កំពង់ស្ពឺ ៖ ក្រុមមន្ត្រីយោធាភូមិភាគទី៣ និងអ្នកស៊ីឈ្នួលយាមដីចំការឱ្យក្រុមហ៊ុន សុវណ្ណវឌ្ឃន៍ បាននាំគ្នាចំនួន៩នាក់ ព័ន្ធព្រៃដើម្បីរកបរបាញ់សត្វព្រៃ ប៉ុន្តែបានបាញ់ច្រឡំត្រូវចំគ្នាឯងបណ្តាលឱ្យស្លាប់ម្នាក់ភ្លាមៗ ។ បន្ទាប់ពីបាញ់មនុស្សស្លាប់ ជនដៃដល់បានរត់គេចខ្លួនបាត់ស្រមោលតែម្តង ។ 
ហេតុការណ៍ក្រុមទាហ៊ាន អ្នកស៊ីឈ្នួលឈាមក្រុមហ៊ុន បបួលគ្នាទៅរកបរបាញ់សត្វ ត្រូវគ្នាឯងស្លាប់នេះ បានកើតមានឡើង កាលពីវេលាម៉ោងប្រមាណជាង១៥រសៀល ថ្ងៃទី១៣ ខែកញ្ញា ឆ្នាំ២០១៤ ត្រង់ចំណុចព្រៃស្រែតាមប៊ុត ក្នុងភូមិខ្នងក្រាំង ឃុំតាំងសំរោង ស្រុកភ្នំស្រួច ខេត្តកំពង់ស្ពឺ ។ សមត្ថកិច្ចប៉ូលិសបានប្រាប់ឱ្យដឹងថា ជនរងគ្រោះដែលរង ដោយគ្រាប់កាំភ្លើងAK47 ក្នុងពេលនាំគ្នាបរបាញ់សត្វព្រៃនោះ មានឈ្មោះរឿង រ៉ា ភេទ ប្រុស អាយុ ៣២ ឆ្នាំកសិករ ត្រូវគ្រាប់កាំភ្លើងក្រោមឃ្លៀកឆ្វេង បណ្តាលឱ្យស្លាប់ភ្លាមៗ ក្នុងថ្លុកឈាម ។ ប្រភពបន្តថា ចំពោះអ្នកបាញ់មនុស្សស្មានថាសត្វព្រៃវិញនោះ មានឈ្មោះសាយ ឈួន ភេទ ប្រុស អាយុជាង ៦០ឆ្នាំ ជាបុគ្គលិកក្រុមហ៊ុនសុវណ្ណវឌ្ឍន៍ បានរត់គេចខ្លួនបាត់ ពេលនោះសមត្ថកិច្ចកំពុងតាមរកចាប់ខ្លួន និងបន្តស្រាវជ្រាវរកមុខអ្នកផ្តល់អាវុធទាំងនោះទៀតផង ។ 
សមត្ថកិច្ចបានរៀបរាប់ថា មុនពេលកើតហេតុ វេលាម៉ោង ប្រមាណ ១២ថ្ងៃត្រង់នាថ្ងៃទី១៣ ខែកញ្ញាមន្ត្រីយោធា និងអ្នកស៊ីឈ្នួលការពារដីក្រុមហ៊ុន សុវណ្ណវឌ្ឍន៍ មានគ្នាចំនួន៩នាក់ ក្នុងនោះទី១ឈ្មោះទិត្យ វ៉ាន់ស៊ឺន ភេទប្រុស អាយុ៤០ឆ្នាំ មមន្ត្រីយោធាភូមិភាគទី៣ ស៊ីឈ្នួកយាមដីក្រុមហ៊ុន ទី២ឈ្មោះសាយ ឈួន ភេទប្រុស អាយុជាង៦០ឆ្នាំ បុគ្គលក្រុមហ៊ុនសុវណ្ណវឌ្ឍន៍ ទី៣ឈ្មោះរឿន រ៉ា ភេទប្រុស អាយុ៣២ឆ្នាំកសិករ ទី៤ឈ្មោះសាយ ខនភេទប្រុស អាយុ១៦ឆ្នាំ ទី៥ឈ្មោះរ៉ា រ៉ាត់ ភេទប្រុស អាយុ១៣ឆ្នាំ ទី៥៦ឈ្មោះសាយ ប៊ីន ភេទប្រុស អាយុ២០ឆ្នាំ បុគ្គលក្រុមហ៊ុន ទី៧ឈ្មោះលីន ភេទប្រុស អាយុជាង២០ឆ្នាំ បុគ្គលិកក្រុមហ៊ុន ទី៨ឈ្មោះត្រាង ភេទប្រុស អាយុជាង៥០ឆ្នាំ និងទី៩ឈ្មោះវឿន ។
