ភ្នំពេញៈ រថយន្តកាមរីបាឡែនមួយគ្រឿងបានរងការខូចខាតផ្នែកខាងមុខធ្លាកកាងដោយសារតែរថយន្តកុងតឺន័រមួយគ្រឿងបើកលឿនជ្រុលបុកចំពីជំហៀងពេញទំហឹងកាលពីវេលាម៉ោង២០និង៤០នាទីយប់ថ្ងៃទី១៥ខែកញ្ញាឆ្នាំ២០១៤តាមបណ្តោយផ្លូវលេខ១៨២
កែងផ្លូវលេខ២៦១ស្ថិតក្នុងសង្កាត់ទឹកល្អក់ទី៣ខណ្ឌទទួលគោកហើយរថយន្តបង្កបានព្យាយាមបើករត់រហូតដល់ចំណុចខាងជើងស្ពានអាកាស៧មករា ត្រូវបានសមត្ថកិច្ចឃាត់បានភ្លាមៗតែម្តង។
តាមសាក្សីនៅកន្លែងកើតហេតុបានឲ្យដឹងថាមុនពេលកើតហេតុគេបានឃើញរថយន្តកាមរីបាឡែនពណ៌ទឹកប្រាក់ពាក់ស្លាកលេខភ្នំពេញ2O-9262 ធ្វើដំណើរតាមបណ្តោយផ្លូវលេខ២៦១ក្នុងទិសដៅពីជើងទៅត្បូងឆ្លងកាត់ផ្លូវលេខ១៨២ហើយបានឈប់ចាំស្តប់ភ្លាមនោះស្រាប់តែមានរថយន្តកុងតឺន័រពណ៌ក្រហមលាយសពាក់ស្លាកលេខប០៤៤០ភព៣ផ្ទុកដោយឥវ៉ាន់ពេញធ្វើដំណើរតាមបណ្តោយផ្លូវលេខ១៨២ ក្នុងទិសដៅពីកើតទៅលិចក្នុងល្បឿនលឿនហើយបានជ្រុលបុករថយន្តកាមរីបា
ឡែនបណ្តាលឲ្យរងការខូចខាតផ្នែកខាងមុខហើយរថយន្តបង្កបានព្យាយាមបើករត់រហូតដល់ចំណុចខាងជើងស្ពានអាកាស៧មករាក៏ត្រូវសមត្ថកិច្ចដែលប្រចាំការនៅគោលដៅខាងក្រោមស្ពានឃាត់បានភ្លាមៗតែម្តង។ ក្រោយពេលកើតហេតុសមត្ថកិច្ចបានធ្វើការវាស់វែងនិងយករថយន្តទាំង២ទៅរក្សាទុកនៅអធិការដ្ឋាននគរបាលខណ្ឌទួលគោកដើម្បីរងចាំដោះស្រាយនៅពេលក្រោយ៕
