបើការប្រកាសឡើង ដល់កម្រិតពណ៌ទឹកក្រូច និងក្រហមនោះ ។ អាជ្ញាធរ
ចិនបានចេញផ្សាយថា នៅថ្ងៃសៅរ៍ រហូតដល់ព្រឹកថ្ងៃអាទិត្យស្អែកនេះ ផ្នែកមួយចំនួន នៃខេត្តស៊ីឈួន និង ចុងគីង នៅភាគនិរតីនៃប្រទេសចិន ព្រមជាមួយភាគពាយ័ព្យ ដែលមានខេត្តសានស៊ី ភ្លៀងនឹងបន្តធ្លាក់ខ្លាំង រួមជាមួយនឹងព្យុះ ដែលតំបន់ខ្លះទឹកភ្លៀង អាចនឹងធ្លាក់មកក្នុងកម្រិតរហូតដល់ ១០០ ទៅ ១៥០ មីលីម៉ែត្រ ក៏ថាបាន ។ ដោយឡែកខេត្ត ហ៊ូបៃ, ក្វាងទុង, ក្វាង
ស៊ី, និង តំបន់ភាគខាងជើងមួយចំនួនទៀត ក៏នឹងទទួល រងនូវភ្លៀង ខ្លាំងផងដែរ។ ដោយឡែកខ្យល់ព្យុះ ទីហ្វុង កាល់ម៉ែគី ដែលបានឆ្លងកាត់ប្រទេស ហ្វីលីពីន នៅសប្តាហ៍នេះ នឹងនាំឲ្យប៉ះពាល់ដល់ប្រទេសចិន នៅថ្ងៃអាទិត្យស្អែកនេះ ៕Bun rithy
