បាត់ដំបង: ស្ត្រីម្នាក់ដែលជាភរិយាត្រូវបានស្លាប់ភ្លាមៗនៅនិងកន្លែងកើតហេតុរីឯប្តីក៏រងរបួសជាទំងន់ ខណ:ដែលនាំគ្នា ជិះកង់ទៅវត្តហើយត្រូវឡានបុកចំពីក្រោយកាលពីថ្ងៃទី 14-9-14 វេលាម៉ោង 2 រស់ នៅតាមបណ្តោយផ្លូវជាតិលេខ 5 ស្ថិតក្នុងភូមិ ពោធិ 1 ឃុំគារ ស្រុកមោងឫស្សី ខេត្តបាត់ដំបង ។ 
យោងតាមរបាយការរបស់លោក ឌឿន សម្បត្តិ អធិការរងនគរបាលស្រុកមោងឫស្សីបានបញ្ជាក់ថា នៅមុន ពេល កើតហេតុ មានរថយន្តមួយគ្រឿងម៉ាកតូយូតាហៃស៊ី ពាក់ស្លាកលេខ ភ្នំពេញ 2u 4159 ជារបស់ក្រុមហ៊ុនហ្គូលដិន បាយ័នអុិចស្រេ្ពស បានបើកបរយ៉ាងលឿនក្នុងទិសដៅបាត់ដំបង ភ្នំពេញ. ។ លុះទៅដល់ចំនុចកើតហេតុ ក៏ស្រាប់តែមានកង់មួយដែលជិះឌុប
គ្នាដោយតាយាយប្តីប្រពន្ធ ធ្វើដំណើរក្នុង ទិសដៅស្របគ្នាហើយបត់ឆ្វេងឆ្លងថ្នល់បំនងឆ្ពោះចូលទៅក្នុងវត្តពោធិ 1 ទើបបណ្តាលអោយរថយន្តដែលកំពុងមានល្បឿន យ៉ាងលឿនផងនោះបានបុកចំពីក្រោយធ្វើអោយលោកយាយដែលជិះខាងក្រោយធ្លាក់ពីលើកង់ដាច់ខ្យល់ស្លាប់ភ្លាមៗ ដោយឡែកចំពោះតាដែលជាស្វាមីក៏បានរងរបួសយ៉ាងធ្ងន់ធ្ងរផងដែរ. ។ 
លោក ឌឿន សម្បត្តិ បានបន្តថា ជនរងគ្រោះទាំងពីរមានឈ្មោះ ឃឹម ខុន ភេទប្រុស អាយុ 72 ឆ្នាំ ( ប្តី ) ចំណែកប្រពន្ធឈ្មោះ អ៊ួច លី អាយុ 73 ឆ្នាំ រស់នៅភួមិកន្សៃបន្ទាយ ឃុំមោង ស្រុកមោងឫស្សី ខេត្តបាត់ដំបង. ។ នៅក្នុង ខណ:នោះដែរ បន្ទាប់ពីឃើញហេតុការបែបមិនសូវស្រួល អ្នកបើកបររថយន្តបានដាក់មេផាយបាត់ស្រមោលតែម្តង. ។ ភ្លាមៗនោះដែរ សមត្ថកិច្ចបានបញ្ជូនជនរងគ្រោះទៅកាន់មន្ទីរពេទ្យជាបន្ទាន់ដើម្បីសង្គ្រោះដោយឡែក មធ្យោបាយធ្វើដំណើរទាំងពីរគ្រឿងត្រូវបាននាំយកទៅរក្សាទុកនៅអធិការដ្ឋាននគរបាលស្រុកមោងឫស្សី ដើម្បីរៀបចំ ឯកសារ បញ្ជូនទៅអោយការិយាល័យចរាចរផ្លូវគោកខេត្ត ដោះស្រាយទៅតាមផ្លួវច្បាប់. ៕
