ស្ទឹងត្រែង៖អ្នកកាសែតវិមានឯករាជ្យម្នាក់ជាប់គុកយ៉ាងអយុត្តិធមិ៍ដោយក្រុមឈ្មួញរកស៊ីល្មើសច្បាប់សហការជាមួយសមត្ថកិច្ចខិលខូចមួយចំនួនចោទប្រកាន់ពីបទកំហែងយក ដោយគ្មានភស្តុតាងណាមួយបញ្ចាក់អំពីការជំតិតទាលុយ គ្រាន់តែជាការសន្យារបស់ឈ្មួញ ដើម្បីយកលេសប្តឹងអ្នកកាសែត ក្រោមការរៀបចំរបស់មេបញ្ជាការស្តីទីស្រុកសេសាន ដែលគេចាត់ទុកថាអ្នកកាសែតជាឆ្អឹងទទឹងករបស់គេ។ ជុំវិញការឃាត់ខ្លួនអ្នកកាសែតវិមានឯករាជ្យដាក់គុក ក្រុមអ្នកយកព័ត៍មានក្នុងខេត្តស្ទឹងត្រែងប្រមាណជាង១០នាក់បានចុះទៅទីតាំងឃាត់ខ្លួន និងបានសុំការបំភ្លឺពីលោកថាយ ស៊ុនអ៊ី មេប៉ុស្តិ៍ស្រែគរដែលបានចូលរួមក្នុងករណីឃាត់គោយន្តដឹកឈើ លោក ថាយ ស៊ុនអ៊ី នាយប៉ុស្ដិ៍នគរបាលបញ្ជាក់ថាលោកក៏ជាមន្ត្រីនគរបាលយុត្តិ
ធមិ៍ដែរ ករណីនេះមិនមែនជាការជំរិតទាលុយនោះទេ ព្រោះក្រោយឃើញគោយន្ត លោកព្រំធាបានរាយការណ៍មកកម្លាំងនគរបាលប៉ុស្ដិ៍ ពេលលោកទៅដល់ឃើញហេតុការណ៏នោះ ក៏បានរាយការណ៏ជូនទៅអធិការស្រុក ហើយលោកអធិការក៏បានបញ្ជារឲ្យពិនិត្យមើល បើសិនជាឈើប្រជាពលរដ្ឋ យកទៅប្រើប្រាស់សម្រួលៗទៅ។ លោកមេប៉ុស្តិ៍បានបន្តថាពេលនោះមេឈ្មួញឈ្មោះមាស សុវណ្ណជាមន្ត្រីយោធាដែលគេដឹងថាជាអ្នករកស៊ីដឹកឈ្មើសច្បាប់ ក៏បានសុំជូនថ្លៃសាំងចំនួន 
១០០ដុល្លា ដោយសន្យាដោយខ្លួនឯង គ្មានអ្នកណាបង្ខំឡើយ។តែចាំព្រឹកគេនិងយកមកឲ្យដល់ប៉ុស្ដិ៍។លុះព្រឹកឡើងមិនឃើញអ្នកដឹកឈើយកលុយមកឲ្យ លោកនាយប៉ុស្តិក៏ពឹងឲ្យ លោកព្រុំ ធាអ្នកសារព័តមាននោះទូរស័ព្ទសួរ ហើយអ្នកម្ចាស់ឈើបានប្រាប់ ឲ្យទៅយកនៅក្រុមហ៊ុនប៉ុន្តែមិនបានទៅយកទេ លុះល្ងាចម៉ោងប្រមាណជា៥និង៤៥នាទីថ្ងៃទី១០កញ្ញា ឆ្នាំ២០១៤នោះត្រូវបានកម្លាំងប៉េអឹមដឹកនាំដោយលោកសុខ រិទី្ធមេបញ្ជាការស្តីទី ស្រុកសេសាល ចុះទៅចាប់អ្នកសារព័តមានឈ្មោះ ព្រុំធាដល់ផ្ទះ ដោយគ្មានទាំងដីការចេញពីតុលាការ នេះជាការប្រើអំណាចរបស់ខ្លួន។ លោកសុខ រិទ្ធី មេបញ្ជាការស្ដីទីស្រុកសេសានបានឲ្យដឹងថា កាលដែលកម្លាំងលោកចុះមក ចាប់ខ្លួនអ្នកយកព័តមានម្នាក់ឈ្មោះព្រុំ ធា គឺតាមបទបញ្ចារ
