ភ្នំពេញៈ បុរសម្នាក់ បានស្លាប់ភ្លាមៗ ដោយសារតែលង់ទឹក ស្ថិតនៅភូមិសេះស្លាប់ ឃុំឆ្នុកទ្រូ ស្រុកបរិបូរណ៍ កាលពីវេលាម៉ោង២និង១៥នាទីរសៀល ថ្ងៃទី១៥ ខែកញ្ញា ឆ្នាំ២០១៤ ។ ប្រភពពត៌មាន ពីប្រជាបលរដ្ឋ នៅកន្លែងកើតហេតុ បានអោយដឹងថា ជនរងគ្រោះឈ្មោះ អៀម ជឿន អាយុ៤៥ឆ្នាំ មានប្រពន្ធឈ្មោះ ម៉ៅ សារ៉ាត់ អាយុ៣៧ឆ្នាំ មានកូនក្នុងបន្ទុក៣នាក់ រស់នៅភូមិ ឃុំកើតហេតុខាងលើ ហើយឧប្បទ្ទហេតុគ្រោះថ្នាក់លង់ទឹកស្លាប់នេះ បានកើតឡើង ដោយមូលហេតុ ជនរងគ្រោះឈ្មោះ អៀម 
ជឿន បានចុះទៅបូមខ្យល់ពាង ដើម្បីតំកល់ផ្ទះបណ្តែតលើទឹក ពេលប្រពន្ធជនរងគ្រោះបាត់ប្ដីយូរ ក៏បានហៅឪ្យអ្នកជិតខាង ចុះមុជទឹករកឃើញជនរងគ្រោះ និងពាងបានធ្លាក់ចេញពីផ្ទះ ទើរនិងព្រៃក្រោមផ្ទះ ហើយបានស្រង់ជនរងគ្រោះ បញ្ជូនមកមន្ទីរពេទ្យ ដើម្បីធ្វើការសង្គ្រោះបន្ទាន់ប៉ុន្តែជនរងគ្រោះ បានដាច់ខ្យល់ស្លាប់បាត់ទៅហើយ ។ សាកសពជនរងគ្រោះ ត្រូវបានក្រុមគ្រួសារ សាច់ញាតិ រៀបចំធ្វើបុណ្យតាម ប្រពៃណី ៕