ប៉ូលិសបន្តថា ក្នុងចំណោមនោះពួកគេមានអាវុធ AK47 ចំនួន ៤ដើម អ្នកកាន់អាវុធមាន ទី១ឈ្មោះសាយ ឈួន ជនដៃដល់កំពុងរត់គេចខ្លួន ទី២ឈ្មោះទិត្យ វ៉ាន់ស៊ឺន ទាហានភូមិភាគទី៣ ទី៣ឈ្មោះសាយ ប៊ីន និងទី៤ឈ្មោះលីនហៅឃ្លីន ទាំង៣នាក់ ជាបុគ្គលិកក្រុមហ៊ុន សុវណ្ណវឌ្ឃន៍ ។ ប៉ូលិសបន្តថានៅពេលពួកគេដើររុករក និងព័ទ្ធព្រៃ ដើម្បីរកបាញសត្វនោះ រហូតដល់រសៀល ស្រាប់តែឈ្មោះសាយ ឈួន បានបាញ់មួយគ្រាប់ទៅលើឈ្មោះរឿន រ៉ា ត្រូវជាកូនចុងត្រូវមួយគ្រាប់ ក្រោមឃ្លាកឆ្វេងបណ្តាលឱ្យស្លាប់ ដោយស្មានតែសត្វព្រៃ ប៉ុន្តែសមត្ថកិច្ចជំនាញមិនទាន់ហានសន្និដ្ឋានបែបនេះទេ ដោយដាក់ការសង្ស័យជាករណីផ្សេង ។ ក្រោយពីកើតហេតុជនល្មើសបានរត់គេខខ្លួនបាត់ស្រមោល ហើយជុំវិញរឿងរ៉ាវនេះ អ្នកណាជាអ្នកទទួលខុសត្រូវ ព្រោះអីគ្រាន់តែទាហានស៊ីឈ្នួលការពារដីធ្លីឱ្យក្រុមហ៊ុនឬអ្នកមានអំណាចសោះមានកាំភ្លើងរហូត៤ដើម ដើរបាញ់បោះអាណាធិបតេយ្យដូច្នេះ ។ 
សមត្ថកិច្ចបានបញ្ជាក់ថា ក្នុងករណីបាញ់គ្នាឯឯង ស្មានតែសត្វព្រៃបណ្តាលឱ្យស្លាប់នោះ ដកហូតបានអាវុធ AK47 ស្វាយបត់ ចំនួន ២ដើម មួយបត់ជំហៀង បង់ចំនួនប្រាំគ្រាប់ពេញៗ និងគ្រាប់ជាច្រើនទៀត ។ ប្រភពបន្តថា អាវុធទាំងនោះជារបស់មន្ត្រីយោធាភូមិភាគទី៣ ដែលស៊ីឈ្នួលការពារដីឱ្យក្រុមហ៊ុនសុវណ្ណវឌ្ឃន៍នេះ ប៉ុន្តែពេលនោះមិនទាន់ឃើញអ្នកណាចេញមកទទួលខុសត្រូវនោះឡើយទេ ។
មហាជនក្នុងខេត្តកំពង់ស្ពឺ រងចាំមើលចំណាត់ការរបស់សមត្ថកិច្ច ជុំវិញរឿងរ៉ាវដោយរបៀបណា ហើយអ្នកដែលពាក់ព័ន្ធក្នុងការចេញអាវុធយកទៅប្រើប្រាស់ ដើម្បីការពារផលប្រយោជន៍បុគ្កល ត្រូវទទួលទោសទណ្ឌឬក៍អត់ ។ ម្យ៉ាងទៀតលោកឧត្តមសរនីយមេបញ្ជាការភូមិភាគទី៣ នឹងមានចំណាត់ការដូចម្តេចខ្លះទៅលើកូនចៅរបស់ខ្លួនដែលយកកាំភ្លើងអង្គភាពទៅស៊ីឈ្នួលកាងដីក្រុមហ៊ុនបែបនេះ។ បច្ចុប្បន្នសាកសពត្រូវបាន ក្រុមគ្រួសាររៀបចំធ្វើបុណ្យ តាមប្រពៃណី ។ ចំណែកជនសង្ស័យបានរត់គេចខ្លួន ហើយសមត្ថកិច្ចកំពុងតាមប្រមាញ់ និងស្រាវជ្រាវបន្តចំពោះអ្នកមានការពាក់ព័ន្ធប្រើប្រាស់អាវុធខុសច្បាប់ផងដែរ ៕ Jhon ny