របស់លោកមេបញ្ជាការខេត្តស្ទឹង ត្រែងដោយមានការប្ដឹងពីលោក មាស សុវណ្ណ ជាមន្ត្រីយោធាយុទ្ធភូមិភាគ១ជាអ្នកទិញឈើបានប្ដឹង ចោទពីបទជំរិតទាប្រាក់ចំនួន១០០ដូល្លាអាមេរិក។ ករណីនេះលោកព្រុំ ធាអ្នកយកព័តមានដែលកម្លាំងប៉េអឹមចាប់ឃាត់ខ្លួននោះ បានឆ្លើយបំភ្លឺឲ្យដឹងថា លោកត្រូវបានគេចោទប្រកាន់ និងមូលបង្កាច់តែប៉ុណ្ណោះ ការពិតហេតុការណ៏នោះ លោកបានជួបនិងគោយន្តដឹកឈើមែន ហើយរឿងនេះគួរហៅ លោកថាយ ស៊ុនអ៊ីនាយប៉ុស្ដិ៍នគរបាលស្រែគរ មកបំភ្លឺក្នុងករណីខាងលើនេះ ព្រោះរឿងនេះលោកក៏បានដឹងដែរ ឯឈ្មួញរកស៊ីឈើគួតែឃាត់ខ្លួន មិនគួរឃាត់ខ្លួនតែរូបគាត់នោះទេ។ ក្នុងករណីឃាត់ខ្លួនអ្នកកាសែតដាក់គុកអ្នកយកព័ត៍ក្នុងខេត្តស្ទឹងត្រែងចំនួន១២នាក់ក៏បានធ្វើលិខិត្យផ្តិតមេដៃដាក់ចូលទៅ
តុលាការ ក្នុងគោលបំណងធានា ឱ្យអ្នកកាសែតឈ្មោះព្រំ ធារួចផុតពីការចោទប្រកាន់ ព្រោះការចោទប្រកាន់នេះ គ្មានមូលដ្ឋានច្បាស់លាស់ និងគ្មានភស្តុតាង ថាអ្នកការសែតរូបនេះបានយកលុយពីឈ្មួញរកស៊ីឈើនោះទេ គឺវាគ្រាន់ជាការសន្យារបស់ឈ្មួញតែប៉ុណ្ណោះ ហើយបើគ្រាន់តែជាការសន្យាមានទោសដែរនោះ យើងមិនដឹងថាច្បាប់ចែងនៅក្នុងមាត្រាណានោះទេ។ ដោយឡែកលោកសៀក មេគង្គមេឃុំស្រែគរក៏បានឱ្យដឹងដែរថាលោកព្រំ ធាអ្នកយកព័ត៍មានវិមានឯរាជ្យមានទីលំនៅក្នុងភូមិឃុំរបស់លោកតាំងពីលោកមកយកព័ត៍មានលោកក៏បានយកកាតសម្គាល់ខ្លួនមកដាក់នៅប៉ុស្តិ៍និងអាជ្ញាធរឃុំ
ដឹងឮដែរ ហើយក៏មិនដែលមានបញ្ហាអ្វី នៅក្នុងមូលដ្ឋានរបស់លោកដែរ ហើយឯការឃាត់ខ្លួននេះ វាអាចប៉ះពាល់និងផលប្រយោជន៍របស់មន្ត្រីអាវុហត្ថខិលខូលឈ្មោះគួន និងឈ្មោះរិទ្ធដែលដាក់កុងត្រូលជជុះ នៅផ្លូវបំបែកចូលភូមិស្រែគរ ប្រមូលលាភសក្ការៈជូនមេស្តីទីស្រុកសេសាន។កន្លងមកថ្មីៗនេះ ក៏មានកិច្ចប្រជុំវេទិកាសាធារណៈ ប្រជាពលរដ្ឋបានលើឡើងរិះគន់ទៅលើមន្ត្រីអាវុធហត្ថថា បានយកលុយពីប្រជាពលរដ្ឋ ដែលចូលអារឈើដាក់ខែក្នុងមួយខែ២០ម៉ឺនរៀលក្នុងរណាតន្តមួយគ្រឿងផងដែរ។ ក្នុងការឃាត់ខ្លួនអ្នកការសែតនេះ ត្រូវបានប្រភពមួយបានទំលាយចេញពីមន្ត្រីអាវុហត្ថថា ក្រោមការរៀបចំរបស់មេបញ្ចាការស្តីទីឈ្មោះសុខ រិទ្ធី ជាមួយមេឈ្មួញដែលបានចាត់ទុកអ្នកការសែតជាឆ្អឹងទទឹងករបស់គេ ព្រោះក្នុងទឹកដីនេះ ពោរពេញទៅដោយបទល្មើសព្រៃឈើ ទើបអ្នកកាសែតជាច្រើនដែលបានចូលយកព័ត៍ ត្រូវបានឃាត់ខ្លួនដាក់គុកជាបន្តបន្ទាប់ ព្រោះគេខ្លាចអ្នកដឹងរឿងរបស់គេ។ នៅថ្ងៃតុលាការសាកសួរជនជាប់ចោទអ្នកយកព័ត៍ប្រចាំខេត្តស្ទឹង
ត្រែជាងដប់នាក់បានធ្វើការសម្ភាសជាមួយលោកស្រីបេ គឹមយាង ចៅក្រមស៊ើបសួរ លោកស្រីបានបញ្ជាក់ថាជាបទកំហែងយក ហើយបានសម្រេចឃុំខ្លួនបណ្តោះអាសន្នរងចាំការសើបអង្កេតបន្ត។ហើយពាក់ព័ន្ធពីបទកំហែងយកក្រុមអ្នកសារព័ត៍មានបានសួរតើមានភស្តុតាងអីខ្លះថាជាការជំរិតទាលុយ អ្នកស្រីបានបញ្ជាក់ថារឿងនេះលោកស្រីមិនអាចបរិយាយបានទេយ៉ាងម៉េច បកស្រាយខាងផ្លូវច្បាប់គឺព្រះរាជអាជ្ញាអ្នកបកស្រាយ ខ្ញុំចៅក្រមស៊ើបសួរគឺមិនមានសិទ្ធិទេ។ ពាក់ព័ន្ធនិងករណីចាប់អ្នកាសែតដាក់គុកចំនួន១១នាក់កន្លងមកថ្មីៗនេះ ត្រូវបានក្រុមអ្នកយកព័ត៍ប្រចាំខេត្តស្ទឹងត្រែងលើកឡើងថានេះជាការ
គំរាមបំបាក់ស្មាតីដល់អ្នកយកព័ត៍មានដែលប៉ះពាល់ដល់ផលប្រយោជន៍របស់គេ ហើយបើគ្រាន់តែជាការសន្យានិងថា ក៏មានទោសដែរនោះ យើងមិនដឹងថាច្បាប់ បានចែងក្នុងមាត្រាណានោះទេ។ទើបអ្នកយកព័ត៍មានសំណូមពរ ដល់សមត្ថកិច្ច ក៏ដូចជាសា្ថប័ណ្ណតុលាការ ដោះលែងលោកព្រំ ធា មុននិងឃុំខ្លួនគួរតែរកភស្តុតាងនិងហៅដើមចោទ និងអ្នកដែលពាក់ព័ន្ធក្នុងរឿងនេះ មានមេប៉ុស្តិ៍មកធ្វើការសាសួរឱ្យដឹងពីអង្គហេតុ មិនគួរចេះតែចាប់ដាក់គុក តាមអ្នកចោទជាឈ្មួញរកស៊ីឈើនោះទេ វាពិតជាអយុត្តិធចំពោះអ្នកកាសែតណាស់៕Bun rithy
